تبسمواترگ جروحڪ علىجنب الزمنوارتاح
حرام تطيح من عينگ على شان الزمن دمعــ؎

انا بـ/ رجوگلاتزعل ولاتزيد الجـراح جـراح
تبسمواترگ جروحگعلى شانـيےبلارجعــ؎

:::
:::
:::

يــوم الـــثـــلاثـــاء

بجده .. وتحديدا بفيلة فهد

ليان : اخوك ذا اشك انه معبرنا .. مبين انه ماهو سآل فينا ابد
ندى : والله ياليوونه فهد ماعرف طبايعه بس اتوقع كلم ابوي لان ابوي يوم كلمني قال لي حصل خير اعتقد انه مقنعه
دانا : انا مستغربه امي مادقت ولا ابوي تهقون مافقدوني للحين ..
فاجئها رده من وراها
فهد : كلمتهم وقلت انكم جيتوني زياره ومثل ماقالت ندوو اقنعتهم واختلقت لكم اسباب بايخه زيكم
ليان : اهم شي كلمتهم وريحتنا من المشاكل
فهد : لا ياحبيبة خالك هم يستنوني ارجعكم بس انا قلت لهم بخليكم كم يوم عشان نفسيتكم تهدأ
ندى : زين انك تحس فينا
فهد : ههههههههههه احس فيكم .. قصدك ارقع لكم
دانا : طيب ممكن نغير الموضوع لانه ينرفزني بصراحه
فهد : اعطينا موضوع نسولف فيه
ندى : فهد ابي اسئلك سؤال وجاوبني عليه بصراحه
فهد يرجع على ورى ويلف يده على راسه ويحط رجل على رجل : قولي ويش سؤالك
ندى : ليش ماتتزوج بدل جلستك لحالك عزوبي .. منها تكون اسرة وتشغل نفسك وتلاقي اللي تونسك
فهد : ومين قالك اني ما ابي اتزوج .. بالعكس انا ابي اتزوج واستقر واصير مسؤل عن عائله
دانا : اجل ويش اللي يمنعك ؟؟ .. انت عطنا المواصفات واحلى بنت نخطب لك
فهد : اممممممممم .. افكر
ليان لمعته عيونها وكأنها تفكر بشي : اقول بنات ويش رايكم بداليا صديقتنا ؟؟
ندى : من اي ناحيه تقصدين ؟؟
ليان : البنت جميله وابوها له منصب .. وعاقله وماهي مخطوبه .. طلت بفهد .. ويش رايك نخطبها لك ياخالي
فهد ابتسم : لاتتعبين حالك .. انا اذا قررت اتزوج بقول لكم تدورون لي
ندى : هماك تقول ودك تتزوج وتكون عايله
فهد اعطاها نظره حاده : ماكأنكم دخلتوا بموضوع يمس شخصي الكريم ..
دانا : حنا نبي نزوج ياخي تراك بتعنس عندنا
ندى : بسم الله على اخوي … لو يأشر باصابعه يتسدحون البنات عنده
ليان بضحكه فيها خبث ولئم : اولهم ميعاد بنت عمتي حصه هههههههههه
دانا بحده : ليان !! انكتمي ..
فهد يضحك : ميعاد بنت عمتي … علامها
ليان بتقهر دانا لان ميعاد صديقة دانا : والله ياخالي العزيز البنت ميته عليك تتمنى تكون خدامه لرجليك
دانا وقفت والقهر مولع فيها : ليان ووجع عيب عليك تقولين مثل هالكلام اللي ماله داعي ويش خص ميعاد بالموضوع .. اصلا ميعاد مليون واحد يتمنها وانتي عارفه ويش اقصد
ندى تهدي الوضع : اووص خلاص روقوا اعصابكم .. بتسوون مشكله من لا شي
فهد والابتسامه شاقه وجهه : اصلا لا ميعاد ولا غيرها انا اختار اللي ابيها مو اللي تبيني
ندى : هههههههه ياحركااااااااات ..
فهد : اقول لكم .. البسوا عباياتكم خلونا نطلع نتمشى على البحر بدل الخنقه ذي
ليان : اي احسن بقوووه
دانا بزعل : يكون احسن لنا ..
فهد يطالعها باستغراب لان مزاجها انقلب بسرعه من كلام ليان : يالله اطلعوا البسوا

:::
:::
:::

رغد شوي وتبكي : شوق .. انا طفشت مرره احس بخنقه وكتمه مو قادره اتحمل البيت احس صدري ضايق
شوق : بسم الله عليك .. في شي مضايقك طيب
رغد تهز راسها بمعنى لا ..
شوق : اجل اكيد هذا من ذنوبك ومعاصيك .. توضي واقري قراءن وبعد كل صلاه قولي الاذكار وماعاد بتحسين بالضيقه
رغد : صدقتي !!.. الله يرحمنا برحمته
ريم : شهد وينها ..مالها حس
رغد : نايمه .. لان الظهر مانامت
سمر : البنت هذي ماتشبع نوم … تصك اكثر من 12 ساعه نوم
هنادي : اعوذ بالله اذكري الله بكره يصير فيها قلق .. ههههههههههههههه
سمر : لا اله الا الله ماقلنا شي .. اووف .. وطنشتهم وجلست تقراء مجله
شوق تضحك : خلاص لا تزعلين لان اخلاقك انتي زفت مره
سمر : امووت على اخلاقكم الحلوه .. وراحت لغرفتها
الكل : هههههههههههههههههههههههه
رغد : اخلاقها مرره زفت ماتتحمل اي شي
سحر : طنشوها ماعليكم اللي يزعل من حاله يرضى من حاله
شوق : على قولتك
رغد : انا بروح غرفتي
شوق : اجلسي اشربي قهوه معي
رغد تبتسم : دقايق بس اكلم صديقتي وارجع لكم
سحر رفعت حاجبها ماعجبها كلام رغد : روحي .. بس لاتتاخري
رغد خافت من نظرات سحر اللي تخوف : متى بتروحون للينا
ريم : قلنا بكره الاربعاء احسن عشان سنهر هناك ونستانس
شوق : كويس انكم اجلتوها .. يالله رغد روحي .. وتعالي بسرعه
رغد : تيب ..
سحر (( والله غريبه شهد فجأه تغيرت ورغد تغيرت من بعدها كمان وصايره تتخلبط من اي سؤال نفاجئها فيه .. اشك ان فيهم شي مو طبيعي عيون رغد تدل على انها تفكر بشي .. وسرحانها الدايم يأكد لي انها تفكر بشي كل ماشفتها وهي سرحانه ماهي رغد الاولى وراك وراك الى اكشف ويش بداخلك ))

