{ وَينْ أَنتْ عنِي }
ترّى عنكْ ▌ يسّألونـِي▌
قلبِي وَعقلِي وَعِيني معْ مدَامعهَآ ..~
القلبْ ▌ يبكـي▌ وَيسأَلْ وِينْ مضنُونِي ..؟
والعِينْ▌ تشكي▌ ولا بهْ حدّ سَامعهآ ..~

فــي بـيـت ابـو مــهـا

كانت توها جايه من المشغل … ومتوتره وخايفه
ريم : مها وربي خايفه من اهله .. مو مرتاح ابد
مها : لاتخافين حبيبتي … انتي بس اهدي ولاتتوترين
سحر : ريووم وربي شكلك بالميك اب تحطيييييييييييييييييم
ريم اول مره احط ميك اب كامل .. احس نفسي مهرجه
سمر : لا والله شكلك جناااان .. اول مره اشوفك حلووه
ريم تتخصر : لا ياشيخه تحسبيني شيفه
سحر تضحك : لا شيفه ولا شي تجننين بسم الله عليك
هنادي منقهره من كلامهم ماتحب الدلع : اقول انتي وهي بالله اسكتوا كلامك يوصلني للـh
مها : بدل ما تفرحين لاختك وتدلعينها تقولين ذا الكلام البايخ
هنادي : اررررجووووك اعفيني محب كلام الدلع
سحر : تيب روحي شوفي شوق ساعديها بالمطبخ
هنادي : بروح احسن من الضغط العالي هووني .. سيووو
سمر : مها .. زبطي لي شعري .. يمكن يشوفوني ويخطبوني
سحر : ويش فيكم على الزواج … اقول اهجدي انتي بعدك مافقصتي من البيضه
مها : طيب ياحلوات روحوا البسوا يالله
سحر: انا بذاكر عندي اختبار غبت عنه ما ابي اقابلهم
سمر : اما انا برز وجهي بكل مكان ..
مها : ههههههههههه …. تيب انا بروح اشوف شغل وازبط حالي
قبل لا تطلع جات شوق معاها خبر
شوق : ريووم في خبر توه طالع من الفرن
ريم : شنوووو … قولي ؟؟
شوق : اتصل عمي يقول .. سيف يبي يشوفك الشوفه الشرعيه .
ريم انصدمت : ويش يشوفني وانا كذا مبهذله والميك اب بايخ
مها : بالعكي وربي تهبلين
ريم : لالا انا سمعت الدكتور العريف يقول الشوفه الشرعيه تكون البنت بطبيعتها يقول شوفها الخاطب زي ما يشوفونها محارمها
سمر ك طيب مو مشكله هذا بيصير زوجك ومحرمك
ريم : اقول نطقينا بسكاتك.. كيف يشوفني بالميك اب اول مره مايدري انا حلوه والا جيكره
على قولتهم
سحر : اممم في حل .. غسلي وجهك وحطي روج وكحل وبلاشر .. وشعرك حلو ناعم ملفلفه اطرافه مطلعم نعومه مرره
ريم : والله فكره .. خلاص بروح اغسل
شوق : هيه انتي .. من جدك بتغسلين وجهك
مها : ترى الميك اب حقك ناعم … بالله روحي شوفيه كله وردي
ريم : ما ابي … ابي اغسله .. مو حلو
شوق : والله ازعل عليك ريوم لو تغسلي خلاص خليك كذا
ريم متردده : تيب .. بفكر شوي

::
::
::

بجهه ثانيه بالبيت .. وتحديدا بالمطبخ
شوق : اقول هنوده
هنادي : قولي ؟
شوق : اليوم بالليل بكلمك بموضوع مهم اوك
هنادي : طيب ابشري … برجك الى ما تقولين لي
شوق : انا ويش خلاني اقول لك الحين .. ادري بتدوخيني لين اقول
هنادي : هههههههههه احد قالك قولي لي
شوق : الله يصلح الحال يارب .. انتبهي للقهوه زينيها بروح اصلي المغرب .. واقراء الاذكار وارجع
هنادي : تقبل الله .. ولا تشيلين هم راح اسوي كل شي زي ماتحبين .. وتغمز لها
شوق ابتسمت لها من قلب (( عارفه اني بجي والاقي المطبخ حوسه .. بس يالله تتعلم الى متى وهي بقره )) .. وضحكت بصوت عالي وحطت يدها على فمها
هنادي بنظرة شك : تقولين اني بقره هاه
شوق تطالعها بدهشه : كيف عرفتي … بسم الله علينا مع هالمغرب
هنادي بترمي الملعقه عليها : هين اوريك يعني انا بنظرك بقره يا ضفدعه
شوق : هههه .. استغفرك ربي واتوب اليك .. اروح اصلي ابرك لي.. وراحت
هنادي : لا اله الا الله محمد رسول الله .. يارب سامحني مابي اشبه احد بالحيوانات ..
بس ويش اسوي .. مايجي ببالي تشبيهات الا بالحيوانات .. طيب ليش ماقول ياورده .. يافله ..ياياسمينه .. يا … ووويش
رغد ميته ضحك : هههههههههههههههآآآآآآي … الحمدلله انجنت هنادي
هنادي : ضحكتي من سرك بلى .. ماقلت شي يضحك .. ومسكت دلة القهوه وتحطها بالصينيه مع الفناجيل
رغد : طيب سؤال يطرح نفسه … ويش مخليك بالمطبخ ؟؟ وبعدين ليش حاطة من الاغراض حقت الاستعمال اليومي .. في شي اسمه اواني للضيوف والا ماتعرفين
هنادي تطالع بالصينيه وهي تشوف شكلها عادي واقل من عادي : امممم .. مدري
رغد : تعالي طلعي من الاواني اللي هنا .. واشرت على الدولاب
هنادي : اقول .. تكفين زينيها … بروح والا جبت عاليها واطيها
رغد : ههههههههههه .. طيب روحي الله معك ..ز بزبط كل شي .. الله يعين اللي بيتزوجك
هنادي تدقها : امه داعيه له اللي بيتزوجني ..
رغد : وي وي وي وي .. الا داعيه عليه وانتي الصادقه .. بياخذ عربجيه
هنادي تكشر بوجهها : هه هه هه .. بـــايــخــه

