اللحن الثامن

–
ياسر يتفقد سيارته وواضح عليه العصبيه.. فتح الشباك/عسى ماشر
ياسر بعصبيه/كفرات سيارتي مبنشره وفيها ريحه تجيب المرض
نزل جهاد من السيارة وقرب من ياسر هو يشوف الكفرات..
عقد حواجبه يستوعب..ابتسم
ياسر بزعل من
ابتسامته/انا الحين مبتلش بسيارتي وانت تتشمت
جهاد/ههههه تعال اركب بوصلك
ياسر بستغراب /توصلني…
‘
ركب جهاد/بتطول وانت متنح فـ ترا بمشي عنك
ياسر هز راسه بلا وركب بسرعه.. حرك جهاد السيارة
ياسر لف بكامل جسمه له/ليت الكفرات مبنشره من سنه يامجرم لي سنه كاملة ما خاويتك
جهاد /البركه في اللي بنشر سيارتك
ياسر عقد حواجبه بتفكير/لايكون زيادوه بنشرها ينتقم من
سحبي لدراجته منه.. جهاد/ ليه لا تكون كفخته هو الثاني مع الباب
ياسر /وش سالفتك مع الباب
جهاد بسخريه/مشخني
ياسر بعدم استيعاب
ارمش اكثر من مره
وبهمس/نـ نـوف؟! جهاد/ليه تمد يدك عليها.
ياسر صد عنه/متى مشختك؟! الا متى قابلتها
جهاد/امس في الليل حصلتها عند سيارتك تبنشرها ولمى سالتها قالت انها تنتقم منك الانك
مديت يدك عليها
ياسر شد شعره/البنت هذي مجنونه ويبي لها تربيه شغلها عندي بس ارجع البيت
جهاد وقف السيارة بسرعه في الطريق العام/انزل انت مو كفو اوصلك
ياسر بعجبه/جهااااد
جهاد بعصبيه/اول ماقلت انك تمد يدك عليها ماصدقت
نزل هنا وارجع للبيت مشي لجل تلحق تربيها
ياسر ابتسم/والله ياخوك لو انك تشوف اللي تسويه انك ما توقف على ضربها..ابك هذي خبله اجل انا ياسر العاصم تجي هذي تطلع جنانها علي
جهاد هدا شوي/كفوك جعلها تخبل بك..الانك رفست النعم برجليك كانت عندك بنت الوزير اللي
الكل يتمنها ..وكانت تموت فيك وطلباتك اومر مطيرتك بهتمامها فيك..تروح تطلقها
ياسر/ايه بالله صدقت والله انها حوبتي الله وكيلك طحت لي في وحده حتى رقم جوالي ما طلبته ولا تسال عن هواء داري وارجع للبيت لقيها حايسه الدنياء هذا اذ ما كانت مسويه مصيبه
جهاد حرك السيارة وهو مبتسم بسخريه على حال ياسر
ياسر/عقبال اشوفك متزوج
ولو بـ المسيار.
جهاد بجمود/بعد ما انجنيت اخذ وحده تجي مكانها
ياسر/انساها
جهاد بضيق/ان نساني الموت نسيتها
ياسر/الى متى ياجهاد صار لك 8سنوات وانت على هذا الحال.اكيد الحين قد تزوجة هذا اذ ماصار عندها عيال وانت الى الان عايش على ذكراها
جهاد ضرب الدركسون
بقهر/وان ما تزوجة مستحيل اتزوج حتى عرف عنها شي
ياسر/تنتظر سراب..تزوج وبتحب زوجتك وبتنساها وبتعرف انك كنت عايش على سراب
جهاد بسخريه/ايه هين شفتك حبيت احد من زوجاتك
ياسر تنهد/انا غيـر
جهاد/وانـا غـيــر وغير ولا تعتقد اني نسيت سواتك فيني قبل سنة
ياسر/..
–