وراحت للغرفتها وقفلت الباب كويس بالمفتاح لانها خافت احد يدخل فجاءه عليها وتتوهق
شهد : ليش قفلتي الباب
رغد : اووص انتي بكلم عبود
شهد : ياحركات من متى تستخبين ؟؟!!
رغد : اقولك احس سحر شكت بعدين عيونها تفجع مرره
شهد : ماعليك هذي خبله .. بس كلميه بسرعه يالله
رغد تدق رقمه بسرعه .. انتظرت ثواني قليله قبل يقاطع انتظارها صوتها

عبدالله : هلا وغلا برغودتي
رغد : هلا فيك .. كيفك اليوم ؟
عبدالله : الحمدلله بخير وعافيه .. وينك مادقيتي شغلتي بالي عليك
رغد : كان عندي اختبار وانشغلت فيه
عبدالله : الله يكون بعونك ياحبيبتي … تغير لون خدودها الى الوردي وارتسمت ابتسامه على شفاتها ..
عبدالله : علامك ساكته لايكون داقه عشان تسكتين
رغد : لالا مو لدرجه ذي .. وينك الحين انت
عبدالله : والله بالعمل اليوم كله مداوم
رغد : الله يكون بعونك يالغالي ..
عبدالله حس بصوتها مو طبيعي : رغد صوتك ماريحني ويش شاغل بالك
رغد : ولاشي بس مجرد تعب ويروح
عبدالله خاف عليها واقلقه اكثر صوتها : لا قولي ويش بك ؟؟ ترى اتهور واجي عند البيت
رغد تلقائيا : لالالا انا بخير بس متضايقه شوي واحس اني مخنوقه
عبدالله : ويش السبب ؟؟. احد مزعلك او قايل لك شي
رغد : لا .. لا تشيل هم انا مافيني الا العافيه .. اهم شي سمعت صوتك واتطمنت انك بخير صرت الحين بخير
عبدالله ابتسم على كلامها : اموت على كلامك الحلو ذا ماتدرين ويش يسوي فيني يلخبطني ويلخبط كياني كله ..
رغد حطت يدها على فمها تكتم ضحكتها : ماقلت شي هذا كلام عادي جدا
عبدالله : عادي عند الناس كلها لكن عندي انا لا ماهو عادي ابدا .. كل يوم حبك بقلبي يكبر ويكبر بكل شي فيك يارغد احبك واموت فيك
رغد تسمع كلامه وهي خجلانه مره وقفت قبال المرايا تشوف وجهها اللي انصبغ بكل الالوان

رغد : عبودي .. احبك بجنون
حركت كلمتها البسيطه بداخله مشاعره واحاسيسه المكبوته تجاهها يحاول قد مايقدر يداريها ..
لكنه بعشقها مفضوح يحبها بكل حالتها بوضوحها وبغموضها بجنونها بجرائتها بخجلها .. يحبها ويحبها وصعب انه يوصف لها حبها نطق لها بحروف كانت بالنسبه له بسيطه جدا ماتعبر عن حبه له وانه متيم في هوآها
عبدالله : ما تمنيت امسك [ ايدين السحااب ] !
كان كل الحلم :
[ تمسكني يدينك ]
قلت [ احبك ]
كثر حبات الترابحتى اني صرت مني [ احسدك ] ..
عمر عمري .. ما احس الفرح / تااب !
لين ينصفني نصيبي واحصدك ..
لو يصير الحب غالبني { .. عذااب
[ مرحبا به ].. بس تكفىلا افقدك !!

رغد بصدمه ماتوقعتها : عبدالله .. هذا لي ؟؟
عبدالله : ايه لك ياغناتي .. كم رغد عندي عشان اقول لها هالكلام
رغد تجلس على الكرسي : وربي وربي وربي ياعبودي اني امووت فيك
عبدالله : ماهو اكثر من حبي لك ..

:::
:::
:::

دخل ابو مها البيت .. واتجهه للبنات بالغرفه اللي مجتمعين فيها
ابو مها : السلام عليكم
الكل : وعليكم السلام
شوق : كيفك اليوم ياعمي ..
ابو مها : الحمدلله بخير .. ريم يابوك ابي كاسة ماء
ريم : ابشر يبه الحين اجيب لك .. واتجهت للمطبخ بسرعه حتى تجيب لابوها ماء
سحر : عمي تبي قهوه
ابومها : اي والله صبي لي
سحر : من عيوني كم محمد عندنا بالبيت .. هو واحد ونحطه على راسنا من فوق
ابومها : مشاء الله من متى تقولين مثل هالكلام
سحر : هو اللي يشوف وجهك ياعمي المفروض يجي اللهام الرباني .. زين ورجوله وتهبل عصب نقول كذا
هنادي : ههههههههههههه .. ايه ابوي براد بيت ..وتغمز للبنات
ابو مها : مين ذا براده البيت ..
الكل : هههههههههههههههههههههههههههههههههههههههه
شوق : براده الله يصلحك ياعمي تهقوى ياعمي تقهوى
ابومها يشرب فنجانه : وين ريم ابي اكلمها بموضوع
ريم : شوفني وصلت يبه
ابو مها : اجلسي يابوك ابي اتكلم معك بموضوع سيف
ريم ارتجفت ونزلت راسها وكلها حياء : خير يبه ؟؟
ابو مها : اليوم كلمني ابو سيف وقال انهم يبون يسوون الملكه بين الفصل الاول والثاني
ريم طلت بابوها مصدومه : ويش يبه ؟؟ ملكه !! ..وليه
ابو مها يضحك : بسم الله عليك يبه كل الناس يملكون بعدين يتزوجون ويش صار لك
ريم : بس ماكأنه بدري يبه ؟؟.. احسهم مستعجلين شوي
ابو مها : انتي اخر سنه لك بالثانوي والولد وظيفه ومتوظف وماسك املاك ابوه كلها .. وكبير بعمره والحمدلله يعني مافي شي يخلينا نأجل الزواج
ريم تشبك يديها ببعض وباين عليها التوتر وملامحها تغيرت : اللي تشوفه يبه
ابوها : انا بكلم ابو سيف واقوله اننا موافقين .. وهذا كله يابنتي لمصلحتكم انا ابي اشوفكم ببيت ازواجكم مبسوطات وسعيدات بحياتكم مابقى بالعمر كثر ماراح اذا عشت لكم اليوم ما اضمن اعيش لكم بكرا او بعده …
ضمت ابوها وصارت تشاهق ببكها ..بين احضانه حست بالامان والراحه ونزلت دموعها غصب عنها لانها كتمتها وقت طويل
ريم : لك طولة العمر يبه .. حنا بدونك ولا شي
شوق : الله يخليك لنا ياعمي ولايحرمنا منك
سحر وهنادي : امين ..هديت ريم وسكتت بعد دوامه بكاها اللي استمرت دقايق بس
ابو مها : الله يخليكم لي واشوف عيالكم وعيال عيالكم
هنادي : يبه لاتصير طماع قول بس عيالنا اووما احفادنا .. انت ماعندك حل وسط ياتموت ياتعمر ..
الكل :هههههههههههههههههههههههههههههههه
سحر تدقها : وجع يوجعك بدل ماتقولين واحفاد احفادنا تقولين بس عيالنا
هنادي ترجع على ورى وترتكي على التكايه : خلينا نتزوج بالاولى بعدها يصير خير
ابوها :هههههههههههههههههههههههههههههه .. خلاص اجل من بكره بدورلك عريس
هنادي فزت من مكانه وكشرت : لا تقول ابو الخير حق المزرعه ترى جننتي فيه يبه
ريم : كفوك ذا .. ويخب عليك بعد
شوق : ههههههههههههه والله صادقه ريم
هنادي : لاتحتقروني يمكن انا اجيب راس ملياردير
سحر تمسك بطنها من الضحك : هههههههههه ملياردير .. يازين احلامك اهجدي بس لو تنفلقين فلقتين ماهو جايك
ابوها : الله كريم ماندري يمكن هي اللي تتزوج ويكون نصيبها زين بينكم
شوق: يمكن كل شي بقدرة رب العالمين