:::
:::
:::

ليان : يؤؤؤؤؤؤؤؤؤؤؤؤؤؤؤ .. صدق ندوو؟؟
ندى ترتجف : والله .. والله .. حتى ارسل علي الصور … وجلست تبكي
دانا تضمها : هدي روحك ياخالتوو .. كل شي وله حل !!
ندى : اي حل الله يستر عليك .. والله لو يدري ابوي غير يقطعني ..والا اخواني .. يؤؤؤ
وكملت بكاء
ليان خايفه : ندو … لازم نتصرف طيب كيف جاب الصور ..
ندى : والله العظيم ما ادري …لا تساليني
دانا : ورقم الجوال … من وين طلعه
ليان : اذا جاب صور تعتقدين بيحتار بالرقم .. بيجيبه بكل سهوله
ندى تبكي بهستريا : فكروا معي .. ويش اسوي .. ويش اقوله .. لا تتخلوا عني
ليان ودانا : مستحيل نتخلى عنك ..
ندى تمسح دموعها : يارب استر يارب .. يارب استر علي انت ملجئي الوحيد
دانا : عــنــدي فــكــرررره ..
ندى : تكلمي بسرررعه …

:::
:::
:::

ام محمد : وووع شفتي بيتهم كيف .. يجيب الهم
ام سيف : اسكتي الحين .. خلي الكلام بعدين
ساميه : اوووف احس اني مخنوقه .. البيت كئيب بشكل .. متى نطلع منه
فاطمه : خلاص اسكتوا … خلوا كل شي يصير على خير
دخلت ام هديل ومعاها مها
ام هديل : ياهلا ومرحبا .. زارتنا البركه
مها : حيا الله من جانا .. تو ما نور البيت
ام سيف : بوجود اهله فيه …
ام هديل : كيف حالك يام سيف عساك بخير كيف البنات واخوانهم
ام سيف: بخير الله يسلمك .. انتي ويش اخبارك
ام هديل : الحمدلله .. بصحه وعافيه .. وانتي يام محمد عساك بخير
ام محمد : بخير الله يسلم حالك
ام سيف : هاه يامها بشرينا كيفك وكيف اخواتك ..
مها : الحمدلله .. على كل حال .. كلنا بخير
ساميه : اهم شي عروستنا .. تكون بخير
ام هديل : لا اطمنك عليها بخير ..
ساميه : ماعليك امر يا مها نبي نشوفها .. ونتعرف عليها
مها : وماطلبتي الا حقك … ابشري الحين اروح لها .. عن اذنكم
الكل : اذنك معك … وطلعت لغرفه ريم جري

بغرفه ريم وسحر .. البنات مجتمعين ماعاد شهد ورغد بغرفتهم يذاكرون << الله يادوافير
هديل : ههههههههههه الحين مستحيه كيف لا دخلتي
ريم : ياربي .. والله خايفه منهم .. تخيلوا يقولون ماعجبتنا
حنين : مو على كيفهم وين بيلاقون مثلك … اصلا انتي جمال ودلال واخلاق وعلم ماناقصك شي ..
سحر : بدري على ذا الكلام انتي وهي .. وانتي يالله جري
شوق : تعالي بحط لك عطر .. اخذت علبه العطر وعطرت ريم
انفتح الباب وكانت مها
مها : يالله ريوم .. ام سيف تبي تشوفك ياقمر
ريم ترتجف : مهاااااوووي .. وربي خايفه
شوق : بلا دلع .. لا خوف ولا حاجه .. عمتي ومهاوي معك .. يالله قدامي وسحبتها مع يدها
ريم : طيب لا تخليني لحالي ..
مسكت يد مها وشوق …. والبنات وراهم يعلقون ويضحكون على شكلها المستحي
بــآلــمـجـلـس
ابو مها : اهم شي ياولدي تكمل دراستها .. هي متفوقه ومابيها تضيع نفسها
سيف: ابشر ياعمي .. تكلم دراستها ماعندي مشكله
ابو سيف : وغير هذا الشرط ..
ابو مها : مابيننا شروط يابو سيف .. حنا صرنا اهل
ابو سيف : كلامك صح يابو مها .. وان شاء الله مايصيرر الا اللي يرضيك