كثرة الحمد ، تُرغمك على الرضا ؛ فالحمدلله دائماً و أبداً .
–
سواتك فيني قبل سنه
ياسر هز راسه بياس منه
_____
الساعة 4:00
في حديقة القصر
متجمعين على جلسات ارضيه…”الهنوف والبنات و ام ياسر وام سلطان”
جالسه معهم بهدوء تسمع لسوالفهم اللي بنسبه لها سامجه..
قطع سوالفهم صوت جوالها اللي يدق..
طلعته من جيب بنطلونها ” ( و ) يتصل بك” ((نوف مسجله الاسماء ب اول حرف من كل اسم (و) وعد ))
ابتسمت بقوه وردت بلهفه/الووووو
وعد/سلام
نوف بصوت عالي /وعليكم السلام
وعد/نووويف يا حيوانه وينك ما تدقين كل هذا بخل هااا ولا شفتي امك ونسيتينا وبعدين قالو لي ان زوجك صاروخ اذ عنده اخوان عطيني ارقامهم
نوف/ ههههههههههههه افتكيت من خشتك يا القرده..لا ما عنده اخوان
وعد ابتسمت/نويف
نوف/هااا
وعد بصوت باكي/والله العظيم اشتقت لك هنا كلهم نفسيات ومن زمان محد قطع لي شعري
ولا كفخني..
نوف عضت شفايفها وبجمود/وانا اشتقت لشعرك …وش صار بعد مارحت
وعد بضيق/عمتي وبناتها سافروا لمصر قبل امس..وخالي عندنا هو وعياله وبعد بكره بنمشي لمكه نسكن عنده..ما ابي اسكن معهم..نوف ليتك تجين وتشوفين كيف يعاملونا هذا واحنا بعد مارحنا لبيتهم اجل لو سكنا عندهم وش بيسوون خصوصاً خالي يخوف يا نوف مره شديد
نوف بعصبيه/لا تكونين ساكته لهم وقفيهم عند حدهم
وعد/انتي نسيتي من امي!!؟والله ان تذبحني اذا قلت كلمه
نوف بقهر/وبعدين مع امك..لا تخافين اذا سوو لك شي دقي علي وانا بتكفل فيهم
وعد بحسره/وش بتسوين وانتي في الدمام وانا بجده
نوف/نسيتي دحوم ب اوكله يتكفل بتأديبهم
وعد برتباك/نـ نـوف
نوف بقلق من نبرة صوتها.. وقفت وابتعدت عنهم شوي/وش فيك
وعد/نوف ابوي ماعرفوا من اللي قتله..والشرطه اكثر من مره جات وحققت معنا..وملف القضيه بيتقفل الان مافيه اي دليل يدل على القاتل..الا اذ حصلوا دليل او شي يدلهم بيفتحون القضيه..هذا غير انهم اعرفوا ان ابوي كان مروج مخدرات
نوف تنهد/خليها تتقفل عمرها ما انفتحت وهذا مصير كل واحد مثله
وعد بصوت باكي/نـ نــوف قبل مت ايام العزا وفيه سيارة سودا تراقب البيت شفناها من السطح..وامس فيه واحد دق الباب وفتحت له انا وولد خالي الصغير..نوف كـان يــسأل عــن نـــــــواف
نوف صارخة بصدمه/ نــ نــــــــــــواااااف….

