غزل: والله تستاهل من كثر ماتعايب فيني وفي بنت عمي جاتك وحده دلعها يسد النفس

ردت رغد تبكي وانا خلاص دموعي راح تنزل: غزل خلاص سكتي شوي

رديت سكتها وجلست جمب جهاد وتكلمت: شفيك جهاد شكلك ما يطمن

تقرب جهاد مني وخذ رغد بس رغد بكت ورديت اخذتها

جهاد: اشفيها

تكلمت بملل: ما ادري

وقف جهاد وراح ورد بشنطته

سدحت رغد وهو فتح فمها بس صارت تبكي دخل الخشبه في فمها وشاف حلقها وحط مقياس الحراره تحت باطها

وانا احاول اسكت فيها

جودي: والي يعافيك لعد تكشف عليها البلد ياكثرهم اطباء واستشاريين اطفال البنت صارت من تشوفك انت وخواتك تبكي مسببين لها رعب على بالها كل ماشافتكم بتاخذ ابره

موضي: شو السالفه

وقفت اهز رغد لين سكتت: خالتي يوم الاربعاء كان عندها تطعيم وجهاد جاب ابرتها وغزل وغزيل مسكوها وانا بصراحه ما قدرت شردت صارت من تشوف احد فيهم ولاتسمع صوتهم تبكي على بالها بتاخذ ابره والله حلقها التهب من البكاء والمشكله لصقت فيني ومو عارفه اسوي اشغالي ولا اذاكر

موضي: جهاد لو سمحت انسى مهنتك عند بنتك والله بتدور لها ابو ثاني

غزل: ايه عدو الاطفال الوحيد طبيبهم

نزلت دموعي غصب عني: اريد اطلع جننتني بالعه مسجل ماشاءالله عليها

طلعت وسكتها وبدللتلها وصارت تضحك لي رغوده صار عمرها ثلاث اشهر(بس حجمها كانها توها الاسبوع الاول طبعا لانها اتولدت في السابع) وبنسويلها سابع الاسبوع الجاي بس هذه تكره الاصوات المرتفعه الله يستر

اتربعت فوق السرير وحطيت بيت الطفل فوقي وحطيتها فوقه اسندت ظهري على المخدات ومسكت نوتتي وجلست اذاكر وهي تحاول تمسك النوته وتضحك خبله على بالها العبها وانا اصلا مطنشتها..

العلاقه بيني وبين جهاد قائمه على الاحترام حتى كلامات الحب اختفت تماما ومشاعري كل يوم تكبر له وفي نفس الوقت اشعر بالم انا مشاعري تكبر ناحيته وهو عايش وياي لاجل بنته..

حسيت فيه لمـ جلس جمبي وطنشته كملت مذاكره وهو كل مايمد يده لبنته هي تون وانا حطيت يدي على وجهها صارت تلعب بيدي بس جهاد يبعد يدي ويحط يده وهي تلف وجهها لي..

نزلت النوته وتكلمت: بدت تتعود عليك شوفها مابكت

تقرب جهاد منها اكثر وحط خدوده على خدها وصار يمسح خدوده على خدودها وهو كل يوم يحلق يعني بس الشنب الخفيف والذقن الي كانه شريط من شفته الي تحت لي الذقن

شالها وهي مستعده للبكى مقوسه شفايفها تقربت منه وبستها وصارت خدودي ملاصقه لخدوده وكل واحد فينا شفايفه على خد لها

غمضت عيوني وانا اشعر بمشاعري وانوثتي تتفجر فيني بس جهاد صدمني احس انه بارد مو مثل كل مره يعني بس هو نزل رغد وحطها على السرير وانا مثل ما انا ماتحركت ولافتحت عيوني

اخاف انصدم بعد في نظراته ابتعد عني وعدلت جلستي ونزلت راسي وانا اناظر رغد مديت يدي لها وهي مسكت اصباعي وتريد تدخله في فمها ويالله لين دخل مررته على خدودها وعلى ذقنها واخيرا حصلت الفم.. طالعه متبلده مثل ابوها ماتحس..