:::
:::
:::

على الكورنيش

فهد : حلو البحر صح
ليان : مرره حلو تدري اول مره ادري ان في مكان كذا بجده .. ماقد شفته
فهد : اهم شي عجبكم
ندى : خطير صراحه .. اقولك نبي نركب قارب
فهد : بس .. ابشروا على خشمي الحين اكلمهم يجهزونه لنا
دانا : ونآآآآآآســـه …ايه ياربي هذي الفله
دق جوال ندى وفتحت شنطتها .. وشافت الرقم ارتبكت ماتدري ويش تسوي حاولت تتمالك نفسها بس الخوف سرى بعروق جسمها .. كانت نظرات فهد لها نظرات ناريه حس بخوفها وارتباكها ..
فهد بسياسه : ردي على الجوال اتكسر من الدق
ندى : هذي صديقتي نشبه مابي ارد عليها …
فهد سحب الجوال وشاف الشاشه رقم بدون اسم .. مده لها ونزل عيونه للارض
فهد بصرامه : ردي بسرعه …
ندى : بــــس…
فهد بنبره قاسيه : قلت ردي ماتفهمين .. وحطي سبيكر يالله .. ليان ودانا كانوا يدعون ربهم انهم يطلعون من الموقف ومايصير لندى شي .. انقطع الخط
ندى : فصل الخط كنت برد ..
فهد : يصير خــ… قاطعه نغمة جوالها مره ثانيه ونفس الرقم
ندى (( يارب ياكريم انقذني يارب فكني من فهد ومن شره يارررب )) فتحت الجوال وحطت سبيكر زي ماقال لها
ندى : الــــــوووو ..
…: تطنشين ياحقيره … نسيتي ان حياتك وموتك بيدي
فهد طالعها بصدمه نظراته كلها دهشه ومتفاجئ من الكلام اللي يسمعه لكن تمالك اعصابه والتزم السكوت وهو يأشر لليان ودانا مايطلعون صوت
ندى : ليش تقول كذا .. ماسمعت الجوال الا توي
…: لا تستهبلين .. ترى قسم بالله تندمين لاتلفين وتدورين معي
ندى عيونها متعلقه بفهد اللي يطالع بالارض وهي عارفه انه ماراح يسكت لها ابد : انا واضحه معك .. ويش تبي مني الحين ..
…: ابي عشر الآلآف الفلوس اللي اول مره اعطيتني ماكفتني
ندى : ماعندي !!
…: ماعندك !!!.. انتي بنت اكبر تاجر بالرياض ماتملكين مبلغ بسيط زي هذا
ندى : قلت ماعندي ماتفهم !
…: اجل احب اقولك ان الصور باقيه عندي والمقاطع مزبطه ومركب عليها يعني اذا ما دبرتي لي 50 الف ريال صدقيني بتنفضحين وبتفضحين اهلك معاك
ندى : حرام عليك انت ويش تبي مني لا اعرفك ولا تعرفيني ..
…: اسئلي ليان بنت اختك … هي تعرفني زين انا اذا قلت كلمه ما اتردد فيها ابد
فهد طالع ليان اللي ارتبكت وتحاول تتهرب من عيونه اللي تحرقها ..
ندى : وليان ويش عرفك فيها .؟؟!
…: ههههههههه ليان ويش عرفني فيها … ياقلبي بنت اختك اكبر صايعه بالرياض ومليون واحد يعرفها غيري اسئليها مع كم واحد طلعت ومع كم واحد جلسوا بلحالهم وكم واحد سافرت معه للشرقيه بعد .. وياليت تسئلينها مين فيصل العايد وراشد وغيرهم طبعا
الكل طالعوا ليان .. مصدومين مدهوشين مصعوقين من الكلام اللي يسمعونه .. كلام ماتخيلوا بيوم انهم يسمعونه نزل مثل الصواعق عليهم ..
ندى قامت تسايره وتتدارك الموقف : طيب وبعدين .. اللي تبي توصله
…: شوفي ليان مالي خص فيها موضوعها مع فيصل ..اما انتي اللي تهميني تبين صورك والمقاطع جهزي 50 الف وكلها ترجع لك وما أبقي نسخه وحده عندي
ندى : ويش يضمني هماك قلتي لي اخر مره ماعندك صور وكذبت علي
…: انتي صدقتي اني برضى بالفين ريال .. ويش تسوي لي الالفين بذا الزمن
ندى : خلاص طيب .. ارد لك خبر بعدين
…: شوفي ابيها بكره سامعه
ندى : بس انا مسافره الحين
…: وين تدشرين به ؟؟
ندى عصبت منه ومن كلامه الاستفزازي غير انه كشف لفهد اشياء كثيره محد يعرفها قبل : هيه لو سمحت ويش خصك فيني انت ..؟
…: اقول معك اسبوع يالله نعطيك مهله .. تجهزين فيها الفلوس واسمعي ياويلك تلعبين معي تراني مو هين وبنت اختك تخبر شلتنا ويش تسوي او اقصد فيصل ويش سوى فيها بالتحديد
ندى : طيب مع السلامه .. وقفلت الخط بوجهه
فهد مسك ندى مع شعرها وجرها للسياره : ياحقيره ويش مسويه انتي
ندى تبكي : والله يافهد ماني مسويه شي هذا يتبلى علي .. اقسم بالله
فهد وعيونه كلها شر : صور .. ومقاطع .. هذي اخر الهمله والدجه … دفها للسياره بقوه .. وطالع بليان ودانا اللي متمسكين ببعض خايفين منه ومن شره
فهد صرخ عليهم : امشووا .. حسابكم مو الحين ..بالبيت وخير .. امشوووووووآآ

