اللحن العاشر
–
نوف بخوف/بكذا بكون في خطر وانت تعرف انهم مجرمين
راشد يطمنها/لا تخافين هم يعرفون نواف بس ما يعرفون نوف بتكونين بخير
نوف نفخت بعصبيه
راشد ربت على كتفها/اعتبريها هديه وحافظي عليها
هزت راسها باذعان لطلبه..
ومن يومها ما تنزلها الا وقت النوم..
صارت تحافظ عليها حتى من الخدش..وتحب وجودها على عيونها بدون ما تحس صارت النظاره هي اغلى ما تملك
ربما لانها كانت اول هديه تجيها من ابوها او
لانها اول مره ابوها يترجاها
او بسبب نظرات الحزن اللي لمحتها في عيون ابوها
ما تدري
ما تدري
خذت جوالها ونزلت ركض لتحت
..نزلت للمطبخ تفطر فيه
مستغرب من حركت الطباخين الكثير وتحضيراتهم..
هزت كتوفها..ورفعت الجوال واتصلت عليه
نوف /الووووووو
عبدالرحمن/اوووه طفشتني ياخي
نوف/ههههههه تقولها من قلبك!!؟
عبدالرحمن بكذب/ايه
نوف/ههههه كذاب لو كنت صادق كان ما رديت من اول رنه
عبدالرحمن/مشكلتي انك ما تهونين علي..ها هاتي مصيبتك الجديده
نوف شهقت/وش عرفك اني في مصيبه
عبدالرحمن/هههههههه معروف نويف هي ام المصايب ما تتصلين الا تبين الفزعه
نوف/ومن لي غيرك هاا اذ انت ما فزعت لي من يفزع لي هااا

يفزع لي هااا
عبدالرحمن/زوجك
نوف بعصبيه/لا تقول زوجك جعل سنونه تتكسر
عبدالرحمن/هههه ليه
نوف/تخيل عضني الكلب اخخخ يقهر
عبدالرحمن/هههههههههههه
نوف/لو طارق هنا كان كفخه مو مثلك تضحك علي
عبدالرحمن/اخخخ وين طارق عشان يكفخه والله اشتقت له الدب
نوف بحماس/دحوم نسيت اقول لك شفته امس والله شفته
عبدالرحمن/وين شفتيه وش قال لك هو بخير
نوف بزعل/لا شفته من بعيد كانت طالعه من المطعم وهو كان راكب السياره ومعه وحده بس مدري من هي
عبدالرحمن/امكن حبيبته
نوف بعصبيه/وش حبييته انت الثاني
عبدالرحمن يستفزها/ليه انتي ناسيه عن طارق يحب وحده من بنات الدمام
نوف ظربت جبينها/ايوووه نسيت يعني ت ت توقع اللي شفتها امس معه هي نفسها اللي يحبها
عبدالرحمن/امكن
نوف بغيره/والله لذبحها الكلبه اكرههه اكرهه
عبدالرحمن/هههههههخههه يا غيوره هههه
نوف/لاا ياربي تتوقع نساني وبيسحب علي اذا تزوجها
عبدالرحمن/هههه يا المجنونه اللي يسمع كلامك بقول حبيبك مو اخوك
نوف/ايه حبيبي وقلبي بعد وبعدين ليه حرام اغار على اخوي انت تعرف طارق وش يكون بنسبه لي
عبدالرحمن/ههههه هدي هدي امزح معك ..المهم وش المصيبه اللي عندك
نوف تنهدت/دحوم احجز على اقرب طياره على الدمام وتعال