انسدح جهاد على السرير

جهاد: اريد انام

جودي: تعشيت

جهاد: لا تعبان واريد انام

خذيت بنتي ووقفت

جهاد: على وين

جودي: بروح الصاله باقي لي فصل ماذاكرته

جهاد: تصبحي على خير

ابتسمت له: وانت من اهله

انتهيت خلاص مابغيت انتهي قفلت النوته وشفت رغد صاحيه في حضني… ذكرتني ايام كنت بيت ابوي كنا نسهر انا جود وهذه صاير منافسه لجود كل خطوه لازم تكون في حضني… حمدت ربي اشغلتني شوي عن جهاد بس آآآآآآه القلب وماهوه

شفت جهاد خارج وهو مكشر جلس جمبي وخذ رغد مني..لا ما اصدق اشتاق لبنته هذا متبلد هو صح يحبها بس يصحى من نومته لاجل يبوسها ويشيله… شكله مو صاحي… حطها على الكنبه بس هي بكت وبسرعه شالها تقرب مني وحضني.

هههه شكله حلمان الاخو وجاي يتطمن على رعيته…

باسني ووقف…هذا اشفيه..

جهاد: بودي رغد عند امي وبرد لك

جودي: ليش خالتي تباها

جهاد: ايه

وخرج وانا متفاجئه منه

رد وجلس جمبي

جهاد: جودي تعرفين ابوك وين

دارت فيني الدنيا ابوي مختفي له اشهر وهذا شذكره في ابوي

حركت راسي بلا

جهاد: ابوك لمـ اختفى راح المستشفى يتعالج من الادمان ولانه له فوق الخمستعش سنه يدمن فلازم انه يمر بطرق بطيئه في العلاج بس الفتره الاخيره كان يستخدم انواع جدا سيئه واثرت على قلبه كثير وفي منها قتلت جزء كبير من الدماغ بس سبحان الله شلون كان عايش حكمة ربي بانه ابوك لجئ للتوبه الحين.. وهو الحين اعتقد انه يحتضر وتوهم دقو علي انه يريد يشوفك فاذا

تكلمت بسرعه: ايه هذا ابوي اريد اشوفه واريد اخذ بنتي اريد يشوفها

جهاد: جودي مايصير ناخذ رغد

تكلمت بعصبيه: مو انت اللي تقرر في حياتي وحياة بنتي شو اللي يصير وشو اللي مايصير

وقفت ورحت لبست عباتي وهو لبس ثوبه ومرينا اخذنا رغد في وسط اعتراضات اهله بس هم مايفهموني مايفهون انا شو اريد

وصلنا المستشفى والتقيت بـ جود وغيداء

جودي: غيداء شلونه ابوي

اسندت راسها على الجدار

جود: ما نعرف دخل في غيبوبه وكل الي في فمه جودي وجودي…جودي ادعيله..

جودي: انت شو تقولين هذا ابوي انا في حياتي كلها ما دعيت عليه كنت ادعيله بالهدايه والتوبه

تقرب جهاد منا وهو شايل رغد: جودي ادخلي
خذيت رغد ودخلت انا ورغد وجهاد اللي سمح بدخول رغد

شفت ابوي وهو على السرير خذ جهاد رغد مني وتقربت كان لون بشرته بيضاء ابوي ابيض بس ما ادري شلون صار اسود اكيد الذنوب والمعاصي.. الشرشف كان لين بطنه وجسمه كله موصل بليات..

تقربت وبست راسه وانا دموعي ماخذه مجراها هي دموع وبس صوتي انقطع انفطر قلبي في حياتي ماتخيلت اشوف ابوي كذا.. حضنته دفنت وجهي في رقبته..ابوي اخلاقه نبيله ابوي صاحب مبدء ابوي صاحب جود وكرم ابوي كان صاحب دين بس حسبي الله من اللي غيره علينا..موت امهاتنا كان كبوه بس منيره هي الي استغلت ضعف وحزن ابوي..

حسيت بيد على ظهري ابعدت راسي شوي وشفت ابوي يبتسم لي بست خشمه وراسه وذقنه..هذا ابوي تعرفون شمعنا ابوي اذكر مره ضربني

منيره: ايه زيدها هـ الخنزيره هي الي موتت حلى
ضربني وانا ما اعرف شو ذنبي ذاك اليوم ولمـ فاق من مخدره باس راسي..كنت مسويه نفسي نايمه..