–
نوف صارخة بصدمه/ نــ نــــواااااف
التفتوا لها الجالسين بستغراب
الهنوف بقلق/نوف يا ماما صاير شي
نوف ارفعت عيونها لأمها وهي ترجف هزت راسها لا وتراجعت على وراء..
مشت بسرعه مبتعده عنهم اكثر وهي تترنح في مشيتها وعظامها ترجف
الهنوف وقفت بقلق ..ونادتها بصوت عالي
لكن نوف ما كانت تسمع الا اسم نواف يتردد في بالها.
وقفت ركض وجلست خلف الاشجار.
ضمت نفسها بقوه.تحاول تسيطر على رجفتها رفعت الجوال على اذنها وبصوت مهزوز/و وعد..من كان وكـيف شـ شكلة يمكن كان عبدالرحمن
وعد /لا مو عبدالرحمن انا اعرف عبدالرحمن..كان لابس اسود طويل ومتين و شعر لحيته وراسه كله ابيض بس مو كبير في السن مدري مدري شكله غريب وملفت
نوف شهقت بقوه حتى حست ان انفاسها بتضيع”هو هو مافيه غيره هو اللي قتل ابوي وهو الوحيد اللي شاف نواف ” تقصد نفسها اذ تنكرة بشكل نواف”
هو اللي كان مسؤل عن عمليات التهريب اللي اسويها ..
وعد /نوف تعرفينه! هو يعرف ان نواف نفسه نوف او لا !!؟
نوف بقلق/لا لااا لا ما يعرف هو بس يعرف اني نواف ولد راشد ما يعرف اني بنت ماا يعرف ما يــعرف…انتو وش قـلتوا له هاا
وعد بخوف/قلت له ان نواف مختفي من فتره ومانعرف عنه شي
نوف بصراخ/ليه ليه قلتي له كذا!! الحين بيحققون في امري وبيبحثون وراي اه يويلي
وعد تبكي/ما ادري انلخمت ما عرفة وش اقول او كيف اتصرف..واللي زاد الطين بله ان السياره السودا الى يومك هذا تراقب البيت
نوف بتحذير/وعددد انتبهوا تطلعون من البيت لوحدكم وحاولوا تروحون لبيت خالكم في اقرب وقت تسمعين
وعد بستعجال/طيب طيب انتي انتبهي لنفسك امي تناديني مع السلامه..
قفلت منها بدون ماتسمع ردها…
رفعت كفوفها على فمها تكتم شهقاتها..جسمها ينتفض برعب وكأنها تشوف شكلها مكان
ابوها تنقتل
نزلت نظاراتها بسرعه وهي تضغط بقوه على راسها من جهة اليسار يألمها حيل..من بعد الحادث هي تعاني من الم شديد فيه الى درجة انه يفقدها وعيها..في فترات متباعده..عضت كفها بقوه تكتم صرخات الألم..رمت نفسها على الارض بقوه لعله يخف..
“ماتتخيل حياتها ترجع وتكون جزاء من اعماال ابوها الخبيثه اذ حصلها اكيد بيقتلها لانها تعرف وجهه واسمه وكذا معلومه عنه اكيد يعتبرني اشكل خطر عليه وعلى العصابه..هو كان واحد من العصابه اللي يعرف ان ابوي يرسلني بداله في مهماته..هو اللي كان يشجع ابوي على استخدامه ل نواف في مهماته لاني كنت صغيره محد بيشك فيني..” ضيقت عيونها
بألم و لاول مره بعد الحادث تنزل دمعه
يتيمه تحمل معاني اليتم والحرمان وألم دمعه تحكي قصص من الاوجع
المصفوفه دمعه تشكي قسوة الكتمان –

“استغفرالله”
–
يتيمه تحمل معاني اليتم والحرمان
وألم دمعه تحكي قصص من الاوجع
المصفوفه دمعه تشكي قسوة الكتمان
دمع تزيد الاوجع لا تخفف عن النفس الاحزان…
شهقت بتهجد..عيونها تتقفل غصب عنها..لتفقد
وعيها دون ان يكون هناك ايادي تحتضنها..
وتخفف المها –
9:00م
دخل مع جهاد للقصر هو طلع لفوق و جهاد جالس مع ديما ورغد والهنوف .. “دور الثالث قسم خاص ب ياسر والقسم الثاني خاص ب جهاد”
دخل للجناح وهو في حالة ترقب لمصيبه مسويتها نوف….
عقد حواجبه من هدوء الجناح..
دورها في الصاله و الغرفه وحتى دورات المياه..جالس على السرير وهو يشوف الغرفة محيوسه والسرير محيوس..من دخلت حياته ولا مره دخل الجناح وحصله نظيف او مبخر او حتى ملابسه مجهزه له مثل ما كانت تسوي نوال’زوجته السابقة بنت الوزير””
زفر بضيق منها.
رفع الجوال واتصل على ديما..
ياسر/الووو قولي لنوف تطلع لي فوق
ديما بستغراب/ليه هي مو موجوده في الجناح!؟
ياسر/لا
ديما بقلق/ياسر من عصر ما شفناها كنت اظن انها طلعت لجناحكم..
ياسر بنرفزه/وين مختفيه فيه..اوه اعوذ بالله
ديما بخوف/ياسر في العصر كانت تكلم احد من اهلها وفجائه تغير لون وجها وواضح عليها الارتباك وصارخة ب اسم نواف..وبعدها تركت المكان ولا عاد شفناها
ياسر بجمود/خلاص بشوف وينها..
قفلت من ياسر…
جهاد بنرفزه/من عصر ما شفتوها ليه ما حد طلع لها وتفقدها بعد ما شفتوا انها مرتبكه يمكن صار لحد من اهلها شي
الهنوف بحيره/انا ناديت عليها قبل تروح بس ما ردت
جهاد وقف/لا مره تعبتي نفسك اهنيك ام مثاليه..بروح ادور لها
..يعني مختفيه من عصر ومحد فقدها!؟
رغد بدون اهتمام/اللي يسمعك يقول من كثر ما تجلس معنا..اصلاً من جات ما جلست معنا الا مرات قليله
جهاد وقف/من رداتكم..بطلع ادور لها
طلع جهاد وفي طريقة صادف ياسر..
جهاد/متاكد ما حصلتها فوق
ياسر هز راسه بلا/مو موجوده فوق
–
تفتح عيونها وترجع تغمضها..
فتحتها بتعب..وناظرة المكان بستغراب وعدم استوعاب..جالست وهي ترمش اكثر من مره ..راسها مصدع وجفونها ثقيله..مسحت وجها وظغطت على عيونها”نظارتي وينها”
تلفتت حولها تدور نظارتها..كانت طايحه على الارض..رفعتها ومسحتها بطرف بلوزتها..لبستها ووقفت بتعب..رفعت راسها لفوق “الليل!!؟ رفعت معصمها تشوف الساعة 9:10
نوف ترجع شعرها لورها وترنحت في وقفتها استندت على الشجره..ثبتت نظارته