عبدالرحمن/ليه خبل مثلك وش يوديني لدمام
نوف/عبدالرحمن تكفى لازم اقابلك..وووو
–
–
عبدالرحمن/ليه خبل مثلك وش يوديني لدمام
نوف/عبدالرحمن تكفى لازم اقابلك..بيتنا فيه احد داخله وعفس المكان وباب غرفت ابوي مكسور وغير كذا السياره اللي كانت ترقب البيت اختفت دحوم اكيد اللي اقتحم البيت العصابه
عبدالرحمن بقلق/هذولا وش يبون ما يكفي انهم قتلو راشد
نوف بهمس/نواف يبون نواف
عبدالرحمن/نواف انتهى مع ابوك
نوف/عبدالرحمن تذكر الفلاش اللي قلت لك عليه قبل سنه هم يبحثون عنه..وانت ضروري تجي ابي اعرف وش الموجود في الفلاش وانت تعرف للاب توب وتعرف تقراء
عبدالرحمن/اكيد فيه شي مهم بنسبه لهم..اسمعي بعد اسبوع بحجز واجي لان الاسبوع هذا عندي اختبارات
نوف /اوكي مو مشكله اذ مقدرت تدبر فلوس الحجز قول لي وبحول لك
عبدالرحمن/ههههه ما يليق عليك تكونين بنت هوامير هههههه
نوف/هههههههه
عبدالرحمن/يالله باي
نوف /باي
–
مر يومها بشكل عادي
تحاول تخفي قلقها..
واجمل ما حصل لها ان ياسر نام برا البيت عند وحده من زوجته المسيار..
–
وبعد يومين
–
وصعدت لجناح امها..
سمعت صوت الهنوف في غرفتها..
بتردد قربت من باب الغرفه
فتحت الباب بهدو
وطلعت براسها وهي تشوف الهنوف
واقفه على التسريحه والمصفف تسوي شعرها
الهنوف بدون ما ترفع عيونها/رغوده حبيبتي ها كيف شكلي!؟
نوف برتباك/احم
الهنوف رفعت عيونها لها وبستغراب/نــوف!! تبين شي ياقلبي!؟
نوف تراجعت على ورا/هاا…لا
وقفت الهنوف وقربت لها..ابتسمت بود/كيف تشكلي!؟
كانت لابسه فستان قصير يوصل لنص الساق ماسك على جسمها بلون العنابي ماسك على رقبتها ومفتوح من جهت الاكتاف..للون عكس صفاء بشرتها البيضاء وكانها عارضت ازياء اللي يشوفها يقول بنت ال20
نوف فاتحه فمها بفهاوه
الهنوف /نوووف اكلمك انا
نوف/ هااا حــ حـلوه
الهنوف /بس حلوه!
نوف /ايه صايره مره حلوه
دخلت رغد بسرعه
و وققت وهي تفاجاءه/واووو ماما..لا لا ما اقدر اتحمل جمالك
الهنوف ابتسمت لها/صدق رغوده حلوه

–
الهنوف ابتسمت لها/صدق رغوده حلوه
رغد تحضنها/ياعمري انتي تطيرين العقل..ارفقي ب ابوي
الهنوف ضحكت بخجل/هههههههه
رغد تبوس خدها/واااي فديت اللي يستحون..اعترفي اشتقتي ل بابا
الهنوف تبعد رغد عنها وطلعت من الغرفه بسرعه
رغد ضحكت بصوت عالي/هههههههه
نوف كانت تراقب الوضع بصمت..
واول ماطلعت امها/ابوك بيجي!! واول ماخرجت امها/ابوك بيجي!!
رغد بحماس/اليوم بيوصل مره اشتقت له
نوف مدت لسانها بإستهزاء وطلعت
من الجناح
ويدها في جيبها
ابتسمت وهي تشوف معاذ
جالس في الصاله الدور الثاني
يلعب بلايستيشن
سباق سيارات
وجالس على كرسي دائري
تربعت على الارض
واخذت القير الثاني
نوف بعربجيه/هاااي عيد اللعبه وحط ثنين
معاذ منسجم مع اللعب/لا لا قربت اختم المرحله
نوف /اقول لك عيد بلعب معك
معاذ /لا لا اذا ختمت المرحله لعبتك
نوف ناظرته وناظرت السلك
وبدون اهتمام فصلته وجعت تشبكه
معاذ فتح عيونه وبصراخ/لااااااااا ليش ليش تفصلينه قربت افوز
نوف سدت اذنها ببرود/تعال ضبطه ثنين ولا توجعني في راسي

قربت افوز
نوف سدت اذنها ببرود/تعال ضبطه ثنين ولا توجعني في راسي
معاذ بزعل/لا لا ما ابيك تلعبين معي
نوف/حلو وفرت علي بلعب لحالي
معاذ نفخ بعصبيه/هاتي القير بضبطه ثنين
ضبطه على ثنين وبدا اللعب
1
2
3
نوف بصراخ/انطلاق هياااا
معاذ ناظرها بإستغراب
بدو يتسابقون
ونوف كانت تلعب بحماس وتصارخ
كل ما صدمت او تقدم عليها معاذ
وهذا راق لمعاذ اللي انبسط بلعب معها
نوف صدمته وتقدمت عليه وضحكت
بصوت عالي/خخهههههههههههههههههههههههههععع
‘
واقف على الدرج ويضرب كف بكف
التفتت له نوف ومعاذ
ياسر بإنتقاد/حشى ماخذ لي بزره مو مره
نوف صدت عنه وكملت لعبها بدون ماتهتم له
معاذ باحترام خفض صوت التلفزيون
تركهم وصعد الدور الثالث متجه لجناحه..
نوف ضربت معاذ على ظهره بدفاشه/ارفع الصوت
معاذ هز راسه بلا/لا ياسر يزعل اذا رفعت صوت التلفزيون
نوف سحبت الرموت منه ورفعت الصوت/قال ياسر قال
…….وبصراخ /نــــــــوووووووف
انتفض معاذ ونوف ورفعو راسهم لفوق
بسبب صراخ ياسر
نوف يكلمهم من فوق الدرج وبعصبيه/نوف تعالي لفوق بــسرعــه
معاذ بخوف/يويلك بيهاوشك لأنك رفعتي الصوت
نوف ببرود/نعم
ياسر بحده/تعالي بسرعه
نوف صدت عنه وكملت لعب
معاذ بترجي/تكفين روحي له
نوف بدون اهتمام/معليك منه يارجال هذا كبر وخرف هههههههههههههه
فجاءه
انسحبت بقوه من من طرف بلوزتها من ورا
لفوق
وقفها وسحبها وراه وطلعها معه على الدرج
نوف ماسكه يده تحاول تفلت/اه اخ هييي خنقتني
ياسر…….

