اللحن الخامس
الروايه الاولى للكاتبه / غلا

بين أمسي و القدر خانها الحظ و غدر

–
انتبهت على امها تـناديها
الهنوف /حبيبتي نوف اعرفك على البنات هذي”تاشر على ليلى”بنت خالك فهد وهذي”تاشر على سديم” بنت خالك فارس..وهذي”تاشر على رغد”اختك رغد
نوف بصدمه حاولت تخفيها/اخـتي!!! الهنوف /ايـوه اختك من الرضاع وتصير بنت زوجي
نوف بجمود/ها
رغد ابتسمت لها بجامله/اخـيراً شفتك كان خاطري من زمان اقابلك
نوف بسخريه/بالله وايش اللي منعك
رغد بإرتباك لأنها ماتوقعت سؤالها/هاا..مـا مدري..اقصد ما حصل فرصه وانتي ما كنتي تزورينا
نوف سفهتها والتفتت لـ امها/عندي اخوان غير هذي..اقصد اخوان من بطنك مو من حليبك
ام ياسر والبنات ناظروها بدهشه من اسلوبها الغير لايق..
الهنوف تكبت قهرها من اسلوب نوف/ اخونـك ثلاثه رغـد”وشدة على اسم رغد” ومعاذ..انـس
نوف بدون اهتمام/هاا يعني معاذ وانس اخواني من الرضاع
الهنوف صدت عنها تحاول تكبت انفعالها
ام ياسر تحاول تنهي النقاش وبهدو/ماما نوف معاذ وانس اخوانك من امك ورغد مثلهم تماماً واعز فهمتي يا قلبي
نوف هزت راسها “وهي تسوي
نفسها فاهمه..وكان اكبر تفكيرها في
هذي اللحظه هو متى تاكل لان من صباح
ما كلت شي..”هذولا وين مطبخهم.. لا يكونون تعشو قبل اجي..ياربي متى اكل جوعانه”
وكان العكس عند الباقين..الهنوف كان همها كيف تجبر خاطر رغد… و رغد اللي تنتفض من القهر..وام ياسر اللي تندب حظ ولدها
–
مر الوقت في السوالف الجانبيه..واللي كانت سخيفه بالنسبه لنوف..وبعدها تعشو وكان هذا اجمل شي حصل لنوف في يومها هذا…
–

سـاعة 12:30 م
بعد العشاء..وقفت نوف بتطلع لجناحها..
الهنوف/ماما نوف وين!؟
نوف /بطلع انام
الهنوف/معليش تنتظري شوي..خوالك على وصول سلمي عليهم وبعدها اطلعي نامي
نوف تطلع الدرج/بكره بسلم عليهم ..الحين تعبانه تصبحين على خير..
الهنوف خذت نفس بضيق من تصرفها..
–
–
دخلت الجناح..وهي مستغربه وجود خدامتين في غرف الضيافه..
نوف تكت على باب الغرفه..تراقبهم ..كانو يرتبون المفرش على الارض
نوف عقدة حواجبها/وش تسوين انتي وياها
الخدامه بإرتباك/هزا مستر ياسر يقول رتب فراش نوم هنا..لمدام نوف
نوف ضحكت بقوه/ههههههههههههههههههههه اجل انام هنا هاا هههههههه
الخدامه ابتسمت بفهاوه وهي ما تدري وش سبب الضحك/يس مدام
نوف بإستحقار/خلاص اذلفي انتي وياها
الخدامتين ناظرو بعض باستغراب/!!!؟
نوف تحك راسها بإنزعاج/معلوم كلام انا “وبصراخ”انقلعي انتي وياها برا
الخدامتين طلعو بسرعه ورعب من اسلوب …
–
الخدامتين طلعو بسرعه ورعب من اسلوب نوف اللي ما تعودو احد في القصر يتعامل معهم بهذي الطريقة..
نوف ابتسمت بسخريه..وشالت المفرش ودخلت فيه غرفة ياسر..اجل انا بغرفة الضيوف وانت تنام في هذا الغرفه هااا ايه هين ان كان خليتك..
وقفت قدام سريره وهي مصممه
انها بعد اليوم ما تنام الا عليه عناد في ياسر..