عواض: جودي سامحيني يابنيتي غصب عني

تركني وراح وبعدها ابوي ماصار يمد يده علي لين يسكر لدرجه الجنون

عواض: سامحيني يابنيتي

رديت للواقع بصوت كله حنان وابوه هذه اول مره اشعر بحب الابوه الصادق

بست راسه ويده

جودي: يبه الله يخليك لنا ذخر

عواض وهو يشهق: قولي انك مسامحتني

جودي: الله يسامحك دنيا واخر يبه انا قطعه منك يبه انا احبك

عواض: وانا بعد

وقفت واخذت رغد: يبه شوف هذه بنتي هذه حفيدتك يبه

قربتها منه وحطيت وجهها على وجه ابوي وهو دمعت عيونه وجهاد اخذ رغد مني

وشخصت عيونه للفوق وانتفض جسمه وسمعته ينطق بالشهاده وشهق بقوه

جودي: للاااااااااااااااااااااااااااااااااااااااااااااااا

دخلت جود وغيداء وارتمينا على ابوي نبكي عليه

جهاد حضني وخرجني

وعناد وعبدالله سو نفس الشي لزوجاتهم يعني عنايه وفي مرضى

جلسنا في الممر وكل وحده على كنبه تبكي لحالها وولها تفكير الخاصه

جودي: ليش يبه ليش تركتنا ليش

العزى صار في بيت عمي منصور

وكنا نبيت انا وخواتي في الملحق مع بعض
والصبح نرجع الفله نستقبل العزاء لين العشى ونرد الملحق

رغد كانت ملازمه لي رفضت اعطيها احد ما ادري اريد اعوض كل الي انحرمت منه في بنتي

اليوم اخر ايام العزاء وخواتي بيردن بيوتهن وانا صار لازم ارد لجناحي

ابو فهد وهو يوقف: احسن الله عزاكم

الكل: جزاك الله خير

ابو فهد مسك يد جهاد: شو يقرب لكم الميت

جهاد: ابو زوجتي

ابو فهد: الله يرحمه وشف شلون الدنيا حنا جيران من سنين ماجمعتا الا الماسي تعال زورني عرفت انك تحب الكتب حب ابوك يقول انك اكيل كتب ماشاءالله

جهاد وهو يبتسم: نجمع ثقافات بس تصدق احب اقراء سوالف الاولين

ابوفهد: اجل ابشر بالخير انا عندي مكتبه فيها معظم سوالف الاولين وتعرف الجامعه وايامها ولمـ صرت ادرس فيها زاد توسعي فيها حتى طلبتي احسهم يملون مني

جهاد:ههههههه هذيل الطلبه مايقدرون جهود اساتذتهم

ابوفهد: كان الله في العون

بعد شهر من الاحداث تعودنا على الوضع فراق ابوي هو سهل بس الصعب الذكره المولمه والطفوله المعذبه واحلى ذكرى لنا وياه تركنا بعده بسرعه

احساس الحرمان من الحب والعاطفه هو الي كان يطاردني وجهاد كان السبب الرئيسي في اني اتعب نفسيا اكثر كل ما اشوفه اشعر بعطفه وشفقته واهم احساس منحرمه منه المره مايشبعها الا احساس الحب

العم سعد عمل صدقه لابوي ووزع على الفقاره وعزمنا عنده

رد جسمي مثل قبل وانا حبيت سالفت اني اطقم مع غزل وغزيل بس بنتي كانت تعرفني.ههههه طلعت ذكيه..

جود: اخخخخ متى يخرج اللي في بطني والبس والله مالحقت على قول عبدالله انه يشوفني وظهر لنا هذا

الكل:ههههههه

غيداء: احمدي ربك انا اللي عصب عناد من عرف اني حامل وكل شوي ويقول شوفي اختك احسن منك متعت زوجها وبعدين حملت

الكل:ههههههههه

…كانو يتكلمن ويجرحوني بدون قصد..