جو ركض وركبوا السياره .. ركب بعدهم .. وباقصى سرعه مشى بالسياره وهو مايشوف الطريق والزحمه … مايهمه شي مسرع سرعه جنونيه والطريق مزحوم مرره ..
دانا : خـــــــــــــــآآلـــــي انتبه ..
فهد يصرخ : اسكتي .. مابي اسمع صوت وحده فيكم … اسكتي
ندى تبكي وبنفس الوقت خايفه : بس انت بتموتنا بسرعتك ..
فهد بعصبيه وصراخ : احسن عشان افك العائله من الفضيحه .. فضيحتك انتي واللي وراي اللي راح اقتلها بيدي زي ماقلت غيرها …
ليان : انا برجع الرياض مابي اجلس عندك ثانيه زياده
فهد : ترجعين الرياض هاه ؟.. تبين ترجعين للدشره وقلة الحياء .. تبين ترجعين لخويانك؟! اكيد اشتقتي لهم ماتقدرين على بعادهم
ليان تبكي بحضن دانا : مالك خص فيني انا اسوي كل شي ابيه .. محد مسؤل عني لا تدخل فيني سامع ..
جن جنونه وهو يسمعها تقول هالكلام … نفسه يقطعها تقطيع ..
دانا تبكي : اسكتي خلاص كافي اللي صار
فهد : خلوني اوصل للبيت اقسم لكم اني راح اعذبكم ياحقيرات ياسافلات ياواطيات .. انتم محد رباكم لكن انا بربيكم .. الشرهه على اهلكم اللي تاركين لكم الحبل على كيفكم .. لكن انا بوريكم
وصل للبيت ونزلهم بسرعه قفل باب الفله .. لف عليهم شافهم يركضون باتجاهه الدرج
فهد يصارخ : تــــعــــآآآلــــو .. لاتهربون
ندى وقفت مكانها ودموعها على خدها : صدقني يافهد ما اعرفه هو يتبلى علي
فهد صرخ صرخه هزت اركان البيت : لـــيـــان
ليان ببطئ لفت عليه وهي تتمنى انها تموت ولا تواجهه او تعترف على نفسها وتطيح من
عينه وعين الكل ..
ليان بخوف : نــ… نــعــم..
فهد : مين فيصل العايد ؟؟.. لا تنكرين
ليان نزلت من الدرج وجلست على الكنب ومنزله راسها ماتدري كيف تتكلم او تجاوب على سؤاله : هـــذآ .. هـــو .. كـــآآن ..
فهد ارعبها بصرخته : ليان لا تلفين وتدورين .. قولي مين هذا وصدق اللي قاله الولد
ليان تخبي وجهها بيديها صارت تبكي بحراره : ايــــه صــ……ــد….ق
صدمته فيها اكبر من انه يضربها او يقتلها او يتكلم .. كانت بالنسبه له دوامه جديده من المشاكل .. التزم الصمت لمده طويله وهو جالس يفكر يفكر باخته وبنت اخته اللي طاحوا بالوحل .. كل اللي يسمعه صوت بكاهم وشهقاتهم
فهد قاطع صمته بكلمه : اعترفي ويش سويتي ؟؟
ليان تبكي : ائههههي .. ويش اقول .. انا اللي اعطيت صور ندى لفيصل لانه طلبني صور بنات ومالقيت بوجهي الا ندى
فهد زادت صدمته صدمه : انـــتـــي ترميــنـــها بالنار
ليان : كنت احاول فيها تكلم صاحبه لكنها ترفض لاننها ماتحب هذي الاشياء واضطريت عشان نضغط عليها
ندى تحس انها بحلم .. كل اللي تسمعه مجرد وهم ماتصدق انا ليان تعترف على نفسها وتتكلم عن اللي سوته

:::
:::
:::

مها : بندر .. والحل طيب انا مقدر استغنى عن اهلي
بندر : انا عارف اني حطيتك بموقف صعب .. انا بروح لابوك وافهمه كل شي
مها : فهمه ان زواجنا مو بالسر لكنه كان بسرعه واهل القريه كلهم يعرفون
بندر : صدقيني بقوله كل شي وانا بروح له بنفسي واذا مارضى بجيب اخوي سلطان معي
مها حابسه دمعتها : حاول باللي تقدر عليه .. اشتقت لخواتي وبنات عمي
بندر يضمها على صدره ويحاول يحسسها بالامان اللي فاقدته : لا تخافين بسوي كل اللي اقدر عليه
مها : يارب يارب ابوي يرضى ..
بندر : امين يارب

:::
:::
:::