نطت فوقه وخذت المخاد اللي كانت على
المفرش وحطتها على طرف السرير بشكل يمنعها انها اذا انقلبت ما تطيح..ثبتتها وانسدحت وهي تجرب إذا كانت بتطيح منه او لا..صارخت بحماس/يس ما طحت هههههه وقفت فوق السرير /1..2..3 ..هياااااااا”نقزت على السرير وتشقلبت بجسمها كله على ورا..ضحكت بإنجاز..ابتسمت بعد حركتها لانها تذكرت عبدالرحمن اللي علمها عليها وعلى حركات كثير غيرها””
تغطت ب المفرش وطلعت جوالها
تتفرج على سنابات عبدالرحمن وطارق..ابتسمت على صورة طارق مع ابوه واخوه الصغير..طارق يعشق ابوه واهله بجنون..ياما صفقها وهاوشها اذا سبتهم لاجل تستفزه..
–
•
الساعه 1:00 م
دخل الجناح بعد ما رجع من عشاء العمل مع الوفد الفرنسي..نزل شماغه وفك ياقت ثوبه وهو ميت تعب..يدور للمخده ..
دخل الغرفه وقف قدام التسريحه..ونزل ساعته وكبكه..عقد حواجبه باستغراب هو يشوف شي يتحرك في السرير..قرب له ..
ياسر بصوت عالي /نوووف
نوف رفعت الغطاء عنها وجلست/هاااا
ياسر عقد يده على صدره/ وش منيمك هنا!! الخدم رتبو لك مكان لنومك في غرفة الضيوف..
نوف تتثاوب/اي شفته..”بعناد”وما بنام الا هنا حلوه هذي اترك الغرف اللي يطرد فيها الخيال وانا في الضيافه..
ياسر /ترا راسي مصدع ومو ناقص هبال..انتي انسانه مزعجه في نومك..يالله انزلي من سريري وانخمدي في الارض وبكره نتفاهم
نوف حركت راسها بلا/لا ما بنام من اليوم ورايح الا على السرير…انت نام على الارض و وسع علينا
ياسر رفع حاجبة بحده / ما قلتي انك متعوده على نومة الارض وش اللي تغير الحين!!!
نوف ابتسمت بانجاز..وهي ترفع الغطاء عن المخدات وتاشر له/حطيت هذولا لاجل ما اطيح
ياسر اتجه للطرف الثاني من السرير وجلس عليه..
نوف انسدحت على ظهرها وابتسمت لانها قدرت تعانده وتضايقه..
ياسر قرب منها وبخبث/هااا الحين فهمت..
نوف رفعت راسها وتكت علي يدها باستغراب
ابتسم لها وهو يقرب اكثر..بنظرات عذاب/يعني افهم من هذا كله ان هذي دعوه غير مباشره لي!!
نوف ميلت راسها بعدم فهم..
ياسر قرب اكثر و راسه قريب من راسها/والله ما ودي اكسر خاطرك يا بنت عمتي ..بس المشكله اني ما اشوفك الا واحد من الربع..باختصار انت ي مو من ذوقي ابد..
نوف جلست بسرعه وهي تتنفس بقوه ووو…..
–
.
نوف جلست بسرعه وهي تتنفس بقوه..وتوها تستوعب قصده..بصراخ/ياقليل الادب..
ياسر ابتسم لها
نوف بقهر وخوف/انت وقح وحيوان و يا متخلف..انتـ
ياسر رفع اصبعه على فمها/اششششش قلت لك انتي ما تناسبيني..فـ هدا يا ابو الشباب..
انسدح وطنش صراخها وسبها له..
نوف بقهر ظربته على كتفه/الله ياخذك
ياسر جلس بسرعه ولف عليها سدحها هو مسك كتوفها بقوه..قرب منها..وبنظراة ارعبتها
../بتسكتين وتنامي ولا ترا بتسلى فيك هذني قلت لك
نوف رفعت كفوفها على فمها وكتمت انفسها برعب..وهي تهز راسها بانها بتسكت..
نظرها للحظات وهو يحول يكتم ابتسامته على شكلها وهي ترفع كفوفها على فمها وكانها طفلة..هي فعلاً طفلة شرسه ومتمرده..ابتعد عنها ورجع ينسدح..
مقدر يمسك ابتسمته هو يسمعها تتحلطم بصوت خافت
نوف تتحلطم بهمس/جعل العفارية تتسلى فيك يا مجنون..والله لقطعه لو فكر..متخلف فرحان بعيونه اللي كانها عيون بقره
ياسر بحده/وبعديييين معكككك
نوف ارتجفت من صوته وغطة نفسها..وبلعت لسانها..وهي تدعي عليه في نفسها..واللي قاهرها رجفتها وخوفها من نظراته..
–
عايلة العاصم
ابو عاصم”عضو متقاعد من مجلس الشورى..ويدير شركات كبرى في الشرق الاوسط”
اولده
*ابو ياسر متوفي*ابو مصعب*ابو سلطان*جهاد*