جود وهي تبوس رغد الي بكت: اخخخخخخخ والله انها تقهر بنتك بجد مدلعه

جودي: هههههه كيفها تدلع هذه رغد الحلوه

جود: ايه علميه الغرور من الحين

جودي: كيفي اريدها تكون مدلعه ومغروره

غزيل: ايه هذه بنت جودي كيفها تدلع على كيفها

غيداء: غزيل وبنتي

غزيل: لابنتك بنعاملها مثل اسير

العنود: بدت التفرق

غزل: كيفناااااا

رزان: اما انا بحب عيال عبدالله

مزون: ابو العنصريه يخرب بَطَّنْكم انتن اهل

الكل:ههههههههه

موضي: غزل حياتي اريد ماي من يدينك الحلوه

غزل وهي توقف: تامرين امر كم موضي عندنا
وراحت غزل للمطبخ وخذت كاست ماي وكانت مسرعه شوي ولقت نفسها في حضن احد فتحت عيونها وشافت خالد وحاولت تبعد بس هو كان موثقه

جهاد: اترك البنت حسبي الله عليك

خالد: ما اريد والله لازم تعملون فيني مثل ما عمل لكم عواض

سحب جهاد اخته بس خالد رد سحبها وهي مثل الاطرش في الزفه

خالد: غيرتي ما تسمحلي لازم املك عليها الحين

ماحس الا بماي بارد على وجهه وشهق وشردت غزل

جهاد:هههههههه

خالد: خلاص بروح اكلم ابوي وراح لابوه

في مجلس الرياجيل

خالد:ابوي اريد اتزوج

سعد وهو يشوف حال خالد والماي الي عليه: انت بالاول اعقل وبعدين فكر بالعرس

جهاد:هههههههههههههههههههههههههههههه

خالد وهو يساسر منصور ويخبره بالسالفه لانه عبدالله وابوه موجودين

منصور: لا انا واثق في بنتي

جهاد ومنصور:ههههههههههههههههههههههههههههه

عصب خالد: والله هذا مشكلة اللي يسافرون ماعندهم غيره

سعد: خالد بتعقل ولا اعقلك

خالد: عقلنا

قالها وخرج يبدل ملابسه

موضي: غزل وين الماي

دخلت غزل ورمت نفسها في حضن امها تبكي

موضي بخوف: حياتي شوفيك

غزل وهي تبكي: انت السبب

خرجت غزيل تبي تعرف السالفه وشافت خالد هو طالع لحقته

غزيل: خالد شوفيك

طنشها خالد وهي لحقته

غزيل: غزل ليش تبكي

لف لها خالد وضحك:ههههههه

خالد: بنت عمك هذه دلوعه ولا اخوها شافها في حضني ورفض يزوجها لي الحين صدق ماعندهم غيره

وخبرها خالد بالموضع

غزيل: هههههههههههه

دخلت غزيل وهي تصارخ على غزل اللي في حضن امها

غزيل: الحين الفكره فكرتي وانت تسبقيني عليها

غزل وهي تصارخ: غزيل سكتي مو وقت هبلك الحين

العنود: شوصار

غزيل: انا قلت لمـ يجي أمس برمي نفسي عليه وابوي واخواني مايخلوه يبعد عني الا وهو مالك علي وهـ الحماره سؤقت فكرتي بس الله جازها واخوانها طلعوا متفاهمين

غزل ردت تصيح في حضن امها

غزل: حماره ما احبك والله انت واخوك قليلين ادب

وردت دخلت راسها في حضن امها

الكل:ههههههه

مزون وهي معصبه: عنبو دارك انت ماتستحين على وجهك طول وعرض وعقلك عقل اطفال والله شوفين حلفت اذا ماعقلت مافي ملكه لين تنتهي من الجامعه

..انحرجت غزيل ماتعرف شلون طلعت كلماتها بس هي ماكانت تقصد بس من كثر المزاح معد صارت تفرق متى تمزح ومتى تسولف اخخخخخخ مشلكه ووقعت فيها…

غيداء:ههههه جودي خربتي افكار البنات

الكل:ههههههههههههه

….انحرجت بس ضحكت اما غزيل وغزل سوالف وحده حبها فاضحها والثانيه خجلها مصيطر عليها….