ورجعت للقصر وهي تجر رجولها جر ب الكاد تسند طولها..مجرد تفكيرها في سبب سؤال ” وايت” عنها
” وايت الرجل اللي قتل ابوها ولقبه وايت بمعنى”الابيض بسبب بياض شعره”
يسبب لها رعب..
–

يسبب لها رعب..متى ينتهي كابوس ابوي وعصابته..
وايت معقوله يكون يعرف ان نواف هو نفسه نوف!!
وليش يسال عني!!
اكيد بيقتلني او بيرجع يستخدمني في التهريب..لا لاا لااا..
صحت من تفكيرها السوداوي على صوت جهاد وياسر.. ركضو لها بعد ما لمحوها بين الاشجار تمشي ببطى..
جهاد وصل لها قبل ياسر..مسكها من كتفها بقلق/وين كنتي !!؟
نوف ميلت راسها بستغراب..
ياسر وقف خلف جهاد..عقد حواجبه بستغراب من ملامحها الذبلانه..وفهاوتها وكانها غير مستوعبه اللي حوالها
نوف بشتات/هاا ..كنت..
لتفتت وراها بتعب ورجعت تلتفت لجهاد..وهي تاشر وراها
وبصوت مبحوح “وبكذب”/نايمه هناك
جهاد بستغراب/نااايمه!! وين نايمه
جهاد بستغراب/نااايمه!! وين نايمه
ياسر قاطعه ومسك يدها..وبتصريف/ههه متى بتبطلين هبالك!؟..خلها عنك ياجهاد هذي عادتها اي وقت واي مكان تنام فيه عادي
جهاد بستغراب/كيف اي مكان صدق انك خبله
نوف رفعت عيونها لجهاد”هذا وش يقول!!”
ياسر لف يده حول كتوفها ومشها معه/تعالي اطلعي نامي فوق
جهاد مشى قدامهم/اقلقتينا عليك الله يهديك..يالله تصبحون على خير
ياسر /وانت من اهل الخير..
اول ما اختفى جهاد من انظارهم سحبها معه ودخلو الباب الخلفي وطلعو ادرج..نوف كانت تمشي معه بدون مقاومه بستسلام..وقفت في نص ادرج..وتمسكة في ذراعه بقوه..
ياسر اللتفت
نوف جلست على الدرج/تعبت ياسر جلس جنبها/وش تسحين فيه!؟
نوف بعيون ذبلانه / راسي..وعيوني ت تحرقني

انحنت وتكت براسها على ادرج راسها يدور فيها..
ياسر انحنى وشالها بسرعه..ماقاومت لانها كانت بين الوعي ولا وعي..
دخل الجناح ونزلها على السرير..تحسس حرارتها كانت طبيعيه..
جلس جنبها/اوديك المستشفى!؟
نوف هزت راسها بلا..ودفنت وجها ب المخده..تخفي ملامح ضعفها وتعبها..وتنعم بنوم عميق
ياسر هزها من كتوفها /نوف!!…..نمتي!!
تنهد و وقف بدل ملابسه ورجع لها ثبت المخد من خلفها الاجل تمنعها من انها تطيح عن السرير..
وانسدح جنبها..فتح جواله يشيك عليه ..نزله ولتفت لها..كانت تان وتذي بكلام غير مفهوم..وتتقلب بشكل مزعج واكثر من قبل..
انقلبت على جهة جنبها اليسار..زفر بنزعج..قرب لها ولف يده حول خصرها وثبتها”صار ظهرها على صدر ياسر..”حولت تنقلب لا كان شدها له اكثر…وغمض عيونه بهدو بعد متوقفة عن حركتها المزعج..واسترخت اكثر..
ابتسم هو يتخيل شكلها اذ صحت وشافته قريب منه الى هذي الدرجه..نام وهي بين ايديه…
–
الساعة 7:00 ص
صحى بنزعج من صوت جواله اللي يرن بستمرار..
رد بكسل/الووو
ابو عاصم بحده/وين الى الحين!! بسرعه تعال الشركه فيه اجتماع طارئ مع الوفد الفرنسي