..قـبـل تــدخـل مـجـلـس الـحـريـم ..
شوق : يالله توكلي على الله
ريم : مهاوي لا تتركي يدي ..
مها : ماراح اتركك بس يالله ادخلي
هديل : ياربي على الدلع .. ادخلي بس دفوها
حنين : اركدي بلا دفاشه .. تعلمي الانوثه هدوول
هديل : مخليتها لك يا منبع الانوثه
ريم : بسم الله الرحمن الرحيم … يالله مها ادخلي قبلي

:::
:::
:::

شهد : انتي ويش تقرين … كل شوي جايك مسج ..
رغد تطالعها : لا تكونين شاكه فيني ؟؟
شهد : لا مو شاكه بس .. ماني مرتاحه من المسجات اللي كل يوم تجي بوقت واحد
رغد : عشان ترتاحين .. بقولك الهرجه ..
شهد : يعني احساسي ماخاب .. في سالفه وانتي ماقلتيها يارورو
رغد : شهوده .. انا ما احب الف والدوران .. وتعرفين اني صريحه لكن الموضوع كنت مطنشته ولي يومين بس افكر فيه لانه دخلني الشك ..
شهد : طيب قولي السالفه .. وانا اقولك تفسيري المنطقي لها
رغد : طيب يام منطق بقولك .. بس بيني وبينك .. وماتطلع لاحد حتى لو كبرت مشاكلنا
شهد : اكيد عمري قلت شي من اسرارنا اللي بيننا ؟؟!!
رغد : اكيد لا ..
شهد : هيا قولي تحمست مررره
رغد : يالله اسمعي السالفه يا شوشو ….
بدت تسرد لها القصه من الالف الى الياء …

:::
:::
:::

ابهرتهم بنعومتها وهدوئها .. كانت لابسه .. تنوره وردي مكسره فيها شرايط ابيض
وبدي ابيض فيه كسرات خفيفه ومورد بالوردي .. وتحت الصدر شريطه وردي ساتان
وحاطه ميك اب وردي لون لبسها .. وشعرها على طوله ناعم واخر اطرافه ملفلفه وحاطه ورده ابيض على جنب .. معطيتها نعومه زياده على نعومتها
ساميه (( مشاء الله ماتوقعتها كذا .. صراحه حلووه مافيها كلام ))
ام محمد (( اخص يا سيوووف وطلع عندك ذووق .. منت هين ياولد ))
ام سيف (( لا اله الا الله .. مشاء الله تبارك الله .. البنت حلووه وناعمه وباين انها هاديه
ان شاء الله تكون هاديه على طول .. ))
ام هديل : بشري يام سيف ويش رايك ببنتنا
ام سيف : مشاء الله الله يحفظها … تهبل
ساميه تطالعها بنظرات قويه : مقبوله مافيها شي
مها : اهم شي عجبت ام سيف .. مالنا كلام بعدها
ام محمد : سنه كم يا ريم
ريم بصوت واطي : ثالث ثانوي
ام محمد : ويش؟؟.. علام صوتك مختفي ..
ام هديل : بثالث ثانوي
فاطمه : والله نبي نسمع صوتها … لاتكون البنت مانتكلم ونتورط فيها بعدين
ريم انصعقت بكلامها وتعلقت عيونها فيها .. كلامتها نزلت زي الصاعقه عليها
مها بقهر : ويش قالوا لك يا فاطمه … يعني ميتين على ولدكم .. اختنا الف واحد يتمناها
وغير اخوك الف
ساميه : وينهم الالف ياقلبي ماشفناهم
ام سيف بحده : ساميه .. فاطمه .. ماله داعي كلامكم .. هذي ان شاء الله بتصير زوجة اخوكم .. ومايصير تتكلمون بذي الطريقه
ام هديل تطالعهم باحتقار : احب اقولك ياساميه انتي وفاطمه … انا مابي اعطيكم كلام احترام لامك ولأنكم ضيوفنا وببيتنا ..
ام سيف: حقك علي يأم هديل ..وساميه دايم تتسرع بكلامها
مها : الحشيمه والمقدار لك يام سيف والا غيرك مايستاهلها .. واعطت ساميه وفاطمه نظره احتقار قويه
اما ريم .. مصدومه من اللي صار وطلعت بسرعه لغرفتها اول مادخلت كان وجهها بارد
البنات بخوف : ريم … ويش فيك ؟؟
ريم رمت نفسها على السرير وقامت تصيح .. جات شوق تهديها وتحاول تفهم ويش فيها
شوق : ليش تبكين .. تكلمي .. وقفتي قلبي
ريم : اهلـــ… وماقدرت تكمل وشهقت ببالبكاء
سحر : ويش فيهم اهله … احكي لنا بسرعه
ريم : قاموا يرمون علينا كلام ..ماتخليت انهم يتكلمون كذا
حنين : ليش ويش قالوا لك ؟؟
ريم : ائــههههههههئ … اتركوني لحالي ..
هديل : ماراح نتركك لما تقولين لنا اللي صار
ريم : ماني قايله شي … واخذت منديل تمسح به دموعها
دخلت مها والزعل باين عليها
مها : ريم ابي يقول الولد يبي يشوفك .. يالله روحي للمجلس
ريم : ماني رايحه ولا ابي اشوفه .. اصلا انا مابيه
البنات مصدومات من كلام ريم
سحر : اكيد انهبلتي انتي .. ويش الكلام هذا اللي تقولينه
شوق : عمي اعطى الناس كلمه ..
ريم : عادي .. احنا لسى ما شبكنا .. ومافيها شي لو ارفض
مها : ويش تبيني اقول لابوي ..
ريم : قولي له مابي اشوفه .. اهله شافوني ويكفي
مها : بروح اقول له واشوف .. طلعت لابوها بالصاله
مها : يبه تقول ريم ماتبي تشوفه
ابوها : وليش ؟؟.. انا قلت له بدخلها عليك
مها : حاولت معاها .. بس معنده الحين
ابوها : هي بغرفتها الحين
مها : ايه بغرفتها والبنات عندها .. اتجه لغرفتها ..
ابوها : ريم .. ويش الدلع هذا انا قلت للولد انك بتقابليه
ريم : بس يا يبه انا ..
ابوها : بلا بس بلا هم .. يالله قومي معي بسرعه
ريم : به انا خلاص مابيه
ابوها : هي المسئله دلع بنات .. اسمعي كلامي بسرعه والا بتشوفيني اللي مايرضيك
ريم بزعل : طيب طيب .. بروح معك ..
طالعت بالبنات نظرة استسلام .. ومشت مع ابوها
ابوها : والله البنات ماينفع معهم غير العين الحمراء .. يبون يفشلون مع الناس
اخذ ريم واتجهوا لمجلس الرجال … خايفه ومرتبكه
هديل : شكلها بتجيب العيد
سمر : نفسي اعرف .. وش قالت امه وخواته
هنادي: كلها شوي ونعرف اصبري .. يمدحون الصبر
شوق : الله يكون بالعون