انتهى الترم الاول والحمدلله عد على خير
وبعد اجلنا موضوع السفر لانه غيداء في شهرها الثامن وتعب عليها السفر

وبعد لانه عندنا اطفال والاجواء في الخارج جليد

…..وماطلعنا الهدى لانه الجو بارد
حتى الجو في جده بارد وحلو بس مو مثل الهدى جليد

ورياجيلنا ماخذو اجازه للحين عليهم ضغط مشكلة الطب

الحمدلله غيرت قسمي ولاكان تبهدلت
بس فله انا وجود وغزل وغزيل في قسم واحد ولابعد نفس المجموعه وحده تتابع مع الاستاذه ووحده تنام وثنتين يسولفوا

طبعا جود الي تنام بسبب حملها واحيان انا لما اتعب من السهر مع رغد ومعظم الاوقات انا وغزيل سوالف وغزل الضعيفه هي الي تتابع مع الدكتوره واحلى شي لمـ يكون شبكه نكون كلنا متفيقين وسولف وضحك ولاعلينا بالي يناحل في الشاشه..

صحيت لما تحركت رغد رضعتها وردت نامت.. حضنتها وحطيت خشمي على خدها.آآآآآه حلوه خدوها وحلوه ريحتها

لف لنا جهاد وهو معصب

جهاد: اريد اعرف شو هذا اللي في النص

ضحكت عليه:هههههه محرم

جهاد وهو يقلدني: محرم ,,ورد لعصبيته.. محرم في عينك حطيها في سريرها

جودي: بس راح تبكي

جهاد: مو حضرتك عودتيها تنام جمبك

جودي: والله بنتي وكيفي

جهاد: لا والله وهـ الثور الي قدامك ماله رائ

جودي:ههههههههههه انت ليش معصب

جهاد: كلمتين على بعضها مو قادر اكلمك لازم تبوسين فيها ولاتسولفين وياها ولاتقابين طلباتها وانا مثل اللوح عندك

…هذا اشفيه قام يخربط ويسب في عمره يعني عطيته مشاعري ولاحس فيها ومشاعره مبلده والحين يعاتبني..

جودي: نام نام قمت تخرف

جهاد: ايه اخرف موكفاي استغليتي ضعفي والحين خرفتيني

…قمت وانا في قمت عصبيتي رد يقول استغل ضعفه رد يجرح في كلامه خذيت بنتي ولبست روبي ورحت حجرة غزل ودخلت وسكرت الباب وشفت غزل وغزيل نايمات كل وحده على طرف بدت العطله وصار يوم غزل تنام عند غزيل ويوم غزيل تنام عند غزل والشباب طلعوا يكشتو لاجل كذا ماخذات راحتهن..

جودي: غزل ابعدي شوي

غزل: هممم اش فيك

جودي: بنام عندكم

بعدت غزل وهي تقول: ردينا للزحمه

انسدحت وحطيت رغد جمبي وانا حاضنتها

غزيل وهي نايمه: شو صار تخانقتو ولاطردك مثل العاده

دق جهاد الباب بس محد رد

غزل: ردي شكله جهاد

جودي: خليه لاجل يحترم حاله

دخلت موضي وكلنا انصدمنا وجلسنا

موضي: شو تسوينا هنا

..اتبلمت شو تقول عني تاركه زوجي ونايمه هنا…

غزل: يمه نسولف ورغد جننت جهاد وهو طردها هي وبنتها تعرفي عنده دوام

موضي وهي مو راكبه عليها السالفه: على العموم ابداؤ جهزو حالكن لانه عقب يومين بنروح الشاليه وما بنرد الا اخر يوم في الاجازه

غزيل: وووو فله

جهاد وهو داخل ناظرني وابتسم: انتوا هني وانا ادور عليكم

ابتسمت له: ايه هني وين بنروح بعد

تقرب وشال رغد: يمه شرايك في رغد

موضي: حلوه على امها

جهاد: ايه انت بعد كبري راسهم والله انهن مدلعات وماصخات ويستغلن ضعفي وقوتي

…عصبني بجد يريد كلمتين تسنعه بس المشكله خالتي هني وانا الحمدلله توها اعتبرتني مثل بنتها واذا رديت اكيد بتوقف مع ولدها..