–
نوف ماسكه يده تحاول تفلت/اه اخ هييي خنقتني
ياسر اسرع في مشيه
وقفها قدام باب الجناح
فلتت منه ورتبت بلوزتها
وبعصبيه/وجع وجع وجـــع

ياسر بحده دخلها الغرفه وبصراخ/هذا وش هو!! هاا
نوف ناظرة الغرفة ورجعت تناظره باستغراب/وش بعد
ياسر أخذ نفس ومن بين سنونه/من اول احاول اتجاهل لعل وعسى تعتدلين..لكان مازلتي مستمره
نوف تاففت/الزبده
ياسر شد من قبضته ما يبي يكفر فيها/هذي بالله غرفة وحده متزوجه هاا
نوف مدت لسانها بعباطه وهي تشوف الغرفه محيوسه والمفرش طايح
ضربها على راسها/انتي خبله!!! هاا..بدخل الحمام اخذ شور واللي رفعها سبع اذ طلعت ولقيتها بهذا الشكل ما يحصل لك خير
اخذ ملابسه ودخل
وقفت لثواني تناظر الغرفه
كانت بتطلع وتسفهه..بس كذا بيرفض اذا طلبته
يطلعها معه..رتبتها اي كلام
وجلست على السرير تنتظره
–
وجلست على السرير تنتظره
وهي تلعب برجولها..
..
طلع من الحمام..ولف المنشفه حول خصره..
ناظر الغرفه بعدم رضى
بحده/تسمين هذا ترتيب!
نوف رفعت عيونها ووقف لسانها عن الكلام
تناظره بدهشه واعجاب..
عظلات جسم بارزه جسم رياضي بحت..
نوف بدون خجل/واو وش تاكل انت كل هذي عظلات..
رفعت ذراعها تحول تشوف عظلاتها
وتشد من قبضة كفها/ههههه ما معي عضلات..عشان كذا مستقوي علي وتكفخني
ياسر هز راسه بيأس/لاحول ولا قوة الا بالله
فتح الكبت ولبس ملابسه…
نزل شنطته الصغيره..
وبدا يرتب ملابسه فيها..
نوف ابتسمت بفرح/بتسافر!!
ياسر ما رد عليها يكرهه حركات الحريم”بتسافر وين بتسافر ومتى بترجع ولا تتاخر وخذني معك “وجع راس و قروشه..هذا كان تفكير ياسر..
نوف جلست جنبه/ليش الشنطه صغيره خذ اكبر منها
ياسر/احد قال لك قبل انك قلق
نوف ابتسمت بعبطه/لا
كمل ترتيبه..
نوف/عسى بتسافر بعيد
ياسر تافف بنزعاج/لا مشي للبحرين في الليل و اسبوع وارجعي خلاص ارتحتي واشبعتي فضولك
نوف/ما سالتك وين بتروح..خساره اسبوع قليل ورا ما تروح للقطب الشمالي يمدحونه ههههههه وخذ لك شهر او سنه
ياسر ألتفت عليها بقوه
وبدون شعور مسك راسها بقوه وظربه في
الكبت..
نوف للحظه حست بدم يخرج من فمها..
الظربه كانت اعلى جبينها..
ياسر وقف بعصبيه وركلها برجله حتى طاحت
على جنبها..
سحب شنطته و وقفه على تسريحه يرتب
شعره وهو يفور من العصبيه..
بتجنن بتشيب فيه مجنونه وخبله ولا مباليه تصرفاتها طفوليه و وقحه ولسانها طويل بارده ما تحس و ما تبكي جاهله وسخيفه..ركل التسريحه برجله
وهو يتنفس بقهر منها..
لتفت لها مصدوم هو يشوفها……
–