بالمجلس .. كان لحاله ينتظر عمه يجي وهي معاه
ابو مها : ادخلي يابنتي .. دخلت ريم وهي ترتجف كانت منزله راسها ماهي قادره ترفعه وتشوف اللي بيكون شريك حياتها .. مسكت يد ابوها ولزقة فيه
ابوها : يالله يبه اجلسي جنب خطيبك .. خليه يشوفك زين
ريم طالعة ابوها ودها تقتله من الاحراج .. مشت باستسلام وقبل تجلس
ابوها : لالا لحظة لفي يابوك خليه يشوف جسمك .. لا يقول بكره مو عاجبه
ريم طاح وجهها ودها تبكي دمعتها تعلقت برموشها مسك ابوها يدها وخلاها تلف .. لما وقفت كانت قباله جت عينه في عينها …
ابوها : بخليكم لحالكم شوي بروح اشوف ابو سيف ..
سيف: تفضل ياعمي .. طالع بريم وهي منزله راسها …..

:::
:::
:::

شهد : امممممم … والله غريب بس اذا ماخاب ضني ان تفسيري اللي قلته صحيح
رغد : انا شاكه .. بس باستنى شوي يمكن يصير شي يثبت شكوكي
شهد : طيب بكيفك اصبري .. ولا طلع شي معك قولي لي
رغد : الا ويش اخبار فصولك
شهد : ماعليه طيب .. ياناس الولد ذا غير عن كل الناس
رغد بكره : بالله ياشهد من عقلك انه يحبك اكيد يلعب عليك .. وبيرميك بعدين
شهد : ما اضن اصلا هو ميت فيني .. وكل شي يدل على هالشي
رغد : مو كل من قال احبك يكون صادق ياشهوده
شهد : بس انا واثقه فيه يا رغد .. يكفي ان له 5 شهور معي وقريب تصير 6
رغد متفاجئه : مشاء الله 5 شهور … وحنا خبر خير
شهد تمسك الفرشه تمشط شعرها : رورو … صدقيني لما تجربين الحب وتجربين ان يكون في احد مهتم فيك وانتي بالنسبه له دنياه بيختلف كلامك هذا كله
رغد : ما اعتقد ان كلامي بيتغير .. .. وقبل تكمل كلامها وصلت رساله على جوالها
شهد تبتسم : نشوف ويش اخر رسايل المغرم حقك
رغد : مشكلتك يا شهد انك متسرعه باحكامك
شهد : انا قلت لك احساسي .. ماندري يمكن يصدق ويمكن مايصدق
رغد تفتح الرساله وتقراها

يدفعني الشوق يالمحبوب وأجي لك..
أسابق خطاي والدنيا ومافيها.. ياكثر شوقي لك
وياكثر حبي لك..
يالشمعه الي تضويني وأضويها..
وأقدم الروح بين ايديك وأهديلك أجمل
سنيني بحاضرها وماضيـــها!