خرج جهاد وصار اجباري اني الحقه بنتي وياه

موضي: علمك ابوك

جهاد: ايه اليوم في الدوام بس خون فينا الوالد قال لاتخبروا احد

الكل:هههههه

غزل: مسويها مفاجئه لنا

..دخلت حجرتنا وجهاد حط رغد في سريرها بس هي صاحت لازم الافنديه تشوف احد قريب منها ولاتبكي..اصلا بنتي صايره عَسّه ( هذا لقب نطلقه لرياجيل الي كانوا زمان يحرسون في الليل ) طول الليل سهر والنهار نوم..

جهاد وهو يكلم رغد: وبعدين وياك تبين كف

جودي: ايه بعد خليها تذوق من الي ذقناه شايفها صغيره وماتقدر تاخذ بحقها قلت تستقوي عليها بعد مثل امها

…ناظرني جهاد بقهر ورد انسدح وغطى نفسه بس كشف عن وجهه

جهاد: سكري النور وياني وياك لو تخرجين تبيتين خارج الحجره

خذيت رغد وانسدحت واخفضت من ضوء الابجوره

بس جهاد تقرب مني وسكر الضوء

نمت وانا احس بحركات رغد ..ضعيفه والله.. دوم ننام عنها وهي تلعب لحالها بس الضوء يكون منخفض بالمره بس اليوم الدعوه ظلام وحركتها زايده مديت يدي واخذت الجوال ودخلت انا ويها داخل اللحاف وفتحته وهي غمضت عيونها بس اخخخخخخ جهاد اخذ الجوال

جهاد: وبعدين وياك اريد انام

جودي: نام احد ضاربك ولا خلينا نخرج

جهاد: هين اراويك شغلك

…يامكثر ماسمعناها..

خفت حركت رغد شكلها نامت اليوم ضعيفه تحزن غصب نومناها بس عرفت اشلون انومها اسكر اللمبات وبتنام..

نمت وصحيت الصبح صليت الفجر ورديت نمت لين الساعه ثمانيه

السفريه الي كانت على نهاية الاجازه اتأجلت بسبب الظروف الي نمر فيها والكل مايريد يروح وجهاد يظل بروحه هنا

زيديني موتاً على الموت
اذا يقتلني
يحييني

يا احلىامرأة بين نساء الكون
احبيني
يا من احببتك حتى احترق الحب
احبيني

ان كنت تريتدين السكنة
اسكنتك فى ضوء عيوني
حبك خاطرتي
ما عادتخاطرة العالم تعنيني
زيديني

انا اقدم عاصمة للحزن
وجرحي نقشاًفرعوني
وجعي يمتد كسرب حمام
من بغداد الى الصين

زيديني عشقاً
زيديني عشقاً زيديني
يا احلى نوبات جنوني
زيديني

عصفورة قلبي نسياني
يا رمل البحر وروحالروح
ويا غابت الزيتون
يا طعم الثلج وطعم النار
ونكهه شكي ويقيني

اشعر بالخوف …
اشعر بالخوف من الظلماء فضميني
اشعر بالخوف منالمجهول
فآويني
اشعر بالبرد
اشعر بالبرد فغطيني
وظلي قربي غنيلي

فأنا من بدء التكوين
ابحث عن وطن لجبيني
عن حضن امرأة يأخدني
لحدود الشمس ويرميني

نوارة عمري مروحتي
قنديلي — بوح بساتيني
مدى لى جسراً من رائحة الليمون
وضعي لي مشطاً عاجياً
فى عتمة شعركوانسيني