لتفت لها مصدوم هو يشوفها
ماسكه بطنها وكاتمه ضحكته..
عض شفايفه بقهر هذي بدل ما تبكي تضحك
اشك ان معها انفصام وتعبيرها مقلوبه.. –
نوف تضحك مع انها تتالم
بس واضح انها نكدت عليه ونرفزته
هو المطلوب..
رفعت راسها وثبتت نظارتها..
شافته يناظرها بحده
ابتسمت له..
صد عنها وخرج
وقفت بسرعه..
واستندت على الكبت بسبب الدوخه..
ظغطة على نفسها و ما اهتمت..
ركضت بسرعه وفتحت الثلاجه
اللي بطرف الغرفه اخذت لها علبة مويه بارده
وفتحها
وركضت خلفه..
طلت من سور الدرج الدائري
شافته ينزل بهدو
نوف بصوت حولة بقدر الامكان تنعمه/ياسر
ياسر رفع راسه له بستغراب من الصوت الناعم/عسى منتي بتحت تاثير الظربه
نوف هزت راسها ب ايه/مع الاسف ايوه وعشان اثبت لك
رفعت علبة المويه وكبتها فوق راسه كلها.. ياسر شهق من برودتها وجلس بسرعه
على الدرج وهو يمسح وجهه
وقبل يفتح عيونه حذفته علة راسه بعلبه المويه والغطاء
تبللت ملابسه وشعره..
مسح وجهه بقوه و وقف بغضب وبصراخ/نووووف
نوف ابتسمت له/عيون نوف هههههههخخخخ
وقف وطلع لها بسرعه
نوف صارخه وهربت
انتبهت ل جهاد يخرج من جناحه
ركضت له و وقفت ورا ظهره/نخيتك يا جهاد
جهاد بقلق /هااا وش فيكم
طلع ياسر و شكله معفوس/امسكها ياجها هذي يبي لها تربيه
نوف تمسكة في جهاد/جهاد تكفى..تخيل مزحت معه وزعل ويبي يظربني
ياسر بعصبيه/تمزحين!!!! ليه من متى الميانه هاا

نوف/مثل ما مزحت معي وظربت راسي في الكبت
جهاد شوف”مسكت جبينها”شوف كيف منتفخ من مزحه الدفش
جهاد بحنيه/يالمك!
نوف هزت راسها ب ايه
جهاد إلتفت ل ياسر/انت وبعدين معك
ياسر من بين سنونه/جهاد لا تتدخل..وانتي تعالي معي للغرفه بسرعه قدامي
نوف مدت لسانها/ليه بايعه عمري وبعدين ترا اللي سويته لك ما يسوي شي قدام اللي انت سويته قبل يومين لا تظن اني نسيت..ولو تعيدها يويلك تسمع
جهاد فتح عيونه من اسلوبها
العجيب/هههههههههههههههههههههخه
ياسر بعصبيه/ايه اضحك جعل ربي يبلاك بوحده مثلها
جهاد ضحك اكثر/ههههت عال يارجل ههههههههه بالله احد يزعل من هذي هههههههه..وانتي انزلي تحت الين اتفاهم مع زوجك و اذ ناديتك تعالي راضيه اوكي..
نوف /اول شي امسكه لا يلحقني ويمسكني ويكفخني

جهاد قرب من ياسر وسحبه معه يجلس على الكنب/هد يا رجال وتعوذ من بليس
نوف استغلت الفرصه واتجهت لدرج وقبل تنزل/كيف يتعوذ من ابليس هو أبليس بكبره انتي ما تشوف عيونه
ياسر وقف بغضب
جهاد مسكه بسرعه وهو يحول يهديه
نوف ركضت بسرعه اول ماشفته
–
ياسر لتفت ل جهاد/واتلومني هذي لسانها متبري منها
جهاد/هههههههههه والله انها فضيعه هههههههه

–
جهاد/هههههههههه والله انها فضيعه هههههههه
ياسر ظربه على صدره بقهر../اسكت لطلع حرتي فيك
جهاد مسك صدره/كح ههههخ خلك منها..”وبجديه”اسمع انا قررت
ياسر اعتدل في جلسته/الله يستر وش قررت
جهاد تنهد/انا بـــ…………. –
–
نزلت لتحت
والابتسامه مرسومه على شفايفها براضى. ..
ويدها في جيوب بنطلونها..
رفعت يدها تظغط على مكان الظربه اللي انتفخ..
نوف /اخخ والله اوجعني بس مستحيل اترك يتشمت فيني ويشوفني اتالم..
دخلت الصاله وهي تدندن بروقانه..
اختفت ابتسامتها
وهي تشوف رغد جالسه في حضن رجال
وامها مسنده راسها على كتف الرجال اللي محوط خصرها..ومعاذ وانس جالسين جنبه و يسوالفون معه
ما كنت ملامحه بداينه الان رغد مغطيه بجسمها عليه..
الهنوف انتبهت ل نوف و وقفت/نوف حبيبتي تعالي سلمي على عمك
نوف بستغراب/عـ عمي!!
الهنوف ابتسمت بحب وهي تاشر
على زوجها/ايه زوجي هيثم ابو رغد و اخوانك
نوف ببرود قربت له
وقف هثيم بهيبه وبانت ملامحه ل نوف
اللي وقفت جامده في مكانها..
وفتح عيونها بصدمه..
هيثم بشعره الابيض وملامحه وطوله وجسمه العريض..بنطلون اسود وقميص رسمي ابيض..
نوف انتفضت برجفها وسنونها تصكصك ببعض
بخوف الا رعب شل عظامها
وبهمس/وايــت ..
شهقت بقوه وهي تضغط على صدرها تحاول تتنفس
شهقت اكثر وهي تشوفه يقرب منها اكثر
وعلى ملامحه القلق
نوف”هو والله هو مـ مـس ـتــحيـل انسى وجهه والله اهو يا ويلك يا نوف وجاء دورك بيذبحك..عرفو مكانك”
الهنوف قربت منها بخوف
مستغربه من تغير وجهها للحمر
ورجفتها الواضحه/نوف يا ماما وش فيك
هيثم قرب لها ومسكها من كتفها/بسم الله عليك يا بنتي..الهنوف جيبي لها مويه.. .
نوف انشله عظامها وجمدة ملامحها
ما كنت تسمع وش يقولون كل اللي تسمعه
صوت اطلاق نار و صورة ابوها وهو يموت قدام
عيونها ودم منتثر حوله..و وايت واقف مع
رجاله..
شهقت بشكل متكرر وترجعت على ورا
وهي تهز راسها بلا..
وفجاءه ركضت بكل طاقتها لفوق
له هو اللي باقى لها في هذا المكان..
لا ما تبي تمون مثل ابوها ..
مقتوله…
وصلت لدور الثالث
بوقت قياسي..
وقفت لثواني وهي تشوف
ياسر ماسك جهاد مع ياقته ويصارخ عليه
ياسر بصراخ/انت انجنيت تبي تذبح ابوك من القهر
جهاد/من قال لك اني بقول له..انت الوحيد اللي قالت لك
نـــوف
-🎼🎵