ام ياسر”نوره”عضوه في لجنة نسائيه لسيدات الاعمال السعوديات”
ياسر 29
ديما 18
ام نوف “الهنوف”رائيسة قسم ودكتوره في الجامعة”
هيثم زوجها..دبلوماسي في احد الدول..
رغد 19
معاذ 12
انس 4
ابو مصعب..وام مصعب
مصعب 27
ليلى 22
سمر 17
*ابو سلطان ام سلطان
سلطان 28
توام “اياد وزياد 23
ام سامي “وصايف”38”
سامي 13

جهاد 29 ولد ابوعاصم الصغير
–
ويـوم آخـر يمـر ولـم يتغيـر شـيء سـوى التاريـخ .. وتستمـر الحيـاة

°
جميع افراد العائلة يسكونون في القصر ولكل منهم قسمه الخاااص ومدخل ومخرج خاص فيه..والدور الارضي لبو عاصم و للكل و مقسوم جهة للحريم وجهة لرجال..
— الساعة 10:30 ص
صحى قبلها واخذ شور ينشطه…
وقف على المرايه نشف شعره المبلول..
رفع عيونه للمراية العاكسه لها…ماكان مبين منها الا اطراف رجولها مختفيه بين المخاد والغطاء..نحفها فضيع…
زفر بضيق..ما ارتاح في نومته امس..حركتها كثير..
رتب شعره ولبس ساعته من مونت بلانك..
اندق باب الجناح
ياسر طلع للصاله و بصوت ثقيل/تفضل
فتحت الهنوف الباب وطلت
بارسها وعلى شفايفها
ابتسامه هاديه/صباااح الخير
ياسر ابتسم لها/صباح النور
الهنوف /ياللا حبيبي انزل جدك ينتظركم على الفطور..وين نوف
ياسر/نوف..لسى نايمه
الهنوف
رفعت ساعتها/شكل سهرتكم امس طويله..
ياسر في نفسه”هو ينسهر مع بنتك!؟..هذي كارثه تمشي”
الهنوف/اوكي بصحيها وانت انزل
ياسر/اذا صحت معك خليها تصلي الفجر
الهنوف باستغراب/ليه ما صحيتها تصلي!!؟ ياسر / حاولت اصحيها بس بنتك نومها ثقيل..
دخلت الهنوف للغرفه “حمد ربه ان نوف نامت في الغرفه ولا كان بيكون في موقف محرج مع عمته”
ضبط شماغه ونزل يفطر مع جده ••
دخلت الهنوف وجلست على طرف السرير..
وبهدو/نوف ياماما اصحي
رفعت الغطاء عنها وهزتها من كتوفها/نوووف نوووف
تحركت نوف بإنزعاج وانقلبت للجهه الثانيه
الهنوف باصرار وصوت عالي شوي/نوووووف نوف يالله اصحي
نوف غطت عيونها بذراعها وفتحتهم على
خفيف/هاااااااا..هاجر اذلفي لا والله ماتحصلين خير
الهنوف ابتسمت/ياماما اصحي وبسك نوم

