بعد ماخلصت الرواية اول شيء قلته “واو” اول مره بحياتي تدهشني رواية بهالقد، البطلة؟ كوين قسم بالله من البداية للنهاية وهي تعجبني تعاملها مع كل مصيبة تجي وكيف توقف قدام النبلاء بوقاحة والاهم كيف هي واقفه مع البطل وتحميه حتى من انه ينجرح، تعاملها بذكاء ولقبها شيطانة الشتاء يضحكني مره كيف هي تكرهه بس راضيه فيه والبطل؟ قوي بشكل يجنن وحبه للبطلة يجنن خلوني اعيش بمشاعر حلوة مره حبه للبطلة مو ضعف ابد ولا يثير الاشمئزاز حبه لها على قوته ماتحول لهوس غبي منفر الكل يعرف بحبه لها من البداية.
الامبراطورة ام الامير الاول تثير حنقي بشدة هوسها بالسلطة وكيف هي مستعدة تسوي كل شيء قذر بس عشان تضمن موقعها بس ذكية بحججها لكن للاسف البطلة اقوى منها وقامعتها بكل شيء ،الشيء الوحيد الحلو اللي سوته انها جابت الامير الاول اللي ينرحم عارف وضعه وعارف حده ولاطمع لاخر حد بشيء مو له حتى حبه لامه اشوفه منطقي بسبب هوسها فيه انه يكون امبراطور مع انه مو حتى من العائلة المالكة
والامبراطور اقذر شخص بالعمل ككل حتى الامبراطورة اللي مسببه مصايب للكل كانت اهون منه استغل حب ام البطل بشكل قذر ووعدها بانها الوحيدة له وبعد ثلاث سنوات بس جاب محضيات من كل حدب وصوب حتى بعد ماشاف ذكاء بطلتنا وقدرة بطلنا استغلهم بانه يريح نفسه من الاشغال وزعلان ليش البطل كارهه حقير للنهاية تمنيت نهاية سيئة جدًا له مو بس ينصدم ان حب ام البطل كان حدين له
النهاية صادمة توقعت البطل يصير الامبراطور لكن تراتب الاحداث منطقي منطقة امه اهم من انه يكون ولي العهد ويعطي الامبراطور راحته واستمتاعه
اعطيها ١٠٠٠/١٠ تستحق المتابعة بجدارة مافيه لحظة حسيت بالملل منها
وماننسى مترجمتنا الحلوة اللي نقلت النصوص بطريقة مفهومه وجميلة وعطتنا هالرواية الحلوة مره هذا يدل على جمال اختياراتك وذوقك الرفيع صح طولت الوضع بس يستحق الاطالة وشكرًا لانكم وصلتوا لهنا هههه