نزل يدينه لوسطي وشالني لفوق وشعري يتطاير

من اجلك اعتقت نسائي
وتركت التاريخ ورائي
وشطبت شهادةميلادي
وقطعت جميع شراييني

نزلني وضمني اكثر لصدره

زيديني عشقاً زيديني
يا احلى نوبات جنوني
زيديني
موتاً عل الموت
اذا يقتلني يحييني

الكل:ووووووووووو ووصفقوا لجهاد

عناد وهو يصارخ من داخل الجلسه: ايه هو يغنيلكم وانا اربي بنته

غيداء:هههه والله حرام ماسوت شي ساكته وتناظرنا بادب

عناد: ايه مخلينها مراقبه لنا

ضحكت غيداء وتكلمت بصوت مايسمعه الي عناد: هههه كانك ماسويت شي

عناد: ايه بعدني

ضربت غيداء على كتفه: روح انتهت الساعه خلاص

عناد: لا بظل وياك

غيداء: مو توك تشتكي

عناد وهو يصارخ: يمه جاء دوري بغني

مزون: انزين غني احد ماسكك

عناد: انزين خلي غزيل تجي تصور

غزيل وهي تروحله: لحظه بغير الشريط

وخرجت شريط جديد ودخلته وعناد يتحمحم يجهز حاله

الكل دخل بيشوف عناد شلون يغني

وظلينا انا وجهاد وغزل والعنود بره

بس غزل والعنود يراقبن من عند الباب الاوضاع
جلست على الكرسي وجلس جهاد

جسمي قشعر:ييييي برد

جهاد: انزين وين بلوزتك

تلكمت بعد تفكير: هناك رابطتها على العمود

ووقفت بروح اجيبها بس جهاد مسكني وجلسني

تكلمت وانا ارتعش من البرد توني بردت..خخخ: اشفيك

خلع جهاد فلينته ولبسني اياه

جودي: بس برد عليك

جهاد: ما اريدك تبعدين عني اريد امتع عيوني

حطيت يدي على يده وتكلمت: انزين نروح مع بعض نجيبها

وقفنا ورحنا لمكانن الاولي

خلعت فلينته وهو يناظرني ابتسمت له وتقرب مني

غزيل: خلاص عناد غني

عناد: لحظه اسلك حلقي

عناد: خلاص استعدوا واحد اثنين ثلاثه

وبد يغني اغنية

شبيه الريح وش باقي اش على التجريح

الكل حط يدينه على اذنه

مزون: اسكت والي يرحم والديك جامعنه تعذبنا

الكل:ههههههههه

عناد وهو مسوي نفسه زعلان: حرام يمه اتحطم كذا

مزون: اتحطم بروحك شو ذنبنا حنا نتحطم وياك

الكل:هههههههه

تركوا المكان

عناد: صبر بغني هذا بس المدخل

موضي: غني لزوجتك

غيداء: لالاا بروح وياكم

وقفت غيداء بس عناد مسكها: لحظه بغنيلك

غيداء: اريد اوصل الشاطيء وانا ذوقي حلوه

عض عناد على شفايفه:خخخخ الحين انت بدل ما تسانديني اول وحده تحطميني

غيداء: اساندك في الشي الي تمهر فيه مو في شي يغثنا

غزيل وهي تصور:ههههههه

عناد: غزيل اظهري بره

غزيل: اوكي بس بصوركم وانتو تضاربون

عناد وهو يكلم غيداء: شفتي بتشمتين الاعداء فينا

غيداء: هههههه لا والله بس انا اخاف على مستقبلك لو احد سمعك اخاف يخطفونك مني
رفع عناد حياته بفخر وبد يغني بس صوته يقهر بشكل مو معقول

شبيه الريح وش باقي اش على التجريح

وقفت غيداء وعناد مسكها: باقي ماخلصت

غيداء: حبيبي اخاف اسقط من صوتك

غزيل:هههههههههه

عناد وهو ماسك غيداء لاجل ما تشرد عنه: والله بغني صوري غزيل

غزيل: سوري عناد اخاف على برستيجي يخترب وياك

تركتهم وهو عصب

عناد وهو يصارخ: ايه تعالي في الليل وقول جهاد طردني وصلني هنا وراح تعال انت رجعني عند غزل والله ثم والله ان ما رديتي معد اوديك

بس غزيل طنشته وراحت لهم بره

غيداء: خلاص حبيبي انت كل يوم اشرب مويت النده وكل سكر نبات بيصير صوتك حلو

عناد:خخخخخ جرحتي مشاعري

حطت غيداء يدها على قلبه: سوري حبيبي خلي مشاعرك على جمب وصوتك على جمب

عناد وهو يترجى غيداء: حبيبتي لاجل خاطري سمعني انت بس سمعنيي هو المدخل دائما يكون صعب يعني لما اوصل للنهايه يكون صوتي تحسن