نوف استغربت نعومة الصوت..عقدت حواجبها وكانها بدات تستوعب هي وين..
جلست وهي مغطيه عيونها بيدها اليمين ..مدت يدها اليسار تدور نظارتها
الهنوف كانت تناظرها باستغراب..
مسكت نظارتها وصدت عن امها لاجل تلبس النظاره..
الهنوف كانت في عجبه من تصرفها..
نوف التفتت لها وهي تثبت نظارتها/يمه!!!
الهنوف /قومي بدلي وانزلي نفطر جدك ينتظرنا على الفطور
هزت نوف راسها بهدو ونزلت من السرير.. دخلت الحمام..غسلت وجها..طلعت وهي تتثاوب/ياللا ننززل
الهنوف قربت لها وسحبت منديل من الكومدينه ومسحت فيها وجه نوف بنعومه/…..
نوف بنعومه/اولاً صلي الفجر وثانياً بدلي ملابسك
نوف تراجعت على وراء مصدومه من
تصرف امها/اصـلي!!
الهنوف فتحت الكبت تدور لملابس نوف/ايه ياماما ياسر يقول انه حاول يصحيك الفجر بس ما صحيتي معه..ادخلي توضي على ما اطلع لك ملابس
نوف دخلت الحمام وقفت قدام المغسله..رفعت عيونها لانعكاسها على المرايه/اوضــي!!! كيف انـ نـا معرف
فتحت المويه غسلة يدها و وجها..وطلعت..
الهنوف رفعت عيونها لها/نوف ماما وين ملابسك!؟ما حصلتها
فتحت الكبت وطلعت ملابسها..بدون ما تلتفت ل امها دخلت وراء ستار وبدلت ملابسها..اللي كانت عبارة عن تشيرة رصاصي وجاكيت مقلم احمر واسود وبنطلون اسود..
وطلعت
الهنوف بعدم رضى/هذي ما تناسبك..انتي ماجبتي ملابس معك
نوف ببرود/هذا شكل ملابسي وستايلي في اللبس
الهنوف غمضت عيونها وقررت تترك النقاش معها لبعدين..وتاخذها لسوق تختار لها…
الهنوف /اوكي صلي وخلينا ننزل
نوف بكذب/ما علي صلاة
الهنوف هزت راسها بتفهم..ونزلو..
–
جلست بهدو على طاوله الطعام شافت ياسر بياكلها بنظراته
رفعت حاجبها بمعنى خير..
اشر لها على ابو عاصم
نوف التفتت لجدها/وش فيك تاشر على جدي !!؟
ياسر فتح عيونه بقهر”فضيحه”/نوف حبيبتي الواحد إذا دخل يسلم..قومي سلمي على جدي..
ابو عاصم ضحك/هههههههه خلها يا ياسر على راحتها..انا عاذرها ماتعرف لـ هذي السوالف
نوف وقفت وحبت راسه/من قال اني ما اعرف لها وهذي حبت راس”رجعت تحب راسه مره ثانيه”
ابو عاصم ابتسم لها بحب/ههههه اجلسي افطري جنب رجلك يابوك
نوف جلست جنب ياسر..وبدت تاكل بدون مايسبب لها جلوسها جنب ياسر اي احراج..
..
بعد الفطور استاذن ياسر وطلع.. اضطرت انها تجلس معهم في الصاله وتتقهوى..
الهنوف /ماما نوف في الركن عبايات لبسي عباية وحطي شي على راسك..خوالك وعيالهم بيدخلون يسلمون عليك..
وقفت للمكان اللي اشرت لها امها عليه ولبست العباية ولفت الشيلة على راسها ..وتلثمة”لو يشوفني طروق كذا مطيعه والله ان يضحك علي سنه قدام ..” جلست بهدوء “مستغربه تعامل امها معها ..مو مفروض انها ما تبيني اجل ليش تعاملني بهذا الاسلوب
–
دخل ابو مصعب ابو سلطان واياد وزياد
ابومصعب ابو سلطان بصوت جهوري /سلام عليكم
ابو عاصم/وعليكم السلام..الله حيهم
سلمو على ابوهم
ابو مصعب سلم على نوف بود/واخيراً شفناك يا نوف
نوف بتسليك/ياهلا فيك
ابو سلطان سلم عليها بجمود..
ابو عاصم/وش سويتو على الصفقه مع الوفد الفرنسي.
ابو سلطان/ياسر يدرسها حالياً والى الان ما اعطيناهم ردنا..
ابو مصعب/عرضهم قوي..بس اهم شي الجوده
الهنوف/اذا ياسر استلمها..ف اعتمدو لان ملاحظاته دقيقه في هذا المجال
و..
–