شهد تطالعها بنص عين : ويش مكتوب اقريه لي
رغد تعطيها الجوال : خذي اقريها انتي ..

:::
:::
:::

جات ريم وجهها لونه احمر من الحياء .. ودخلت غرفتها وجلست على السرير
هديل : بشري .. ويش قالك .. تكلمي
ريم : ابي مويه … عطشانه مرره .. راحت هنادي جري وجابت لها مويه متحمسه تسمع ريم
سحر : يالله تكلمي تكفين شوقتيني
ريم : وربي مدري ويش قال .. ولا طالعت فيه
سمر : تكذبين علينا تبين تصرفين نفسك .. وماتبين تقولين لنا
ريم : لا والله .. كل اللي اذكره .. قالي ويش هالزين .. بس
البنات انفجروا ضحك عليها : ههههههههههههههههههههههههههههه
حنين : بس هذا اللي قاله المحروس
ريم : قال كلام كثير بس بالي مو معه مدري ويش قال

بعد ماراحوا اهل سيف ..جلست ام هديل ومها وشوق يسولفون شوي عنهم
شوق راحت تجهز العشاء مع البنات … وسهروا مع بعض وكلهم يتريقون على ريم .. وينتقدون اهل سيف
ام هديل : يالله يابنات ابوكم تحت
هديل : انا جاهزة .. بنزل قبلك …
البنات : مع السلامه هديل … مع السلامه حنين
هديل وحنين : بااااااااااااايــــــــو
شوق : عمتي لا تقطعينا
ام هديل : ان شاء الله .. يالله مع السلامه
مها : معع السلامه
ام هديل : انتبهوا لنفسكم …. ونزلت
سحر : ايش فيها عمتي متضايقه ..
مها : يمكن متضايقه من اهل سيف لان كلامهم جرحها شوي
ريم : الله ياخذها اللي اسمها ساميه وفاطمه .. كرهتهم من قلب
هنادي : شكلهم بيجننونك ياريومي
ريم : الله يكون بالعون .. وكل وحده اتجهت لغرفتها

:::
:::
:::

يوسف : كلمها وارتاح ياخي بدل منت على ذا الحال
عبدالله : متردد والله متردد
يوسف : جرب انت شوف ويش تقول لك
عبدالله يمسك جواله : يالله بجرب الحين … بسم الله
يوسف يضحك على شكله باين انه خايف انها ترمي عليه كلام قاسي
عبدالله يأشر ليوسف : يــــدق يــــدق
يوسف : اكيد بيدق يا دلخ اجل بينقطع .. قسم بالله غباء
عبدالله : أوووووووووص
يوسف : سكتنا سكتنا …

:::
:::
:::

هنادي بخوف: من جدك شوق تتكلمين ؟؟!!
شوق : ايه من جد تعرفيني .. ماحب امزح بالأمور المهمه
هنادي : بس والله مقدر على ذا الشي … صعب مرره صعب
شوق : اذا ماتقدرين مو مشكله بس ما تنطقين بحرف واحد ..لو عرفت انك تكلمتي وقلتي حرف واحد راح تشوفين شي ماعمرك شفتيه مني
هنادي : شوق وربي اخاف .. كل شي وله حدود .. صح انا ما اخاف بس الا ذا الشي
شوق : طيب صار خير .. بس اوعديني الكلام هذا ماحد يدري فيه الا انا وانتي
هنادي : وعد … والله يشهد علي من سماه
شوق : انا واثقه فيك و واثقه بأمانتك ..
هنادي : انا بفكر وارد لك خبر
شوق : حاولي تستعجلين الموضوع ما يتحمل التأجيل
هنادي : طيب .. تصبحين على خير
شوق وانتي من اهل الخير …
اتجهت هنادي لغرفتها ..واتجهت شوق لغرفتها .. اول مادخلت لقت مها صاحيه
شوق : مهاوي مانمتي
مها بصوت مبحوح : لا مانمت … لفت شوق على جهتها وشافت وجهها متورم ..
وباين انها تبكي لان عيونها حمراء
شوق : مهاوي علامك تبكين …؟؟
مها : زعلانه شوي
شوق : مين زعلك … احد من البنات .. او شهد اعرفها دايم كلامها جارح
مها : لا مو من البنات … زعلانه على حظ ريم .. مبين ان اهل زوجها معارضين الزواج
انا حسيت كذا من كلامهم
شوق : هدي روحك .. بعدين مو اهله اللي بيتزوجون .. اللي بيتزوج هو سيف ولدهم
دامه هو اللي يبي ريم .. تطمني معناته شاريها ويبيها
مها تمسح دموعها : انا خايفه عليها منهم .. هم عايله غنيه وابوهم له منصب بالامن .. يعني هم وين واحنا وين يا شوق … اكيد ماراح يتركوها بحالها .. وخصوصا هذي ساميه
نظراتها نظرات خبث ولئم ما ارتحت لها بالمره
شوق : الله يصلحك يا مهاوي … هي ماعليها في اهله اهم شي زوجها بتعيش معها مو معهم
مها : ولو .. انا بكلم ابوي بقول له يرفض .. هذي العايله من اساسها مادخلت مزاجي ..
فيهم غرور وعجرفه .. وكبرياء على ويش الحمدلله والشكر لا جمال ولا شي ..
شوق : مدري ويش اقولك … كلمي عمي وشوفي .. راحت لسريرها وانسدحت
ومها قفلت النور بعد ماغسلت وجهها ونامت