” Be careful what you wish for..
– كُن حذرًا مما تتمناهَ.”””

–
ياسر بصراخ/انت انجنيت تبي تذبح ابوك من القهر
جهاد/من قال لك اني بقول له..انت الوحيد اللي قالت لك
ياسر لكمه على وجهه بغضب/تبي تجلطهم على اخر عمرهم هااا ما يكفيك اللي صار في جدتي
جهاد مسح طرف فمه و مسك ياسر بقوه
ورفع يده ناوي يرد له اللكمه
قطعهم صراخ نوف
نوف صارخه برعب/لااااااااااالاااااااااااالااااااااااااا اهءءءءءءءء
لتفتو لها بستغراب..
جثت على رجولها وحضنت نفسها بقوه
وهي تهز راسها بجنون/لاااااااا
شهقت بشكل متكرر..وتعض
شفايفها بقوه حتى جرحتها
وزحفت على الارض بخوف رجولها
معاد تشيلها..تدور الامن اللي بدا
يتلشى من حياتها
فـ من بيكون لها الحضن الامن من
بيلفها بين يديه ويقول انا معك لا تخافين..
انا بحميك انا عزوتك انا سندك طــــــارق او عــبدالرحـمـن !!
او ابـــــوها!!
اللي مع وفاته تشتت حياتها
وافترقت عن اغالى ناسها
ما كانت متخيله ان امنيتها ورغبتها
في ان ابوها يموت وتتحقق رغبتها
وتكون الضرايبه والثمن غالي
هو فقدان الامن والاهل والاصحاب
مهما بلغت قسوة ابيها لا كان الان
تعترف انه وجوده كان بمثابة الرابط
وصله بمن تحب..
–
ياسر وجهاد واقفين مصدومين..
ركض له ياسر وجلسها/نــوف
نوف غمضت عيونها بقوه ورمت نفسها
عليه وغرست اظفرها في كتفه بخوف/ط ط طارق طلعني من هنا ط طارق عـ عبد الرحـ الحمن طلعوني لقاانـــي بيقتلني
ياسر مسكها من كتوفها وهزاها/نوووف وش فيك انا ياســر
لاكان نوف ما كنت تشوف الا صورة طارق وعبدالرحمن متجسدين في شكل جهاد و ياسر
جهاد جلس على ركبه وبخوف/ياسر وش فيها !! لا تكون سمعتنا
ياسر ما رد عليه يحول يمسكها ويسيطر على رجفتها
نوف تردد لها شكل وايت هو جالس بين امها واخوانها
انتفضت برعب اكثر
وتحول تتحرر من يد ياسر
نوف /ط طلعني
الهنوف صعدت لهم وصدامها اكثر شكل نوف وهي بين يد ياسر تحول تتحرر منه ووجها احمر وشفايفها
تنزف
الهنوف جلست جنب ياسر وبكت/يويلي على حال بنيتي..ياسر خلنا نوديها المستشفى
ياسر هز راسه بلا..
وحاول يهدي نوف
اللي ما كنت تسمع وش يقول..
لفت يدها حول رقبة ياسر وحضنته
وراسها على كتفه وهمست بصوت باكي/لاتـ ـتركـني طـا
وفقدة واعيها بين يد ياسر
ياسر ابعد راسها عن كتفه بقلق
وظربها على خدها/نوف نوووووف نووووف –