الهنوف/اذا ياسر استلمها..ف اعتمدو لان ملاحظاته دقيقه في هذا المجال
استمر حديثهم على هذا الموال..
–
اياد بلقافه/تصدقين توي امس اكتشف وجودك بالحياة يابنت العمه ههههه
زياد/ ليتك ولد والله شي يونس يطلع لك شخص يقرب لك بعد هذي السنين
نوف/حسستني انه افلام هندي
اياد/ههههههههههه
زياد بلقافه/الا ماقلتي لنا وش تخصصك يا نوف
نوف والوضع كله مو عاجبها..ردت بطفش/استشارة عقليه
اياد باستغراب/وش هذا القسم اول مره اسمع فيه
نوف بصوت مايسمعه الا اياد زياد بستهزاء /غريبه!!مع ان هذا القسم ما انفتح الا لاشكالك انت واخوك
اياد وزياد ناظرو بعض وضحكو/ههههههههههههههه
نوف وقفت وطلعت وهي مطنشتهم
طلعت من القصر..وهي حابه تكتشف المكان..
وقفت باستغراب ..تسمع صوت غريب قريب من القصر..
اياد وزياد طلعو بعدها واستغربو وقوفها
اياد/وش تسوين برا
نوف لتفتت لهم..وباستفسار/كأني اسمع صوت البحر ولا يتهيئ لي!؟
زياد/لا ما يتهيئ لك جزء شاطئ البحر من ضمن حدود القصر
نوف صفقت بحماس/صدق
اياد ابتسم لها/ايه
من الجهه الخلفيه..
إياد بإحراج /اذا عادي تقدرين تجين معنا
ونفرجيك على القصر..
زياد دقه..وبهمس/خير والجراءه يا اللي
ماتستحي..يقال لك بتوافق الحين

نوف والوضع عندها عادي/قدااااام..بس اول شي ابي اشوف البحر
زياد فتح فمه بصدمه من جرائتها

اياد يلعب بحواجبه وابتسم بغباء/وافقت هههههه

نوف بحركة اعتادتها في تثبيت نظارتها
بباطن كفها من جهة عينها اليمين/مطولين في الوقفه
اياد /لاااا..تعالي من هنا
مشت نوف محآذاتة بمسافه بعيده عن اياد..
زياد لحقهم وظرب على راس اياد/تصرفك هذا بتتحاسب عليه بعدين
اياد لف يده على رقبة زياد/وانت شريكي
نوف لفت انتبآههآ موقف
السيارات الواسع والسيارات فيه اشكال
و الآلوان..وبغباء/معرض السيارات قريب منكم!؟
اياد وزياد ناظرو بعض
وفطسو ضحك/هههههههههههههههههههههههه
اياد/ههههه وش يجيب معرض السيارة في بيتنا!؟
زياد /لا هذي سيارة العائلة..تبين نروح نشوفها!؟
نوف/لا اول اشوف البحر
اياد وهو ياشر لها /وهذا البحر