:::
:::
:::

رغد : ومين انت .. وليش ترسل لي رسايل
…: انـــــا …. وسكت
رغد : انت مين .. لا تلف وتدور معي خلك سيدا …
…: انا عبدالله .. اللي اشتغل بالمطعم … ارتجفت يوم سمعت كلامه كان اخر احتمال حطته براسها .. ماتوقعت انه يكون هو الاحتمال الصائب
قفلت الجوال بسرعه من بعد كلمته .. ولفت بعيونها على شهد
شهد : ويش في .. منو اللي اتصل ؟؟
رغد : ماراح تصدقين
شهد : بس لا توتريني ..
رغد : هو … هو يا شهد .. عبدالله هو اللي يرسل الرسايل .. وتوه دق علي
شهد تضحك : قلت لك .. بس انتي ما صدقتيني
رغد : كيف جاب رقمي .. ويش عرفه فيني
شهد : اللي يسأل مايتوه ياحياتي
رغد : بس ماتوصل لدرجه انه يجيب رقمي … ويش غرضه ؟؟ .. آآآآه راسي بينفجر من التفكير .. مليون فكره وفكره براسي..
شهد : افهمي يا عبيطه . هذا ماله الا تفسير واحد بس .. انه يحبك .. لو مايحبك ماكان جاب رقمك ويرسل لك رسايل ولا تشجع وكلمك
رغد : تهقين من جد يحبني
شهد : يـــس يــس .. يحبك
رغد : امممممم … اقول انام احسن لي ولك .. تصبحين على خير
شهد : وانتي من اهل الخير

:::
:::
:::

بعد يومين .. بـالـمـدرســـه

هنادي : والله يا عبير قالي كذا
عبير : وبتروحين ؟؟
هنادي : ايه ويش اسوي .. كذا راح افضح نفسي قدامهم اذا رفضت العزيمه .. والمره ذي مصر ماجد بقووه
عبير : طيب روحي بس انتبهي لنفسك .. وخواتك ويش بتقولين لهم
هنادي : مدري … بفكر بعذر زي وجهي ..
عبير : انا بفكر لك بعذر .. او تصريفه تصرفين بها عمرك
هنادي : تكفين لاتتركيني اتوهق لحالي .. احنا بيننا اتفاق
عبير : ولا يهمك انا معك بالحلوه والمره
هنادي : تعالي نرجع للشله .. ورجعوا للشله يسولفون ويلعبون

بعد الصرفه

سحر: بنات انا احتريت .. بروح السياره خلصوا بسرعه
ريم : تكفين سحر بس بقول للينا السالفه اصبري
سحر : بالشارع تقولين سالفه ؟؟!! .. صدق انك رايقه ..
ريم : بكمل السالفه يعني بقولها
سحر : انتي حره …
راحت لهنادي وسمر ولقتهم يسولفون بعد ويضحكون طنشوها وما قدروا تعبها والحر اللي تحس فيه .. مشت للسياره اول ما مشت للسياره .. انطلقت صرختها بالشارع كله
سحر : رررررررررررررررررررررريـــــــــــــم

:::
:::
:::

بـــألـــجــــامــــعــــه

فاتن : واخبار الحلوين ايه ؟؟
البنات : تمام
رغد : انتي اخبارك .. ويش مسويه
فاتن : ماشي حالي .. انتي كيف مع الكيمياء
رغد : الحمدلله … شاده حيلي وان شاء الله احقق اللي براسي
جات كوثر وهي زعلانه : سلام
الكل : وعليكم السلام
شهد : ياساتر … علامك زعلانه كذا
كوثر شوي وتبكي : مقهوره .. واحس اني بموت
الكل : لــــيــــــش ؟؟!!
كوثر : ولد عمي خطب وحده ..
فاتن : على البركه .. بس ليش مقهوره
رغد : لاتكونين تحبينه وتتمنينه
كوثر : ايه ابيه .. انا احبه .. بس قهرني راح خطب لي وحده اهلها سمعتهم بالارض
شهد : الله يستر علينا يارب .. يعني مالقى غيرها
كوثر : انا ادري عنه .. حتى جدي زعل عليه مو راضي يسلم عليه
رغد : كله عشان خطب .. الله يسعده معها يمكن هو يبيها
كوثر : الله لا يسعده معاها .. وانا ويش ذنبي يتركني على ذمته مفوته له من كنت صغيره بالاخير يتركني وراه .. وجلست تبكي
شهد : مايستاهل دموعك يا كوثر .. انسيه
كوثر : انساه … كيف انساه وانا من المتوسط اهيم فيه
فاتن : قدر الله وماشاء فعل … يمكن خيره لك انه مايتزوجك
رغد : كلام فاتن صح.. يمكن مايسعدك ويطفشك بحياتك
كوثر : خلاص اسكتوا
فاتن : بشريني ياشهد .. ويش سويتي باللي قلتي لي
شهد: كل شي تمام زي ماقلت لك
فاتن : ههههههههههه .. ما أنتي سهله
دق جوال رغد .. وتغير وجهها
رغد : عن اذنكم شوق تدق علي
شهد : طيب …
وراحت لمكان بعيد تكلم الجوال