–
الساعه 3:00 عصر
حس بوخز في جفونها..وعجز في تحريك اطرافها..
بصعوبه رفعت يدها
وغطت عيونها بذراعها..
سمعت صوت قريب منها بس مو قادر تستوعب مضمون كلامه..
مدت يدها تتحسس نظارتها..حست بيد دافيه تحتضن يدها وانحطت النظاره في يدها
رفعت يدها بصعوبه ولبست نظراتها..
رفعت عيونها له بتعب..
ياسر جالس على الكرسي /صح النوم
نوف رفعت نفسها وجلست بصعوبه..
وضغطت بيدها على راسها..تلتفت في المكان
بستغراب..
وبصوت مبحوح/متى نمت
ياسر وقف وجلس على طرف السرير
وقرب وجهه من وجها وهو يتفحصه/ ما تذكرين!!؟
نوف ميلت راسها بتفكير/هاا..لا.. مدري
وفجاءه شهقت بقوه ورفعت يدها على صدرها
وهزت راسها بلا وملامحها تتحول لرعب..
ياسر مسكها/اهدي..وش اللي مخوفك
مسكت يد ياسر وبترجي/رجعني تكفى رجعني لجده او او طلعني من هنا ودني اي مكان اي مــكـان
ياسر /لـيـه!!
نوف جمدت ملامحها ما عندها رد وش تقول له
وكيف تفسر له..
نزلت راسها بياس منه..
ابعدت المفرش عنها.. ونزلت رجولها على الارض وبصعوبه قدرت توقف..
مشت خطوه واختل توازنها وقبل تطيح كانت يد ياسر اسرع وقدر يسندها..
رجع جلسها
نوف بصراخ مبحوح/طلعني من هنا تسمع ولا والله لخذ لي نقل جماعي وارجع لجده
ياسر ربت على كتفها مسكها ورجع يسدحها..
لف عنها بصمت واتجه للكبت
نوف ضربة فخذها بقهر..
وابعدت المفرش”لازم اهرب من هنا مستحيل اخليه يمسكني ويقتلني مثل الكلب..”
رفعت راسها بصدمه وهي تشوف ياسر
نزل شنطه ملابسه ويفتح درج ملابسها
ويرفعها في الشنطه..
للحظات ما استوعبت وافجاءه
تنهدت براحه/بترجعني جده
ياسر بدون ما يلتفت لها قفل الشنطه
واخذ عبايتها وحذفها عليها
ياسر ويده في جيبه/اللبسي عبايتك..تراك اخرتيني اليوم وصدعتي لي راسي
نوف لبستها بسرعه وهي خايفه انه يغير رايه..
وقفت ببطئ لاجل تسيطر على
الدوخه..
اسندها وطلعو ..
نوف مسكت يده /لحظه ما ابي اشوف احد..بنزل من الدرج الخلفي
ياسر هز راسه بهدو
ركبو السيارة وحرك ياسر بسرعه..
ولاالتفت وارها تنهدت براحه وابتسمت بتعب
وهي تشوف انهم ابتعدو على القصر..”واخير بترجع لجده ولـ خواتي”
رفعت عيونها لياسر اللي يكلم جوال
ياسر/ايوه..طلعنا..ايوه صارت بخير..لا تقلق وطمن عمتي الهنوف..وياك تتهور يا جهاد كلها اسبوع وارجع..ايه بخذها معي للبحرين..ابشر..اسلم وسلام..في امان الله
نوف مو فاهمه شي/البحرين
ياسر/ايه بنروح للبحرين..””رفع يده وهو ياشر لها على الجسر الملك فهد اللي يربط السعوديه ب دولة البحرين
نوف/نروح البحرين
ياسر/قلبتي ببغاء ترددين الكلام!!
نوف…….
–

نوف التزمت الصمت تحاول تفكر وتسوعب..ما بيخذني لجده!!.بنروح البحرين..لا انا ابي بيتنا..”هزت راسها بلا اهم شي ابعد عن وايت ما يهم جده او البحرين او المريخ..”
ياسر استغرب صمتها وهدوئها..يحاول يفهم غموضها..كل اللي قدر يدركه ان فيه مصيبه ومصيبه كبيره وراها..
لتفت لها
كانت مسنده راسها على المقعد بتعب..
وقفو عند الاشاره..
التفت عليها
انحنى بجسمه كامل عليها..
نوف حست بنفسها قريبه منه رفعت عيونها له بفزع وضربته على صدره
ياسر بقسوه ضغط ب ذراعه على
صدرها/اهجدي يا الخبله..بنزل المقعد لك..
وبيده الثانيه نزل المقعد لها
وعيونها ما نزلت عن ملامحه الرجوليه
القريبه منها..بدايه بدقنه وانفه الحاد وشواربه الخفيفه و عيونه الواسعه برموشه الكثيفه رفع نفسه عنها واعتدل بجلسته
بلعت رايقها ..واخذت اكبر قدر من الاكسجين
واسترخت على المقعد وغمضة عيونها.. بعد صمت دام لدقايق
ياسر وكانه تذكر/نوف
نوف /هممم
ياسر بهدو /من طارق!!..ومن عبدالرحمن اكثر من مره سمعتك تنادين طارق واليوم ناديني طارق وعبدالرحمن
نوف/طارق !! اخوي
ياسر /وعبدالرحمن
نوف سكتت لحظه بتفكير /اخوي
ياسر برفع حاجبه/اللي اعرفه ان ما عندك اخوان وكلكم بنات
نوف/يقال انك تعرف عني شي غير اسمي وبنت عمتك
ياسر/وهذا يكفي..واتوقع انك انتي بعد ماوتعرفين عني الا اسمي واني ولد خالك
نوف بسخريه/وهذا يكفي
كل واحد اللتزم الصمت وكل منهم يفكر في
الثاني..فعلاً كل منهم ما يعرف عن الثاني
الا قليل مع انه صار لهم مع بعض اكثر
من شهرين.يفصلهم عن بعض جسر من جمود وبرود وغموض واسرار
غفت نوف من دون ماتحس..
وياسر استمر في السواقه ومع زحمة الجسر …