–
ابو عاصم بحده/وينك الى الحين!! بسرعه تعال الشركه فيه اجتماع طارئ مع الوفد الفرنسي
ياسر استعدل في جلسته/يالله جايكم ..ساعة واكون عندكم
ابو عاصم بستعجل/ياسر نص ساعه تسمع استعجل قبل نبدا الاجتماع بدونك..
ياسر وقف بسرعه/يالله يالله..
قفل من جده ولتفت لمكان نومها كان خالي/وينها فيها!! من متى تصحى بدري…
ما اهتم كثير ودخل وسحب له اقرب ثوب ولبسه بسرعه وسحب شماغه على كتفة ونزل ركض لتحت..في العاده ما يطلع من الغرفه الا وقد رتب شماغه ولبس ساعته وتعطر..
ركب سيارته وانطلق بسرعه لشركة..
ابو عاصم دقيق جداً في مواعيده ولا يسمح بتاخير..مع ان دوامهم يبدا 8:00 بس ضروري يكون ياسر واعمامه موجود فيها 7:40 دقيقه
وقف عند الاشارة وهو يتفقد ساعته بستعجل/7:20..طقطق على الدركسون ينتظر الاشارة تفتح لتفت لسيارة اللي وقفت جنبه
عقد حواجبه بستغراب من الولد الصغير اللي في السيارة اللي جنبه يضحك وياشر عليه لتفت ابو الولد له و اشر له بمعنى مجنون..
صد عنهم هو مستغرب”غريبه مع ان شكل الولده ابد ما يدل على انه مجنون..الله يعينهم هذا بتلا لهم من ربي”
فتحت الاشارة وانطلق بسرعة..وصل لشركة و وقف السيارة قدام المبنى ..نزل ورمى مفتاح السيارة على السيوكرتي اللي اخذ سيارته للمواقفه..
رفع حاجبه بستغراب من الموظفين
اللي يناظرونه بطريقة غريبه ويبتسمون..والبعض يصد عنه ويضحك “يويلي شكل جدي من جد معصب..وهذولا شمتنين اني باكل تهزئيه منه”
اسرع في خطواته..
وطلع الدور 4 ودخل مكتب مصعب بسرعه..كان كل الشباب العايلة واقفين و ابو سلطان وابو مصعب وجهاد..
ياسر وهو ياخذ نفس/اوه كويس بعد ما بدا الاجتماع!!
الشباب نظرو بعض بستغراب انفجرو ضحك /هههههههههههههههههه
هههههههههههههههههههههههههههه
اياد انسدح على بطنه من كثر الضحك..
ابو سلطان يضحك بقوه/ههههه انت ههههههههههههه
. مقدر يتكلم من اكثر الضحك
ياسر بستغراب/انتم اليوم ماكلين شي!!
دخل ابو عاصم هو معصب/تاخرنا على الاجتماع وانتم طقينها لي ضحك
ياسر لتفت لجده/يالله بروح اجيب ملفات المناقصه واجيكم..
ابو عصام ياشر عليه بصدمه وفجاهء
انفجر ضحك/ههههههههههههههههههههههه انت وش مسوي هههههههه بنفسك هههههههههه –
•
جالسه بروقان في الصالة الدور الارضي..وهي تقلب المجك بين ايديها وبيدها الثانيه
تناظر في الصور اللي صورتها له هو نايم..
ابتسمت بتشفي منه..وانتقام..
صحت من النوم
الساعه6:40
وحصلت نفسها في حضنه..حولت تقوم بدون مايحس عليها..وفعلاً قدرة ومن القهر من وجودها –

‏قال رسول الله ï·؛ : ” أكثروا الصلاة علي يوم الجمعة و ليلة الجمعة، فمن صلى علي صلاة صلى الله عليه عشرا “.