سحر : انا مدري ويش البس بكره اذا رحت للينا
شهد : اممم عندي التنوره اللي لونها احمر ويش رايك فيها
سحر تفكر : ايه حلوه بس مرررره قصيره
شهد : انتي بتروحين لصديقتك عادي يعني صح هي قصيره لنص الفخذ بس حلووه
سحر : اقولك امشي معي الغرفه بقيسها واشوف كيف تطلع علي
شهد : طيب يالله .. واتجهوا للغرفه
اتجهت لغرفة شوق وهي متردده توكلت على ربها ودخلت
شوق : هلا ريم .. بغيتي شي
ريم : قفلي الاب شوي ودي اتكلم معك
شوق : ابشري كم ريومه عندنا .. قفلت الاب .. ولفت الكرسي على جهة ريم
شوق : خير .. عيونك تقول عندك كلام كثير بتقولينه
ريم : بصراحه ايه
شوق بأهتمام : قولي حبيبتي ويش شاغل بالك
ريم : شوقه انا مرره خايفه احس ان الملكه ماراح تعدي على خير قلبي قارصني
شوق : لالا ماتوقعتك تقولين كذا .. هذي وساوس شياطين لاتخليها تأثر عليك .. يمكن انتي مو متقبله فكره الزواج لكن اعرفي ان هذي سنه من سنن الحياه ربي احلها لنا عشان نحمي نفسنا عن الحرام
ريم : عارفه كل اللي قلتيه .. بس ياشوق سيف غريب عنا ما اعرف عنه شي عمري ماشفت وجهه الا يوم الشوفه الشرعيه .. مدري عن طبايعه او اخلاقه ..
شوق : ياروحي عليك .. شي طبيعي اللي تحسي فيه لانك بترتبطي بواحد ماتعرفيه وبيكون زوجك بس مع العشره راح تعرفي طبايعه واخلاقه بس الاهم من هذا كله تكوني له زوجه واخت وام ماترفضي له طلب وتسعي انه يكون راضي عليك لانه زوجك جنتك ونارك
ريم : شلون يعني اهين نفسي عشانه
شوق ابتسمت علي كلامها : لا مو هذا قصدي انا اقصد انه زوجك وانتي عارفه ان الرسول صلى الله عليه وسلم قال ((لو كنت آمراً أحداً أن يسجد لأحد، لأمرت المرأة أن تسجد لزوجها)) .. يعني لازم تسمعي كلامه وماتعصيه .. وبعدين الشعور اللي تحسيه زي ماقلت لك طبيعي جدا بس انا متاكده باذن الله انه بيسعدك لان عمي يقول كل الناس يمدحونه وولد مافي زيه .. وبيصونك ويحافظ عليك
ريم ترفع يدها : الله يسمع منك يا شووقه .. يارب طمن قلبي وريحني ودلني على الطريق الصحيح ..
شوق تضمها لحضنها : امين ياررب .. ماتصدقي قد ايش انا فرحانه اني بشوفك عروسه .. وبتكوني عروس مافي زيها بالدنيا كلها
ريم تبوسها على خدها وترجع تحط راسها على حضن شوق اللي تعتبره حضن الام والاخت : انتي اللي راح تسوي لي كل شي وتختاري لي الفستان
شوق : ياقلبي انتي ابشري من عيوني

بغرفه شهد ورغد
رغد وبيدها كاسة كابتشينو : اشووف لفي
سحر متحطمه : بالله كيف شكلي احس جسمي خربان
شهد : وربي ياسحووره يجنن عليك ..هو صح قصير مرره بس شياكه
رغد : بعدين الالوان تمام عليك بما انك بيضاء لابقه لك مرره
سحر : احمر وسماوي .. وع ظلمتي الالوان
شهد : ليش محطمه نفسك شوفي كيف شكلك خطير وفيه فخامه
سحر تطالع بشكلها بالمرايا الطويله : امممم .. والله مدري بس يالله بلبسه واللي فيها فيها
رغد تفتح درجها وتطلع صندوق الاكسسورات حقها : شوفي جربي السلسال هذا الطويل بيضيف عليها كشخه ..
سحر : لالا كبير .. تعرفيني ماحب الخشونه خلاص كذا بيكون شكلي كيوت
شهد : اي معك حق خلاص خليك كذا
سحر : بس عاري مرره مالو جاكيت
شهد عصبت : ياربي منك واذا عاري اهم شي حلوو
سحر : تبين اروح متفصخه عند البنت ويش بتقول امها عني
رغد : سحر ويش بلاك انتي .. اللي يقول بتروح للشارع ترى بتروحين للينا مو لاحد غريب
سحر : بروح اشوف شوق هي اللي تعطيني رائي كويس مو زيكم
رغد وشهد : طسي .. هذا جزانا
سحر تطنشهم وتتجه لغرفة شوق شافت الباب مفتوح شوي .. دفته برجلها وهي طفشانه مره
شوق وريم طلوا فيها : ويش فيك
سحر تاخذ لفه : ويش رايكم باللبس
شوق : هذا حق شهد صح
سحر : ايه بلبسه بكره ويش رايك
ريم : مررره لايق عليك
سحر : بس قصير وعاري مرره
شوق : اممم شوي بس يالله يأدي غرض
سحر : يعني اروح فيه
رغد دخلت على كلمتها : وربي ماصارت ياسحوور خلاص البسيه وريحينا
شوق : اذا عاجبك البسيه
سحر : يالله شوركم وهداية الله

:::
:::
:::

دخل غرفته بعد ماسمع كلام كان سهم قاتل اخترق قلبه .. حقد وكره وعذاب يعانيها بهذي اللحظات .. الآلآف الافكار تقتحم تفكيره … اهتماماته قراراته كلها اتوقفت فجأه .. همه الوحيد اخته وبنت اخته .. نسى كل شي فكر وفكر وفكر .. حلول نهايتها دمار بالنسبه له
اصوات من حوله يستنجدون به .. حيره قاتله تغزوا عقله وانتقام وشر لابد ان يحدث
صوتها يتردد بداخله

ليان ودموعها على خدها ماسكه يده وتترجاه : سامحني ياخالي انا اعترفت بكل شي بس خلصني منهم انت ماتعرفهم هم عصابه وخلوني ادمنه ارجوك ياخالي لا تتركني اضيع واضيع اهلي معاي انا اعترف اني سويت كل شي برضاي لكني ندمانه اقسم بالله ندمانه ..
ابوس يدك ابوي راح يقتلني لو يدري .. وندى مالها ذنب تنفضح .. سوا اللي تبي فيني ..
بس اهم شي سمعتنا وسمعة العايله

حط يده على راسه وهو يحاول يبعد صوت بكها ورجائها عن اذنه .. تذكرها بذا الوقت .. تذكر دعواتها ودموعها الي كلها آلم وعذاب .. تذكر حروفها اللي تطلع منها بأحكام كأنه دارسه كل حرف قبل تنطق فيه ..
شوق : ههههههههههههه … الدنيا يوم لك ويوم عليك ..
؛؛
شوق: الله لايسامحك .. الله لا يوفقك يافهد … تشوفها بنفسك وحالك واولادك .. ان شاء الله تشوفها باختك … عشان تعرف كيف اعاني !!.. اعاني من اهلي ومن الناس ومن كل شي
؛؛
فهد يسند راسه على السرير : دعوتها .. ربي استجاب دعوتها ..آآآآه منك ياشووق طلعتي بحياتي فجأءه .. بس خليني اخلص من المشاكل اللي جت على راسي صدقيني برد لك الصاع صاعين ..” رفع بلوزته وشاف اثار الجروح بعد ماشفت “.. انتي حطيتي راسك براس فهد الجابر واللي يحط راسه براسي خسران يعني خسران وانتي ويش بقى بعد تبين تخسرينه
“غمض عيونه وصورتها بباله ببجامتها الورديه شعرها المنسدل على كتوفها ملامحها الحاده والملائكيه ” ..ضحك ضحكه شيطانيه : ههههههههآآآآي .. بتندمين والله بتندمين بس كل شي بوقته حلوو ..اخلص من ليان وندى واسوي اللي براسي ههههههههههههههه
رغم كل اللي يصير له لكن وحشه مستحيل يموت .. وحشه معاه بكل مكان وبكل ظروفه بحلوها وبمرها مهما تضاربت معه الظروف يبقى مثل ماهو ولا يتغير