‘
الساعه 5:00 عصر
دخلو البحرين ومتجهين للفندق..
صحت نوف وقتها وجلست وهي تتلفت في المكان بستغراب وتدريجا بدات تستوعب /وصلنا!!
ياسر /ايه
نوف فتحت الشباك وطلت براسها..
وابتسمت..اخذت اكبر قدر من الهواء اللي انعشها
ياسر سحبها وقفل الشباك/انهبلتي انتي
نوف/ابي اشم هواء
ياسر/تشمين تطلعين راسك
نوف تاففت/انا جواعانه ترا من صباح ما اكلت ولا تغديت
ياسر/هذا اللي انتي شاطره فيه الاكل ومع هذا مو مبين يا العصله
نوف/ياالدينصور
ياسر طنشها و وقف عند الفندق اللي حجز
فيه
نزلو وطلعو للجناح اللي اخذه في الدور 6..
نوف جلست على اقرب كنبه
نوف/ابي اكل
ياسر ما رد عليها واتصل
على مطعم الفندق وطلبهم الاكل..
دقايق وصل الاكل .
نزله على الطواله..
بدون ما يرفع عينه له
ودخل ينام له ساعه قبل يطلع لموعده..

–
تناظر للاكل بضيق..
لها فتره تاكل وتشرب لوحدها
تكرهه تاكل مع ااهل القصر على سفره
وحده وخصوصاً انهم كل جمعة يجتمعون على نفس طاولة الطعام شباب وبنات..وهذا يقيدها
غير عن طريقة اكلهم الراقيه..
ملعقة وشوكه وسكين ومنديل..
وكل وحده صحنه الخاص اللي ياخذ
فيه كل شي يشتهيه
والكل ببطئ وهدوء وعدم اصدار الصوت..
هذي كلها ما لها فيها..
هي متعودة تاكل مع خواتها على سفرة
ارضيه بسيطه في صحن واحد ياكلون ويسولفون
ويضحكون ويتهاوشون وكل وحده
تسرق اللقمه من يد الثانيه..
وينتهي بهم المطاف لصحن فارغ
مرات يقومون هم بعد ما شبعو..
كلت على خفيف شي يسكت جواعها
ورفعت جوالها واتصلت في فديو “تانقو”
وكلمت كل خواتها…
وقبل تقفل
نوف/وخالكم بعد موجود
رهف/ايه بعد 5 ايام بنمشي لمكه
نوف/اذ احتجتو شي اتصلو فيني
رهف/ههههههههه سيده مشاكل صرتي تتكلمين مثلهم ههههههخخخ والا كشخه اختنا صارت بنت عز
منى تسحب الجوال وترفعه فوق عشان كل خواتها
يطلعون تانقو/ههه كذا احلى عشان تشوفينا كلنا
مهره/نويف الا انتي وينك المكان اللي وراك فخم
نوف تقهرهم/ههههه في البحرين
وعد تظرب خدها/اكشخ نويف السراقه تروح للبحرين
نوف تمد لسانها/هذاك اول هههه تركت السرقة لكم ههههه
منى بحزن/والله يا نوف انتي الوحيده اللي تغيرت حياتك للافضل بعد ما مات ابوي صار عندك بيت وزوج وامك وخوالك الله منعم عليهم اما احنا على حطت يدك ابتسمت نوف ونزلت راسها بضيق
ارمشت اكثر من مره وهي تبلع غصتها
وعد تغير الجوو/هههه بس اكيد حياتها ما تحلى بدونا..نويف يا حسود فلوسكم كثير ف لا تنسين خواتك هاا بعد رمضان احجزي لنا على مصر نزور عمتي وبناتها وننبسط في مصر واذ انتي كريمه زياده
فـ خذينا على وحده من الدول الاوربيه
رهف بحماس/ايوه ايوه تذكرون قبل لمى كان نتمنى نسافر كلنا مع بعض وننبسط ونهستر ونطقطق على خلق الله
نوف ابتسمت بحماس/ خلاص قدام انا بكلم جدي هو يحبني ما بيرفض اكيد ونسافر كلنا لمصر وناخذ عمتي وبناتها بسمه وهاجر وسعاد وسارة وبدريه ونطير على باريس
مهره /وانا وسعاد العزبه علينا وبنطبخ لكم
نوف.ومنى ورهف وعد بصوت واحد/لاااااااااااااااااالااا ههههههههههههههههههههههه مطاعم& مطاعم
مهره تمثل العصبيه/طبخهم في خنزير وخساير على الفاضي
نوف/ايه فـ هذي صادقه خساير
منى/هذا وحنا بعد ما سافررنا وتقولين خساير ي البخيله
نوف/ههههههههه
خواتها ناظرو بعض وبصوت واحد/نوووف اشتقنا لك يا الخبله
نوف جمدت ملامحها وغمضت عيونها وبكذب/..