نوف فتحت عيونها على وسعها من الدهشه.. القصر في مكان مرتفع..وفيه اشجار مغطيه جهة البحر وبينها ممرات
–
اشجار مغطيه جهة البحر وبينها ممرات بدرج ينزل على شاطئ الرملي الواسع..نزلت من الدرج تركض بدون ما تهتم لزياد و اياد..كان فيه جلسات على اطرافه بشكل انيق..وجسر يمتد داخل البحر ونهاية جلسات..
قربت من البحر اكثر وهي تاخذ نفس عميق..لتلتفتت ل اياد و زياد بحقد تمنت انهم مو موجوين الاجل تاخذ راحتها..اكثر لانه متعوده في كل مره تروح فيها للبحر تكون بملابسها الصبيانيه..
قطع اياد تفكيرها/نوف قابلتي البنات!؟
نوف بدون اهتمام /اي بنات!؟
اياد بحراج/بنات اعمامي يعني من
نوف لتفتت له وضيقة عيونها في ملامح وجهآ/ايه قابلتهم..
اياد ابتسم بتوتر/وش رايك فيهم!؟
نوف رفعت حاجبها وكانها بدات تفهمه/ما اعجبوني رآفعين خشومهم على غير سنع
زياد/ههههههههههه
اياد معجبه ردها/طيب كيف شفتيهم كلهم بخير!!؟
نوف تلوح بيدها /اختصر عن من تسال منهم بظبط !؟ اي وحده منهم شاغله راسك
اياد انحرج منها وصد..
زياد بدهشه/كيف عرفتي انه يقصد احد بسالته
نوف بقرف/واضح ان خوك غرقان لشوشته من الحب بالله من منهم تحب
زياد/ههههههههه شكلك بعد غرقانه انتي ولا كيف فهمتي
نوف شآتت برجلها الرمل اللي انتثر على
وجه زياد/الله ياخذك تخيل احب
زياد مسح وجه بصدمه من تصرفها الصبياني
نوف/وانت من تحب فيهم ليلى ولا رغد ولا سديم!؟
اياد هز راسه بلا..برتبك/ماوشفتي ديما
نوف ضيقة عيونها/لا وش طلع!؟
زياد /اخت زوجك
نوف بستهزاء تقلده/زوجك..لا بعد ما تشرفنا فيها
زياد كان نفسه يصكها كف..دق جواله ورفعه وهو مغتاظ منها/الوووو..لا مو معصب..وش تبي..ههههه اعذرني يابو حميد عندي ناس يرفعون الظغط..بالله متى وصلت!؟…اوكي..نص ساعة ونكون عندك..في امان الله”..قفل منه /اياد خلك منها وامش نروح ل ابو حميد
زياد هز راسه /اشتقنا له الدب
نوف/اول ابي اشوف معرض السيارات قبل تروحون
زياد ابتسم لها/يالله تعالي تشوفينه مره وحده نخذ سيارتنا ونطلع
اياد بسخريه/قلنا لك اسمه موقف السيارة مو معرض..متاكده انك درستي عربي
نوف بصدق/لا مادرسته
اتجهو لموقف السيارة
وصلو له ونوف طيرت عيونها..”لو أبيع وحده منهم بتجيب لي مصرف عشر سنوات قدام ههههههه “
وقفت فوق الكرسي بدات تعد/1..2..3..4..5..
اياد قطعها/انزلي عددها 15
نوف رفعت يدها فوق راسها بذهول/الله 15
زياد/اذكري الله اللي يشوفك يقول اول مره تشوف سيارات
نوف باعجاب/واو السيارة السوده لمن!!؟”سيارة لكزس من النوع المفتوح”
اياد /لـ ياسر
نوف قربت منها نوف صارخة بحماس وهي تشوف درجتين ناريه واقفه جنبها../
اياد بقلق/وش فيك