:::
:::
:::

طاحت طرحتها بعد ماجلست على ركبها من الخوف …. وكانت تبكي .. ماهي مصدقه انها نجت من الموت بأعجوبه … نزل الولد بسرعه ورمى الغطا على وجهها .. وجات ريم تجري وهنادي وهم خايفين عليها وسمر تسمرت بمكانها من الصدمه
ريم تمسك يدها : ســـحر … انتي بخير
سحر : ائــهههههــئ …
هنادي مسكت الولد مع بلوزته وسحبت نظراته وكسرتها : هيه انت ما تشوف .. لو يصير باختي شي راح اقتلك
الولد : شوفيها بخير .. ماصار لها شي
هنادي : وربي لو يصير فيها شي ترحم على عمرك
سحر وقفت بمساعدة ريم .. فاجئتهم كلهم بتصرفها …
سحر : غبي … وراحت بسرعه للسياره بسرعه ولحقوها خواتها

:::
:::
:::

الــــعــــصــر
ندى : الـــووو … الحقي علي ..
ليان : اتصل عليك اليوم ؟؟
ندى بانهيار : ايه … واعطاني موعد يقولي اذا ماجيتي ياويلك
ليان : لاتروحين ماعليك فيه طنشيه
ندى : واذا نفذ تهديده
ليان : اقولك .. انا بجي الحين ونفكر مع بعض باي
ندى : لاتتاخري تعالي بسرعه ..
ليان : اوكي جايه … مسافة الطريق

بــآلــمـديـنــه
الساعه 9 بالليل
ماجد : حيا الله من جانا ..
هاني : الله يحيك ويبقيك
رائد : وين عاصم ماجاء
هاني : كان بيجي .. بس اخته حرارتها مرتفعه واضطر يوديها المستشفى
ماجد: والله خساره .. الكل مجتمعين ماعدا هو
هاني : الظروف اقوى منا
رائد : واخبارك ياهاني ..
هاني : الحمدلله بخير وعافيه ..

ببيت ابو مها
شوق : مهاااوووي .. تعالي ساعديني
مها : ابشري ماطلبتي شي … اخذت الصينيه المليانه ومشت للصاله
شوق شافتها وقفت بنص الصاله : مهاوي فيك شي
مها : لالا مافيني الا العافيه
شوق تسحب الصينيه : هاتي الصينيه عنك.. واضح انك تعبانه
مها : بروح انام .. احس بارهاق وتعب
شوق : طيب والعشاء
مها : مابي .. ماني جوعانه
شوق :اهم شي ترتاحي ..
مها : انا رايحه شوفي هنادي متى ترجع تاخرت
شوق : طيب بدق عليها
اخذت جوالها ودقت على هنادي لكن جوالها مغلق
شهد : وين العشاء وربي جوعانه
رغد : باقي شوي .. اصبري
شهد : يالله نصبر .. سحر ساعدي شوق
سحر معصبه : قومي انتي اليوم تعبانه ومالي حيل اقوم
شهد : طيب لا تنفخين ..
شوق : دقوا على هنادي تاخرت لي ربع ساعه ادق مغلق ..قبل تكمل كلامها

جات هنادي .. معصبه وثايره ..
رغد : وين كنتي يا ست هنادي
هنادي : مالك خص …
شوق : هنادي .. ويش مالها خص … وبعدين لا ترفعين صوتك على اللي اكبر منك
هنادي : انا رايحه غرفتي ..
شوق : والعشاء …ماتبي تتعشي
هنادي : نفسي مسدوده .. اذا جعت اعرف المطبخ .. وراحت للغرفه
ريم : ويش فيها هذي .. جايه معصبه
شوق : والاغراض اللي قالت بتجيبها ماشفت شي منها
شهد : المهم وين العشاء وربي بموت جوع
شوق : يالله يالله بحطه …
واتجهت للمطبخ تجهز لهم العشاء بعد ما تعشوا البنات وعمها وخلصت كل اشغالها .. راحت لهنادي تكلمها .. وتحاول تعرف ويش فيها
هنادي : شوق مافيني شي والله .. وبالنسبه لموضوعك .. انا موافقه وجهزي كل شي
شوق : انا رتبت كل شي .. وكل شي جاهز
هنادي : وانا موافقه …

:::
:::
:::

