خلصت 101 فصل

وهذا رأيي الشخصي

بدون حرق، انا استمتعت بالعمل ، وعشان اكون دقيقة انا ما قرأت الرواية بل استمعت إليها. وإذا تسألوا كيف فعند متصفح جوجل كروم خاصية قراءة الصفحة ، كنت احطها على سرعة 2 واسمع للأحداث،رغم انه بعض الكلمات ينطقها خطأ لكن كان كويس بشكل عام ههههه.

فممكن ذا سبب خلاني ماحس بملل؟ كونها تجربه جديده لي اني اسمع رواية وارسم او انظف

لكن اقدر انصحك تقرأ الرواية اذا تبي شي لطيف(؟) خفيف ، مافيه احداث معقده وتقدر تتوقع الأحداث عادي . فيه استهلاكية بس ماشوفه مره رخيص، عادي لتمضية الوقت.

الجزء ذا ممكن يكون فيه لمحة حرق ، مابوضح كثير

البطله ، حبيتها شخصية لطيفة قوية

اتوقع بطلة اعتياديه للرسبنه ف الروايات، ماشوفها تطورت شخصيتها خلال العمل؟ حاستها كانت وحده طول الوقت.

البطل ، نظام اللي خجول قدام البطله وكيااه ومع الغير القاسي البارد؟ مو بشكل متطرف يعني بس كان كمان بطل اعتيادي، وأكثر شي ماحبيته عدم تعمقهم فيه؟ ايوه كان عنده مشاعر للبطلة، ولترلي ذي كانت سطوره في العمل ، انه يحب البطله .

ماعجبني حسيت كانت فيه فرصه انه يكون فيه ارك كامل يتكلم عنه بشكل مفصل؟ كونه عايش ف سجن ذي تفجع ماحسيت كتبت عنها الكاتبه بشكل اكثر واقعيه؟ عارفه خيال بس مدري.

ممكن يكون آخر ٢٠ فصل ماشفته يتكلم عن موضوعه بس حسيت بملل دحين وممكن اقراها بعدين .

الشخصيات الجانبية

اخوها الكبير كان لطيف، واخوها الثاني كانت شخصيتي المفضلة، ليش؟ ببساطه لانه اكثر واحد ماتوقعته

كل الشخصيات متوقعه لحد ما ، إلا هو . حسيته رمادي وعلاقته مع البطله كانت مب متوقعه بالنسبه لي.

والمشكلة حق توقع العلاقات موجودة بكثره في اللايت او الويب نوفل الكورية ، مدري دايم يخلوا الشخصيه يا بيضاء يا سوداء ، ويكون مسار علاقة الشخصية واحد، إذا الشخصيه واضح انه بتكون علاقتها طيبه مع البطله ، بتبقى شخصيتها طيبه طول العمل والعكس كمان صحيح . وهذا الشي يسبب لي ملل ، مره استمتع بالتويستات في العلاقات وكيف انه ممكن أقرب واحد وماتوقعنا انه يسوي الحاجه الفلانيه~

الاب كان تبيكال اب شرير، ماحسيت نهايته راضتني

يعني دوق كبير وكيياااه ومن زمان يهددونا فيه وأنه يفجع في النهاية طلع ابو كلب، كنت اتمنى شرير حقيقي يخوفني ب اسباب تفجع اكثر هههههههههههه.

هايلي كان تحفه ، بعيدا عن انه كان بنت في البداية XD

الوحيد اللي اتذكر اسمه ، كان حرفيا كتكوت ومسالم.

اشكر المترجمة على ترجمتها وتعبها ! ماقصرت

وتقييمي للرواية (مع العلم اني قريت بس 101 فصل)

6/10

خلاصة، استمتعت وامضيت وقتي