–
اياد بقلق/وش فيك
نوف بحماس/درجات ناريه..من له
زياد بفخر/لي انا واياد
نوف قربت لدرجتين وهي تتفحصهم /وين مفتحها!؟
زياد طلع مفتاحه من جيبه/هذا هو
نوف تمد يدها/عطني اياه بسوقها
زياد/انتي متاكده انك بنت!؟..مجنون انا اعطيك الحب
نوف بعصبيه/ما بآكلها بس بجربها والله اعرف اسوقها
زياد طنشها ودخل المفتاح في جيبه ولتفت ل اياد/يالله تاخرنا على الرجاال
دخل اياد سيارته وشغلها
نوف ابتسمت بخبث” تعودت اخذ ما اطلب”وقربت من زياد وبحركه مقصوده صدمت في كتفه وباقل من ثانيه دخلت يدها وسحبة المفتاح بكل خفه”
ابتعدت عنه بسرعه وهي تسوي نفسها تعثرت /الله ياخذك كنت بطيح
زياد نظر اياد مصدوم منها ومن اسلوبها
اياد نزل من السيارة وسحب زيااد لداخل السيارة وحرك..
زياد لتفت لـ اياد/مجنووونه البنت هذي مجنونه
زياد /والمصيبه زوجها ياسر..مدري كيف بيتعامل معها
–
نـوف انتظرتهم حتى يطلعون..رفعت عبايتها حول خصرها وشغلت الدراجه وانطلقتعليها..اخذت لها لفه على القصر والحديقه اللي حوله وكان فيه مداخل ومخارج كثير وساحه خلفيه واسعه من غير جهة البحر..بعد ربع ساعة رجعت لمكانه وقبل توقفه..وبخبث..صدمت فيه سيارة ياسر..اللي انخدشت خدش كبير و واضح..بعدها رجعت دراجة مثل ما كانت..ورمت المفتاح في نفس المكان اللي صدمت فيه زياد….
رفعت جوالها اتصلت على طارق..حنت له..وتذكرة ركوبهما معها على الدراجه الناريه..
تنهدت بحباط من امس تدق عليه مايرد..
+
••
بعد اسبوع… ياسر ينام برا القصر..كل يوم عند وحده من زوجاته المسيار..وما يرجع القصر بعد صلاة الفجر..
نوف كانت علاقتها سطحيه مع سكان القصر..
وما فاتتها نظرات البعض منهم لها بإستحقار لبعض تصرفاتها واسلوبها وكلامها..
*الهنوف اشترت لنوف ملابس وكلها ناعمه وهديه تناسبها كـ بنت..لان نوف من النوع اللي مايرتاح الا في هذا النوع من الملابس..وبعد اصرارها على نوف انها تلبس منها لكن ما تكون نوف إذا ما عاندت..
بس بتعامل الهنوف معها بـ اللين والهدو صارت تلبسها اذا بتنزل وتجتمع معهم…
–
في جناح نوف
جالسه بضيق تكلم سارة بـ الجوال”وحكت لها كل اللي صار معها”
سارة/نوف يانوووف الى متى بتستمرين على هذا الوضع..هاا يكفيك جنان..قبل كنت أحاول اعذرك بسبب ظروفك بس الحين مالك عذر لتصرفاتك..لانك عايشه حياه اجمل من اللي تخيلتيها..كل شي كنتي تتمنينه متوفر عندك ..
نوف /قلت لك الوضع هنا مو عاجبني ابد..متخيله ان لي اسبوعين ما طلعت للشارع ولا شفت الناس..و الله اشتقت اتهاوش مع احد..
سارة بضيق/يا المجنونه توك تقولين ان ياسر مكفخك..وتبين تتهاوشين مع احد
نوف بعصبيه/..
—

نوف بعصبيه/الانه ثور يستغل عضلاته علي لو لي عضلات كان انا اللي كفـخته
ساره بغيض/الا احـسـن تستاهلين..اخيراً لقيتي اللي يكسر راســك ..بالله هذي تصرفات وحده عاقله..نوف انتي الحين متزوجه لازم تهتمين بنفسك وبزوجك الى متى بتلبسين قناع البرود ولا مبالاه
نوف عضت شفايفها بغيض ما عندها رد..
ساره تنهدت/يا نوف عيشي حـياتك وعلى طبيعتك حبي وانحبي..حسني اخلاقك مع بنات خوالك وامـك واحترمي الكل..واهتمي بـزوجــك..الا هو وينه الحين
نوف هزت كتوفها وكانها قدامها /مدري اتوقع انه عند وحــده من زوجاته
ساره بصدمه/زوجاته!!؟ليه هو متزوج غيرك
نوف ببرود/ايه سمعته يكلم زوجته اتوقع انه متزوج مسيار..وقال انه بينام عندها الليله
ساره بقلق/وانـتـي وش سويتي!!ياحســرتي عليك
نوف /عادي ماسويت شي..وش تبيني اسوي له مثلاً
ساره بعصبيه/انتي تبين تفهميني انك ما تغارين عليه
نوف ضحكت بقوه/هههههههههههههههههه تخيــلي هههههههه قال اغار عليه قال لا ابشرك هههه بعد عـقـل
ساره بقهر منها/جعل ما به عقل ..قولي امين يا نوف بنت راشد ان الله يبلاك بحبه وتحرقك الغيره عليه حتى تعرفين ان الله حق
نوف/ههههههههههههههه الله يكفيني شر دعائك هههههه
ساره تنهدت بيأس منها “هذي البنت تسمع كلام من هنا وتطلعه من هنا/المهم اخبار طارق وعبدالرحمن
نوف بضيق/اقولك له اسبوع ادق عليه ما يرد جواله مغلق حتى حسابه بسناب ارسل له عليه ما يفتحها..اكيد صاير له شي
ساره/طيب يمكن جواله ضاع او انسرق ما كلمتي عبدالرحمن
نوف ظربت رجلها الارض/الا ياساره كلمته كلـمته حتى هو مايدري عنه
ساره بتفكير/هو ساكن بدمام صح!؟ تقدرين تسألين عنه
نوف باحباط/انا معرف اسم عايلتهم
ساره/انتي وش اللي تعرفينه بضبط!؟ اوف والحل
نوف بزعل/مدري..
ساره/لا تخافين..ان شاءالله يكون بخير..
نوف/ان شاءالله..يالله سلام
ساره/سلام
حذفت جوالها على طواله..ورفعت رجوالها لصدرها
وحظنتها وتكت براسها عليه..غمضت عيونها..”الى متى بيستمر الظلام والفراغ اللي اعيشه ..تعبت والله تعب احول اكون على طبيعتي بس مقدر..والله اللي صار معي اكبر مني..لا يلوموني يلومون ظروفي واقداري.. يلومون حظي العاثر.
.يلومون ابوي وامي..
انسدحت على جنبها واحتظنت
نفسها بنفسها..
هي ملاذ نفسها ملجأها منها و اليها..
هزت راسها بنزعاج من ضعفها..
وقفت واخذت نفس عميق..
رفعت جوالها شافت
الساعة10:30 م
قررت تنزل لهم تحت وتجلس معهم وتغير جو..
نزلت لدور الارضي وصوت ضحكهم وصل لها ……
اتجهت لمصدر الصوت كانو في الصاله المفتوحه..
كانت ليلى تلحق رغد تريد تضربها..رغد لجأت لامها بسرعه وهي تضحك/ماما بعديها عني
الهنوف تحضن رغد بيد وبيدها الثانيه تهدد ليلى بمزح/ليلوه خليك بعدي عن دلوعتي
ليلى تمثل العصبيه..وهي تشمر عن اكمامها/عمتي خلينا حبايب وكوني حياديه يرضيك بنتك تطول لسانها على حرم سـلطان آلـ عـاصـم
رغد تقـلدها/حـرم سلطان آل عاصـم هاهاها اثقـلي يا الهبله هذا وانتو بعد ما ملـكتو وهذي سواتك اجل اذ ملكتو وش بتسوين..اقلها يا الخفيفه استحي من عمتي ام سلطان
ام سلطان/ههههههههههههههههههه
ليلي غطت وجها الانها نست وجود ام سلطان وجلست جنب عمتها الهنوف وتخبت وراها باحراج
الكل /هههههههههههههههه