:::
:::
:::

دانا دخلت تجري للغرفه : الحقوووآآ .. فهد انجن صوت ضحكه واصل للصاله
ليان تمسح دموعها : الله يرحم والديك ماني طايقه نفسي وراسي يعورني وبطني .. كل شي فيني يألمني لا تزيدين علي
ندى وقلبها مليان حقد عليها صرخت عليها : ليش تسوين فيني كذا ياليان ويش ضريتك فيه عشان تضريني .. ماراح اسامحك

ليان : مابي اشرح لك لاني تعبانه ولافيني اتكلم
ندى : لا تتكلمين لكن ربي بينتقم منك
ليان نزلت دموعها : لا تدعين علي اللي فيني كافيني
ندى : انتي مافيك الا الخبث والحقد .. قولي ويش فيك غيرها
ليان ميته من البكاء : انتي ماتدرين عن شي كلكم ما تدرون عن شي لا تظلموني
دانا : انتي ظالمه … كيف نظلمك
ليان تصارخ علهم : حرام عليكم ارحمووووووووني

:::
:::
:::

ببيت مها ..
تهاني : ماتوقعت اخوي متزوج وحده سنعه زيك
مها : تسلمي ياروحي انتي
ام بندر : الله يوفقكم ويرزقكم من اوسع ابوابه .. واشوف عيالكم ياررب
مها تبوس راسها : امين ياخالتي ..
تهاني : بندر .. بندر .. بــنـــدر
بندر صحى من سرحانه : ويش تبين ياهادمة اللذات
تهاني ميته ضحك : ههههههههه عيونك شوي وتطلع .. ترى بتمل من شوفتها
بندر يضربها على يدها : انطمي ابرك لك
امها : تهانيووه .. اسكتي عن الكلام الماصخ
مها تبتسم وخدودها حمرت من كلام تهاني وتلميحاتها : ماقالت شي ياخالتي ويش فيكم عليها
تهاني : قولي لهم .. اكلوني اكل بسم الله علي
امها : هذي اذا عطيناها وجه تمادت
تهاني : يــــمــــه ويش ذا الكلام ويش اسوي اذا طالعه عليك كلامي واجد
امها رمت عليها الكاسة البلاسيتك : انا هرجي واجد ياللي ماتستحين
بندر ومها : هههههههههههههههههههههههههه

تهاني : مو قصدي بس ابوي كان اطرم ما يتكلم يعني اذا ماطلعت عليه بطلع على مين
مها : خلاص ياتوتو ترى خالتي بتزعل عليك
تهاني : عاد الا زعل ام بندر .. اخق عليها انا مقوى على زعلها
امها : هين ياللي ماتقوين
بندر يبوس راس امه : الله لايحرمنا منك يالغاليه
الكل : امين
مها : والله ياخالتي انك بمقام امي الله يرحمها
ام بندر : الله يرحمها يايمه .. واني معزتك من معزة هناء بنتي

:::
:::
:::

كانت ماسكه ملف المحاضره تقراءه وتراجع معلوماتها .. دخلت شوق بالاب توب حقها ..
شوق : شهد تعالي شوفي هذا الفستان عاجبني
شهد : اشوف .. حلوو بس اللون مرره بايخ .. بس ليش تبينه
شوق : افكر نفصله لريم عشان ملكتها بين الفصلين
رغد : لفي الاب توب بشوفه … فلت لها شوق الاب
رغد : حلوو الموديل بس لازم اللون يتغير
شوق : اكيد اللون بنغيره .. ورجعت لملفها
شهد : اقولك شوق وريني ويش عندك بالاب بنزل على جوالي
شوق : طيب خذي فرفري فيه بروح اشوف العشاء بالمطبخ
شهد : طيب .. زبطت جلستها وفتحت بلوتوثها وصارت تنزل على جوالها كل شي يعجبها
شغلت ملف Real Player لفتها اسمه .. وتفاجئت وهي تسمع الانشوده

تــوّج صغيــرة وابتديتي تحــبين !!
من علمــك ليل السهــر يا صغيرهـ ؟!
بدري عليك العشــق يا بنت هالحين .!
حرآآم هذأأأ القلب وشهـــو مصيـــرهـ !!

إنتي بريــئهـ في آلهـــوى ليه تشقــين ؟
دروووبه طوآآآل عـــليك وعـــسيــرهـ !!
رحتي بدرب مآآآآآ له اصل عنأأأأوين ..
وانتي مشــآآآويييرك من أول قصيييرهـ

خليـــتي درووسـك ! وصرتي تحــــآآآآتييين !
الدرررس بديييرهـ وانتييي بديـــررررهـ ؟!
وصرررتي بعــد هذأأأ تغـــآآآآرييين ..!
والمشكلللة يا بنــــــــت منتي خــبيرهـ

نصييحتي لكـ كآآآن وددك ترررديــــن !
يم السعاااادة والحيآآآة المثييـــــرهـ
خلك جوآآآ آلعــايلة لااااا تعديــــن ..
ماما و بابا والعجـــــوووز الظـــريــرهـ

رغد انسجمت مع الانشوده تحس انها تحكي عنها وعن حبها … تذكرت عبدالله وبدون شعور تركت كل اللي بيدها
ح لوه نعيش{ الحب}
.. بقلـ♥ـوب .. الأطفال .!
وأحلى لو أن ” العمر كله { طفوله }..
“مغروره أنا”
من يوم حببتني فيك..
أشوف كل”الناس”بطرف عيني..
{دلعتني} .. {دللتني}
كيف أجازيك.؟!
ماعندي إلآالحبليته يكفي..!!
عجزت أفكر..!!
ودي أعطيك..
وأعطيك” ودي”
..أحبـ؛ـك..
فوق حبي ووصفي..