الساعه6:40
وحصلت نفسها في حضنه..حولت تقوم بدون مايحس عليها..وفعلاً قدرة ..ومن القهر من وجودها
بين ايديه كانت القهر كان نفسها تكب عليه بنزيم وتشب فيه..
وتلفتت حولها بقهر..لمحت على التسريحه مجكات..ب الالون الا ربعه”اسود.. احمر..اخضر..ازرق”
ابتسمت بخبث وخذتها وجلست فوق السرير..وفتحت المجكات وهي تمارس هويتها المفضله سابقاً الرسم..كانت متعوده ترسم على جدران الحاره وحتى على درجة طارق..وكا انجاز يضاف الى تبدعها في الرسم ف هذي المره الاولى اللي ترسم على الجبهه..خذة المجك وبدات ترسم على وجهه بيد خفيفه وبدون مايحس..رسمت وجه بنت بنص جبهته ولونة شعرها ب الاحمر..ويدها رسمتها على حواجبه وجسمها على انفه و رجوله نازله من انفه على خدوده..” ابتسمت اكثر وخذت جوالها وصورته اكثر من صورة…((الفديو تقريبي لشكل اللى رسمته نوف على وجه ياسر����)))
تتمنى تشوف ردت فعله الحين/هههههههه وبعد ما انتهى عقابي لك..يستاهل اكثر من مره حذرته لا يقرب منه بس ما يسمع
طلعت للجناح بسرعه وهي ناويه عليه ب الشر –
واجيكم..
ابو عصام ياشر عليه بصدمه وفجاهء
انفجر ضحك/هههههههههههههههههههههههه انت وش مسوي هههههههه بنفسك ههههههههههههههههه
ياسر رفع حاجبه بعصبيه/انتم وش صاير لكم اليوم!!هاا كل متشقق من الضحك
جهاد قرب منه هو ميت ضحك/بالله طلع من البيت كذا!! هههههههه وش تحس فيه وانا عمك ههههه
ياسر ظربه على كتفه/جهادوووه وبعدين
زياد رفع جواله وصوره فديو/ياسر بالله حرك حواجبك بتظبط رقصه خطيره هههه مثل مقطع شفته الكورين…هههههههههههه
اياد/والله وطلعت ترسم على وجهك مظبوط هههههه

مصعب مبتسم بهدوء/واضح انك ما شفت شكلك ب المرايه اليوم..
ياسر بعصبيه دخل الحمام يشوف وش اللي في وجهه مميتهم ضحك..
فتح فمه بصدمه..”رسمت بنت بين حواجبه..ظرب وجهه بقهر ومسح عليه بقوه..
بس ما انمسح..لكم بقبضته المرايه اللي تحطمة لاجزاء صغيره هو يتنفس بغيض..وبحده/نووووف
دخل جهاد وفي يده منديل/وش سويت يا مجنون..اوه وش سويت!! جرحت يدك
ياسر/…………

–
اخذ صابون الايدين وغسل وجهه بقوه ..يتوعدها في داخله مصدوم من درجة الوقاحه اللي وصلت فيها.. رفع راسه لـ جهاد اللي ناولة المنديل..اخذه منه ومسح وجه
جهاد/وش سويت لها هذي المره
ياسر بغضب/بعد ماسويت لها شي
جهاد دخل يده في جيب بنطلونه وببرود/ اكيد ما مقلبتك والا وانت مسوي لها شي وانتقمت منك
ياسر رفع عيونه لـ جهاد بحده ..وطلع بسرعة وهو نوي يرجع لها ويربيها
لحقه جهاد واعترض طريقة/لا تفكر مستحيل اسمح لك ترجع لها الحين
ياسر بغضب دف جهاد عن طريقة وحول يتعداه
جهاد قدر يوزن نفسه ولحقة ومسكه من ذراعه وكتفه من الخلف
ابو عاصم والشباب مستغربين اعتقدو انهم رجعو يتهاوشون من جديد
ابو عاصم بحده/جـهاد ياسـر وبعـدين معكم ما تحشمون احـد
جهاد/يابوي امنعه لا يخرج ناوي يرجع البيت
ابو عاصم بامر/ جهاد اتركه
جهاد شد من مسكته لـياسر/بـس يابوي
ابوعاصم بحده/جـهاد
جهاد ترك ياسـر ..وتافف
ياسر رتب ثوبة ومسكة مقبض الباب بيخرج لا كان استوقفه صوت جده الحاد/يـاســر..الاجتمـاع تاخرنا على الجماعة
شد من قبضته على مقبض الباب حتى برزت عروق يده من الغيض.. ومن بين سنونه/ابـشر يا طويل العمر
ابتسم جهاد لـ ياسر يغيضة هو ياشر لها على غرفة الاجتماع
ــــــــــــــــــــــــــــــــــــ
الساعه 8:10 ص
اخذت سطل دائري صغير بلاستك وعبته مويه
و اخذته لباب الجناح..سحبت لها كرسي و وقفت فوقه وثبتت السطل
فوق الباب بحيث اذ انفتح الباب تنكب الموية فوق الراس اللي بيدخل
تاكدة من انه مثبت صح.. ونزلت تحت ولا كانها مسويه شي
جلست في الصاله وطلعت جواله تدور على حرف “ع” [عبدالرحمن]
مع اول رنه رد عليها
نوف/ الووووو دحوم
عبدالرحمن/نـويف!! نوف/وينك يا القطع ليش ماتتصل
عبدالرحمن باحراج/ نويف اعذريني ياخوك بس انتي الحين غير صرتي متزوجه وصعب اتصال عليك
نوف بعصبيه/ واذا متزوجه ايش اللي بيتغير؟! عبدالرحمن/ ما يصلح اكلمك بسبب لك مشاكل مع زوجك..يعني انسي كل شي قبل وعيشي حياة
غـير حياتك الحين صارت افضل
نوف بعصبيه/انتو وش فيكم كل ما اكلم احد يقول انسي ايش اللي تبون مني انساه بظبط!؟؟ عبدالرحمن بحزن/ انسي كل شي انـسي نـــواف و اصدقاء نـواف وحركات نـواف انسي كل شي
كان نـواف يسويه
نوف بسخرية/ قصدك بـ انسى اصدقاء نواف اني انساك وانسى طارق!؟ وحركات نـواف اني انسى كيـف
تعلمة السرقة و النط من فوق الجدران؟! و اللي كان يسويه باني انسى كيف
كنت اهرب مع ابوي
عبدالرحمن تنهد يضيق/ أيــه انسي هذا كلـه
نوف بعصبيه/….
–