كل هذا على مـراء من نـوف..خذت نفس
ودخلت..ومع دخولها بدات تخف اصوات الضحك..
جلست بعيد عنهم…
ديما وقفت وابتسمت لها/نوف قهوه او شاهي
نوف تحك خلف رقبتها بتوتر من الجو/لا ما اشربها
الهنوف/ليه !؟
نوف هزت كتوفها /كذا ما احبها
ام ياسر/بعكس ياسر مدمن على القهوه
ديما خذت صحن اللوتس وناولته
ل نوف/عاد اللوتس مالك كلام عليه
نوف ابتسمت لها بتصنع وخذته منها..
جلست ديما جنبها بهدوء..
دايماً هي الوحيده اللي تحاول تتقرب من نوف بعكس الباقين.. رفعت نوف عيونها لامها اللي كانت محوطه رغد من كتوفها وتسوالف معها هي وليلى بهمس..
عضت شفايفها بحقد..ما تنكر انها للحظه تمنت تكون مكان رغد.. ديما قربت منها على شفايفها

ابتسامه مرحه/من ماخذ لك عقـلك!!؟
نوف ألتفتت لها بستغراب/هـا اا
ديما دقت نوف بكتفها بمزح/اخوي صح
نوف ميلة راسها بعدم فهم/كيف !!مافهمتك
ديما/ههههه شفيك متنحه اقول الى هذي الدرجه اخوي مخذ لك عقلك
نوف ضحكت بصوت عالي احرج ديما/هههههههههههههههههههههههههههههه تخيلي ههههه يخخ
لاإرادي ابتسموا على صوت ضحكتها المميز
ديما ابتسمت بحراج..
°

ودقت نوف/بسك ضحك ما قلت شي يضحك
نوف خذت نفس وهدت/خلاص هههه بسكت
ديما بصوت خافت وواضح عليه الزعل/انتي ما تحبين ياسر
نوف بدون مبالاه/لا انا زين مني اذ حبيت نفسي
–
توقعاتكم

insta : g_rwa12