–
نوف جمدت ملامحها وغمضت عيونها وبكذب/و وانا م ما اشتقت لكم ابد
منى تقرب الجوال من عينها/عينك بعيني هاا واحلفي انك ما اشتقتي
نوف/ههههههه تخيلي اشتاق لكم
رهف/كذابه يا الكذاب بالله كيف يهنى لك نوم وانتي في غرفه كبير و لوحدك هااا ولا تسمعين سنفونيات شخير منى وهاجر
منى ظربتها/انا ما اشخر
نوف مدت اللسان وبكذب/الا اجمل نوم بعدكم انام على سرير كبير مره و مع زوجي
وعد شهقت/شف شف وين اللي تقول بذبحه اذ قرب لي يا الكذابه هااا ولا شفتي الرجل وضيع عقلك
نوف بعصبيه/يخسي يضيع عقلي وانا صادقه مستحيل اسمح له
البنات سكتو للحظه بستغرب/ما قرب لك
نوف صدت عنها/لا
مهره بعصبيه/يا الخبله انتي خبلة ترا بيطلقك مجنونه نوف تقطعها/بطقاق..المهم بقفل يا ازعاج انتي وايها وقبل تسمع ردهم قفلت
منهم
وانسدحت على الكنبه ويده ورا راسها.. ونامت وهي تتخيل اليوم اللي بتسافر فيه مع
خواتها وتحقق لهم حلمهم المشترك والبسيط
انهم يسافرون مع بعض
– –
بعد ثلاثه ايام

الساعه 6:30 بعد المغرب
جالسه بملل مقابل التلفزيون
لها ثالث ايام ما طلعت فيها
يطلع قبل تصحى وما يرجع على على الساعه1
واذ طلبته يطلعها يسفهها ويطلع
صاير يطنشها بقوه ولا يهتم لسخريتها ولكلامها..
نوف بصراخ/اوووووف اوف طفشت وش هذا.
وفوق هذا مقفل علي
ولا كان طلعت ما اهتميت له

وفجاءه انفتح باب الجناح ودخل منه
ياسر مستعجل…
نوف لحقته/غريبه جاي بدري
ياسر دخل للحمام و وقف على
المغسلة/فاتتني صلاة المغرب بصلي
وابدل ملابسي واطلع..
نوف سكتت وهي تراقبه يتوضى ويتشهد
ويذكر الله ويستغفر.. خرج و وفرش سجادتها وكبر وصلى
جلست تراقبه باأهتمام وباأنصات له
ابتسمت بطمأنينه وهي تسمعه يقراء
الايات القرانيه بصوت خاشع عذب..
غمضت عيونها وخذت نفس عميق
تتمنى ما يوقف عن القراءه
فتحت عيونها بزعل لأنه وقف عن القرأه
انتهى من صلاته و وقف..
نوف عقدت حواجبها/خلصت!!؟
ياسر /ايه..انتي صليتي!!؟
نوف برتباك/هااا اي ايه..
دخل الغرفة وبدل ملابسه..
نوف دخلت وراه واخذت عبايتها بسرعه
بدون ما ينتبه لها
وطلعت لصاله لبست عبايتها
وشوزها بستعجال
وطلعت خارج الجناح…
و قفت في طرف الممر خلف شجره صناعيه كبيره تنتظره يخرج.. خرج ياسر من الجناح بدون ما يتفقدها وقفل
الباب وراه ب المفتاح
ونزل من الاصنصير.
نوف لحقته بسرعه ونزلت مع الدرج
تركض بدون ما تهتم لنظارة الناس المستغربه
ركض بنت بعبايتها على الدرج…
نزلت لدور الارضي وهي تلهث بتعب..
تلفتت حوالها تدور له انتبهت له يخرج من باب الفندق

تبعته بدون ما ينتبه لها و…
–
توقعاتكم

insta : g_rwa12