شهد : وـآآآآآآآو الانشوده تهبل
رغد تغمض عيونها : اي والله تهبل تخليك تعيشين جو ثاني
شهد : ماتوقعت ان الاناشيد احلى من الاغاني
رغد : تصدقي ولا انا ..
شهد : والله شووقه ماهي سهله عندها مجلد كامل كله اناشيد
رغد : نفسي اكون زيها يعني مو ملتزمه مرره او مفرطه مرره
شهد : يابختها والله اغبطها حاولت اصير زيها بس مافي فايده
رغد : الله كريم ماتدرين يمكن نتغير بين يوم وليله
شهد : بس لازم نأخذ بالاسباب

:::
:::
:::

يـــوم الاربعاء بعد المغرب

ببيت لينا ..
ريم : والله ما اكذب عليك
لينا بفرح : يعني بالاجازة الاسبوع عندنا عزومه
سحر تبي تزعلها : ياويلي على قطه الوجه يمكن مانعزمك
لينا تلف عنها : انتي اسكتي اصلا بجي حتى لو ماعزمتوني
سحر : قلت حشريه تحبين تحشرين نفسك
ريم تعرف حركات سحر : ههههههههه لا عاد الا ليونتي اول وحده تنعزم
لينا تقلب عيونها وتطالع بسحر : تعلمي ياحظي وانتي ..” تقلدها ” .. تحشرين نفسك
سحر ماتت ضحك على شكل لينا : هههههههه انكت معك يادووبه
لينا تضحك : ادري بس انا بحشر نفسي يعني بحشر نفسي
ريم :طيب ويش رايك ايش اشتري فستان
لينا تفكر : مدري .. بس اتوقع الوردي حلوو
سحر : وع كل البنات بالملكه وردي خلاص صار قديم وبايخ
ريم : اجل ويش اختار
سحر : اسود ههههههه
لينا : ايه اسود لانك بتودعين العنوسه
ريم تضربها على يدها : عنوسه بعينك .. اصلا انا بعدي بعمر الزهور
سحر تصفق : ياهووووه قال عمر الزهور
لينا : اقولكم تعالوا بوريكم فستاني بزواج خخالتي يمكن يعجبك
ريم : يالله وريني
سحر : انا بشرب قهوه ومتكسره مافيني اقوم معك
لينا تمد لسانه : احسن توفرين علينا خخخخ
سحر : ابوك يالبخل .. رحوا بس لاتتاخرون ابي اسولف معكم
ريم : طيب بس ضفي رجولك ذي .. تحسبين نفسك هيفاء والا نانسي
سحر : لا سحر هه هه هه يالله بس قولي غيرانه من بياضي
لينا : اقول لوعتي كبدي برجولك استريها بس هههههه
ريم كانت لابسه بنطلون برمودا جينز وبدي ليموني حفر ورافعه شعرها ذيل حصان
اما سحر لابسه تنوره قصيره ساتره نص الفخذ كلها ورود احمر وسماوي وبدي حبل احمر فيه ورده لونها سماوي على جنب ومجعده شعرها
سحر تاخذ صحن المكسرات وتطنشهم : اقول ابي هواء لو سمحتم بروق
لينا : عشنا وشفنا امشي ريومه خلينا نروح الغرفه نخطط
ريم : يالله مشينا …
تركوا سحر لحالها بالمجلس تتقهوى .. اخذت الجوال حق رغد معاها عشان اذا خلصوا يكلمون جلالي .. جلست تقلب فيه وتشوف الرسايل .. ومصدومه رفعت رجلها على الطاوله عشان تركز بالكلام اللي تقراه وتشوف رسايل حب وغرام ..
سحر ( مين عبودي ؟!. لالا لايروح فكرك بعيد ياسحر اكيد وحده من البنات ومسميتها كذا ..بس الرسايل تدل على انهم يحبون بعض .. ياربي ويش ذا مالي الا اواجهها ايه اواجها عشان تعترف .. بس رغد عاقله ماتسوي ذي الحركات .. والله احترت اووف انــا مالي الا اكلمها واشوف )..
رفعت راسها من الجوال بتأخذ فنجان القهوه وانصدمت وهي تشوف ولد واقف قدامها تعلقت نظراتها فيه تجمدت مكانها نست نفسها من الصدمه ماتدري كم مر من الوقت وهي تطالعه تحس قلبها بيوقف من الاحراج واخيرا رجع لها تفكيرها تذكرت لبسها وسحبت اقرب خداديه وغطت فيها وجهها ..

آمــا عنده اول ماحس على نفسه من حركتها لما غطت وجهها تحرك ورجع غرفته وهو مرتبك مرره خايف من لينا وبنفس الوقت مو مستوعب انه دخل بالغلط .. وقلبها بداخله ينبض بسرعه
معاذ ( وي وي وي ويش اللي شفته هذي بنت والا ملاك .. امووت على ذيك النعومه والبراءه والا الشعر …آآآه بس ودي اعرف اسمها .. توه يحس بنفسه ويفكر …بس ويش جابها ببيتنا يمكن صديقة لينا ..لالا ماتوقع الكمخه ذيك تعرف وحده بالجمال هذا .. ياويل حالي بس اروح ملح انا لازم استفسر من لينا واحاول اجيب خبرها )

بالمجلس
كانت مرتبكه وملامحها متغيره .
ريم : سحر ويش فيك ؟
سحر : هاه لا ولا شي
لينا تطالعها بتفحص : يابنت شوفي وجهك كيف متغير تركناك مافيك شي رجعنا وحالك مقلوب
سحر : والله مافيني شي .. ويش فيكم انتم بس بطني توجعني شوي
لينا : بلا دلع وتحملي .. تقولين عندك سوالف سولفي
سحر : وين اسولف وانا… وتداركت نفسها وسكتت
ريم : لالا في شي صاير تكلمي يالله
لينا : والله ماتطلعين من هنا الا وانتي قايله اللي عندك
سحر تفكر يدها ببعض : الحقيقه هي ان في واحد دخل المجلس علي فجأه .. تعلقت عيونها بلينا .. مدري مين ياليوونه خوفني مرره قلبي كان بيوقف من الفجعه
لينا : متذكره شكله ؟.
سحر : نص ونص بس احسه زي السراب لانه جاء فجأه
لينا : لابس ثوب والا بنطلون
سحر : لا بنطلون جينز وبلوزه كت لونها بني او زيتي مو متذكره
لينا جلست تضحك بشكل هستيري : حصل خير .. هذا معاذووه الغبي ترى مايدري انكم بتجون لانه كان نايم ببيت عمي
سحر ودمعتها بعينها : بس شكلي كان يفشل رجل شرق ورجل غرب
ريم تضحك : ههههههه يالله عادي يمكن اغريتيه بشكلك .. لينا روحي شوفي اخوك اخاف خق بآرضه
لينا : بروح اشوفه دقيقه واجي .. طلعت بسرعه وراحت لغرفته وفتحتها بقووه
معاذ يلبس بلوزته : خير خير داخله مثل دراغولا
لينا تحط يدها على خصرها : الحين ماتعرف تدخل تتنحنح كنت بتجلط البنت
معاذ ابتسم وترك بلوزته : تعرفينها
لينا : ويش خصك انت
معاذ : والله يالينا لا اعطيك الاب توب لك بدل هذا الخربان حق امي .. وكل اللي تطلبينه اعطيك هو .. ويش اسمها تكفين
لينا : هي صديقتي وبس غير كذا ماراح اقولك شي
معاذ بسخريه : انتي تعرفين اشكال زي كذا ..ههههههههه تطورات
لينا حمر وجهها من العصبيه : اقول طس عني .. وراحت للمجلس معصبه مرره

ريم : ياساتر ويش فيك بعد ..
سحر تضحك على شكل لينا : امووت على المعصبه
لينا : السخيف انا اوريه
ريم : ليش ويش قال لك
لينا : يقول ليش داخله مثل دراغولا
ريم وسحر : هههههههههههههههـــآآآآآآآي
لينا : لا تبون تضحكون زين اسمعوا ويش يقول …

:::
:::
:::

محتآج اسولف معاك ..