نوف بعصبيه/ لا تكون متفق مع طارق؟؟ هو غير ارقامه وحساباته وانـت وش تنتظـر هاا يالله غير ارقامك
عشان ما اوصل لك ولا اتوصل معك وتريح راسك مثل طارق من مشاكلي اللي كانت اكبر همومكم
عبدالرحمن بصدمه وبعصبيه/ هذا اللي وصل له تفكيرك يا المتخلفة هااا!! انك تسببين لنا مشاكل
ياغبيه انا ابيك تنسين الحزن والهم و تعيشين حياة نظيفة..اما طارق اللي ظلمته فـ قد قالت لك
قبل اني حتى انـا ما اعرف عنه شي ولا قدر اوصل له..فـا اعذريه
نوف بصراخ/ اكرهك يا عبدالرحمن اكـرهك
قفلت في وجه بعصبيه..كل ما كلمة احد قال انسي وانسي ..زفرت بضيق ورجعت تتصل عليه مره
ثانيه اكيد زعل الاني قفلة في وجهه هو يكرهه احد يقفل في وجهه .. بس يستاهل ليه يهزاني.. لازم اتحمل الان ما بقى لي غيره سند..اخخ منك ياطارق
والله لقطعك اذ ما كان لأختفائك سبب يقنعني.. رد عليها عبدالرحمن من دون نفس/نــعـــــــــــم!!!! • .
نـوف /زعلـت؟
عبدالرحمن ببرود/لا
نوف حكت خلف راسها/احلف..”بستعجل” دحوم انت تعرف اني ما اعرف لسواليف
الاعتذار لذلك سلك لي.. المهم نسيتني السبب اللي خلني ادق عليك
عبدالرحمن /نوف ما اعتقد بقا سبب يخليك تتصلين انا ما ابي لك المشاكل .. اذ عرف زوجك بتصلتك علي صدقيني ما بيرحمك
نوف تاففت بتذمر/كل كلمة والثانيه زوجك..انا في مصيبه وانت زوجك وزوجك الله و الزوج
عبدالرحمن/ مصيـبه!! مصايبك انتهت مع موت ابوك
نوف بتعب/ عبـدالرحـمـن
عبدالرحمن بخوف من نبرة صوتها/ وش صاير لك وانا اخـوك
نوف ابتسمت بحب لـ هذا الشخص اللي كان لها اكثر من الاخو “طارق وعبدالرحمن هم بلسم حياتها.. وسندها وعزوتها” لوهله ترددت تقول له خافت تسبب له الاذى خصوصاً ان العصابة خطيرة
عبدالرحمن تخوف من صمتها/نــــــــــوف..تكلمي لا تخوفيني عليك..زوجك ضرك بشي..او اهل امك
نوف /نــواف
عبدالرحمن بستغراب/نــواف!!……. °
نوف/وعد تقول ان فيه رجال جاء لهم وسال عن نـواف
عبدالرحمن /سال عنه!! فيه احد غير انا وطارق وابوك وخواتك يعرف عن نـواف!! نوف بعلت ريقها/ عبدالرحمن اللي قتل ابوي يعرف نواف جاء لبيتنا وسال.. دحوم انـ نـا ما ابي ارجع لهم بيقتلوني اكيد عرفو اني شفتهم لم قتلو ابوي ويريدون
يتخلصون مني او الاني كنت اشتغل معهم
واكيد يضنوني اني اشكل خطر عليهم –
ــــــــ ــــــــ –��

–
يضنوني اني اشكل خطر عليهم
عبدالرحمن استعدل في جلسته بفزع/ لااا لاا مااا شفوك..” اخذ نفس هو يحول يهدا” اسمعي
هو يعرف ان نواف هو نفسه نـوف!! نوف/لاا مايعرف ابد
عبدالرحمن تنهد براحه/ اوه الله يرج ابليسك طيرتي عقلي..هم يبحثون عن نـواف و انـتي نـوف صح
نوف بخوف/ ايـه
عبدالرحمن يطمنها/ اذن بكذا مايقدرون يوصلون لك تطمني وانا اخوك نواف شخصيه لا وجود لها
ومهما بحثو وستفسرو مابيعرفون عنها شي..وانتي عندك اهل بيحمونك
نوف ابتسمت براحه/صدق!! يعني بكون بخـير
عبدالرحمن ابتسم/ بتكونين بخير ان شاء الله
قفلت منه بعد ماسوالفة معه شوي ..تمددت على الكنب براحه “صح مايقدرون يوصلون لي ولو وصلو لي دحوم
موجود و و ياسر وجهاد وامي و جدي و خوالي كلهم موجودين بكون بـ امان معهم”” و لاول مره تحس ان ياسر كان له الفضل في سبب في وجودها هنا”
استعدلت في جلستها وهي تشوفهم نازلين من الدرج بعبايتهم
دايما ابتسمت لها اول ما شفتها/ صباح الخير..كيفك
نوف بجمود/صباح النور
دايما/ غريبه صاحيه في هذا الوقت
نوف/نمت بدري البارحه
رغد/ ايه جهاد قال لنا انك كنتي نايمه بـ الحديقة قلة الاماكن
نوف طنشتها/الا اقول دايما وين رايحين؟؟ مع صباح الله خير
دايما / بنطلع نفطر برا..في مطعم لبناني جديد توه مفتوح امس ولازم نجربه
نوف وقفت / اجل انتظروني بجيب عبايتي واروح معكم الان بعد ما افطرت
دايما/ حياك الله.. استعجلي
نوف طلعت ركض لفوق تجيب عبايتها
ـــــــ
ليلي ورغد لتفتو لـ ديما بعصبيه
رغد/ ليش ماصرفتيها
ليلى/هذي وين تتصرف عزمت نفسها على الطلعه
ديما/ بنات حرام عليكم..وش فيها اذ طلعت معنا
ليلى/ لا والله تبينها تفشلنا انتي ما شفتي لبسها كانها واحد من العيال..حتى خواني اكشخ منها
في اللبس
رغد /خلاص انا بطلت ما بطلع مو ناقصه نكد
ليلى/ وانا بعد
دايما بصدمه/ لاا امانه صدق مالكم داعي..والله لا ازعل صدق ..لا تجرجوني معها
ليلي/اجل صرفيها.. دايما بعصبيه/ ما اقدر ..ويالله انتي وياها اركبو السيارة على ماتجي كلها ساعة ونرجع
رغد/وربي إذ سوت شي ماله داعي اني ما ازعل الا منك يا ديما
ديما/ على مسوليتي بس يالله
-��
دخلت الجناح بسرعه ..متحمسه للطلعه من دخلت لهذا البيت
ما طلعت ..فتحت باب الغرفة بسرعه بتاخذ عبايتها وووو
طـــــــش
اءءءءءءءءءءءءءءء
صارخة بفزع من المويه اللي انكبت عليها والسطل اللي طاح على
راسها..جلست على الارض..بملابسها المبلوله
نوف بصراخ/اءءء اكرهك يا يـاســر
–
توقعاتكم

insta : g_rwa12