يوسف : ويش قالت لك ..؟؟
عبدالله بابتسامه : اللي ابيه قالته ..
يوسف : زي ويش ..
عبدالله : كلمتها شوي .. يعني قلت لها اللي بخاطري ..
يوسف : ويش ردة فعلها ..
عبدالله : عاديه .. بس لما اكلمه تسولف عادي
يوسف : وهذيك الشرسه اكيد ماتدري عنها
عبدالله : مدري والله .. بس اهم شي رغودتي كلمتها
يوسف : بذمتك تحبها
عبدالله : انا اعشقها اتنفس هواها .. والله حبيتها من اول نظره
يوسف: طيب بسئلك سؤال وتجاوبني عليه بصراحه
عبدالله : اسئل
يوسف : او تبي تتزوج … عادي تتزوجها
عبدالله : ايه عادي اتزوجها .. دام احبها ليش لا
يوسف: يعني تتزوج وحده تعرفت عليها
عبدالله : ايه اتزوجها .. اذا رغد بدون ما افكر اتزوجها
يوسف: شكلك تحبها مووت
عبدالله : قليله احبها .. صح ما اعرف شكلها ولا شي بس اهواها من الله احبها
يوسف : حالتك متاخره مرره

:::
:::
:::

بعد يومين

…: ويش بتسوي ؟؟
…: بسوي اللي براسي … بس انتي زبطي لي كل شي
…: ان شاء الله بزبط لك كل شي … زي ما اتفقنا … 5 الاف ريال بيدي
…: اوك .. بس اشوفها قدامي .. الفلوس وراعي الفلوس بيدك
…: اجل تطمن .. باقرب وقت بيصير اللي تبي
…: لا تتاخرين علي .. خليك على خبري .. عند كلمتك ما تتراجعين عنها
…: افا عليك .. اسئل عني .. انا قول وفعل .. جربني بس
…: نشوف ويش تقدرين عليه .. وتقدرين عليها والا بس كلام
…: بتشوف .. لا تتسرع بحكمك علي
…: اوك اعطيني موعد اذا زبطتي كل شي
…: تيب … يالله مع السلامه

:::
:::
:::

هديل : يمه علامك زعلانه
امها بعصبيه : مابي اشوف احد … اطلعي وخذي اخوانك
حنين : هيا هديل شكل امي واصله معها للشيطان الرجيم
هديل : طيب يالله خذي اخواني .. جت بتسئل امها مره ثانيه
امها : هديل .. اطلعي عني هذي الساعه ماني طايقه احد
هديل : طيب ليش كل هالعصبيه .. متهاوشه مع ابوي
امها : مالك خص … اطلعي بسررررررررررررررررررررررررررررررعه
هديل : بطلع … وراحت للصاله
هديل : صراحه ياحنين .. امي الى متى تعتبرنا صغار خلاص كبرنا وهي تعاملنا كاننا اطفال
حنين : يعني ماتعودتي على اسلوب امي .. هذي شخصيتها
هديل : نفسي افهم لها كم يوم متضايقه
حنين تفكر : يقولون اذا الام بس متضايقه معناته تمر باضطرابت الحمل .. هذا يعني ان امي حــــــــــآآآآآآمــــــــل
هديل : حامل بعينك .. ماتعرفين تفكيرين انتي … اصلا لو امي حامل كان كشفناها
حنين : طيب ياذكيه طلعي سبب
هديل : بالنسبه للسبب ماعندي سبب … بس اشك ان في شي كبيرررر
حنين : ياخبر اليوم بفلوس بكره يبقى ببلاش
هديل : على قولتك … بروح اذاكر ماني داريه وين ربي حاطني بالمدرسه
حنين : شدي حيلك هذي اخر سنه
هديل : شوفوا مين يتكلم عن شدة الحيل ..
حنين : لهدرجه انا طايحه من عينك
هديل: من زمان طايحه توك تدرين

:::
:::
:::

صحى وهو في نص وعيه .. وراسه مصدع ومايشوف زين .. صحى مايدري هو وينه
وكيف جاء لهذا المكان … ولا هو ذاكر ويش صار .. بدت علامات الاستفهام تنسج خيوطها
حوله والافكار والظنون ترميه على شاطئها … تعب يفكر ويفكر ..
مالقى جواب لكل تساؤلاته … هو بدنيا وعالم يلفه الغموض والظلام

؛؛؛
؛؛
؛

يلف بعض الغموض ابطالنا … ولم تتضح لنا بعض الصور

هل من الممكن ان تبدأ خيوط الظلام بالانسحاب … ويبدا النهار ويكشف لنا بعض الاسرار ..

شوق … بتكشف لنا عن شخصيه ما عرفناها من قبل ؟؟ لكن ويش هو السبب ؟؟

ريم وسيف .. هل راح تبتدي قصته او يقدر لها الموت والانتهاء ؟؟

هنادي …وشخصيتها الجديده … كيف بيكون الانطباع عنها ؟؟

رغد .. معقوله تسير بالطريق اللي مشت فيه شهد ..أو …؟؟

شهد … والهديه … ويش بتكون ؟؟

مها … وعمتها … ويش صار بينهم ..؟؟ وهل السبب الرئيسي اهل سيف ؟؟

ندى … ويش قصتها .. ومين اللي يهددها ؟؟ كيف بتتخلص منه ؟؟

فـــــهــــــد … الغائب عن الاحداث .. هل بتكون له عوده او مـــاذا ؟؟

عبدالله .. والف علامة استفهام حوله … ؟؟؟

انتظر تقييمكم لي .. وتوقعاتكم وارائكم