والله..
………. والله ..
………………… والله ..
محتاج اسمعك . . !
………………محتآج اضمك حبيبي{

واجمع احلامي{ معك ..

محتآج ..
محتآج ..
محتآج ..
محتآج ..

لو سمحت .. !
بكلمتين} — عن عذابي والسنين
انا بغيابك اتوه ~
والله ذوبني الحنين ~

انت يالحب الكبير

عن جميع الناس غير . . !
{~ انت يانبضْ..الفؤاد ..
والله مشغلنيْ كثيـرْ . .
والله مشغلنيْ كثيـرْ . .
والله مشغلنيْكثيـرْ . .
والله مشغلنيْ كثيـرْ . .
والله مشغلنيْ كثيـرْ

. .

قفلت دفترها وخانتها دمعتها اللي ذرفتها على ذكرى سنين مرت .. ذكرى كانت تعيشها بفرح وتنتظرها من كانت طفله كانت تعد الايام والسنين حتى تكبر ويتحقق حلمها الوردي .. قبل ان يحكم عليها بالاعدام الحياتي .. تركها وخان حبه لها تركها لجل شي كان مقدر ومكتوب عليها جرحه لها كان تاثيره عليها اكثر من اي شي ثاني.. طعنته لها كان آلمه غير عن كل الآلم اللي ذاقت مرارتها طوال سنينها التي عدت
دفنت وجهها بمخدتها جلست تبكي بحرقه وعذاب صارت تهذي بكلماتها .. بكت الى ان جف دمعها ..بكت الى ان تجرح خدها ..بكت الى ان تصدعت الجمادات حولها .. بكت ولازالت تبكي على حالها
شوق : ليش يا احمد تركتني ليش … ليش خنت حبنا وطعنته .. آآآآآه ياقلبي ماجرحه كثر جرحك انت .. ماني قادره اطاوع عقلي وانساك .. كيف انسى حب 10 سنوات كيف انسى ايامك ولياليك .. ذبحتني اكثر من فهد .. كل واحد ذبحني من جهه عايشه طول عمري بحسرتي .. آآآه ياقلــه حيلتي ..آآآه ياحزني الابدي …آآآه وبعدها آآآه وآآآه وآآآه
اشتكت وسادتها من الدموع اشتكت غرفتها من تحمل الهموم .. دفترها امتلى من احزانها وكلماتها العذابيه اصبحت بلا هويه.. تعيش على هوامش الحياه لاتكاد ان تكون كغيرها
ولكن ايمانها يكفي بان يجعل الامل يسري بداخلها مسرى الدم .. ايمانها وثقتها بربها
تجعلها واثقه برحمته ورزقه لها .. وايضا باذن يسعدها بدنياتها وان يساعدها على تربية خواتها وبنات عمها اللي اصبحوا امانه برقبتها ..

:::
:::

ببيت فهد

فهد : يالله بنرجع الرياض ..
ليان والصداع ذابحها : بنرجع الحين
فهد يصد عنها : ايه الحين جهزوا اغراضكم يالله
ندى : بس ماحجزنا
فهد : بنروح بطيارتي الخاصه
دانا : انت عندك طياره خاصه
فهد : ايه وبلا كلام كثير يالله اخلصوا علي عشان نوصل بدري
ليان تطلع الدرج بسرعه وترح الغرفه ركض.. تدور بشنطتها دواها لكن مالقته .. عصبت .. صارت تدور بكل مكان وتبكي ..
ليان : وين راح وين … لايكون خلص آآآه ياربي ويش اسوي بمووت من الصداع .. لازم ادور لازم
ندى كانت وراها وتسمع كلامها : ويش تدورين ؟؟
ليان : بندول .. ابي بندول الصداع ذابحني ..
ندى : آهـــا .. بروح ادور لك .. جهزي اغراضك
ليان : اغراضي جاهزه بس ابي الصداع يخف شوي
دانا دخلت ترتب شنطتها وتطالع ليان اللي رمت نفسها على السرير وماسكه راسها من الالم
دانا : ليان راسك يوجعك بالحيل ؟؟
ليان بتعب وعصبيه : ايه ايه .. روحي عني اتركيني لحالي
دانا : طيب طيب لا تنافخين … لفت عنها وهي كارهتها مره
نزلت للصاله وهي تفكر بليان .. جلست قبال فهد
فهد : ليش قالبه خلقتك ..
دانا : ليان تعبانه وراسها يوجعها مــ….. قاطعها صريخ ليان الهستيري

بالغرفه ..
ندى بخوف : مالقيت والله العظيم مالقيت
ليان شبه منهاره : وشلون مالقيتي … دبري لي بنادول بمووت من راسي بموووت
ندى : ويش اسوي لك طيب تحملي الوجع
ليان ماسكه راسها : آآآآآآآآآآآآآه الالم بيذبحني ماتفهمين روحي دوري لي شي يسكنه لي
دخل فهد ودانا بسرعه .. وهو يشوف حالتها
فهد مسكها بقوه واعطاها كف صدم ندى ودانا فيه …..

؛؛
؛؛

ويش بيصير بين فهد وليان ؟. وهل روحتهم للرياض بتعدي بسلآم ؟

شوق .. وكل يوم ينفتح لها جرح جديد .معقوله بتنتهي جروحها وتعيش بسعاده ؟

رغد وعبدالله .. وحبهم الصادق في اي ميناء سترسي سفينتهم ؟

هنادي .. مالها تواجد واضح معقوله يكون هدوئها يسبق عاصفتها ؟

معاذ ؟.. ودوامه جديده من الاحداث بانتظارنا ..

سحر .. ماقدر اقول اي شي عنها بترك لكم التعليق !!.

واحداث جديده ستكون في قائمه الانتظار ومفاجأت ستغير مسرى سفينتنا …