غيداء:هههههههه للنهايه زين للنهايه مو بعد النهايه

عناد:ههههه انزين بغني

وظل يغنيلها وهي تضحك له وتضحك على صوته

موضي: غزيل والي يسلم عمرك سكري الباب على اخوك

الكل:ههههههههههه

رجعنا لهم وشفناهم بره

جلسنا بهدوء

جهاد: شو صار

العنود: ازعجنا بصوته

جهاد:ههههههههه

جودي: يحرااااام بنتي جوه

جهاد: غزيل والي يسلم عمرك ادخلي هاتيها

وقفت غزيل: اوكي بس شرط

جهاد: بدينا

جودي: خلاص وافق

ناظرني وابتسمت له صار يمدين اتكلم عنه واعرف انه ماراح يردني

جهاد: وافقنا

غزيل: ما تطردني انصاص الليالي

الكل:ههههههههههه

جهاد: اخخخ خلاص تم

راحت تبى تدق الباب بس انفتح وظهر صوت رغد وهي تبكي

غيداء وهي لابسه شرشفها: انصرعت من صوت العندليب وبصراحه حتى انا دورلي مكان بينكم

عناد: خخخخ تعلمي من اختك شوفي شلون تسمع لزوجها مو مثلك من اول محاوله شرتدي

غيداء: ليه هو في محاولات ثانيه

عناد: ايه كل شي يجي بتعليم

غيداء: لاعيوني الا هذه موهبه وانا موستعده اسمعلك

عناد وهو يصارخ: جهاد خربت حريمنا

جهاد:هههههههه ياخي انت روح عد نجوم

مزون وهي ترفع صوتها: اقول عناد

تقرب عناد من الباب

عناد: ايه يمه اسمعك

مزون: حبيبي اترك الفن لاهله

عناد: اخخخخخ المشكله انك امي والمفروض انك اول وحده تنمين مهاراتي

مزون: لا واللي يعافيك ما نريد في عائلتنا مهارات من هـ النوع بس جهاد سمحناله يعني ذكره

عناد: اوكي رضيت معد اني مغني بس لازم اغني لزوجتي لاجل تفتن فيني

غيداء: لا واللي يعافيك

الكل:هههههههههههه

خذ جهاد رغد مني وباسها وظل يبوسها وهي تفك فمها تبي تاكله حسيت بغيره بس فرحت من قلبي

جودي: مو من عوايدك

جهاد: لا الحين غير الحين احب امها وامها تحبني صار غصب عني احبها

..صدمني جهاد ماتوقعت هذا تفكيره تكلمت بدهشه: جهاد لا ما اصدق جهاد والي يعافيك لو مت لاتعيد لـ رغد ماساتي ابوي كرهني لاني اشبه امي ماتت وقت ولادتي من وانا صغيره وابوي يكرهني لمـ كبرت وصرت اشبها صار يجبرني اغطي وجهي جهاد لاتعيد ماساتي في بنتي تخيل ابوي ابوي ..ودمعت عيني..ابوي من كثر حبه لامي وحرقت قلبه عليها طفى سجارته في فخذي..لا جهاد رجعتني لألمي حرام عليك

نزلت راسي على الطاوله وصرت ابكي

الكل كان يناظر بدهشه انكشفت حقائق اليوم وانكشفت ماساه ما كان لازم انها تظهر لاحد

حسيت بحض هـ الحضن كان غريب رفعت راسي وشفت خالتي موضي رميت نفسي عليها اريد احسس بحنان امومه علي صح غيداء ماقصرت وياي بس بعد كنت محتاجه قدر اكبر اريد ابعد حياة العذاب عني اريد اطوي صفحت الاحزان

موضي: بس حبيبتي جهاد مايقصد بس هو تعبيره خانه

جهاد: ايه تصدقين كنت دوم انضرب من امي في التعبير

مزون:ههههه تذكر وانا كنت اعبرلك في ورق خارجي وانت تدونه في دفترك

موضي:خخخخ كانت في علوم من وراي

جهاد:اييييه عدي واغلطي

عناد وهو واقف عند الباب بس وجهه للداخل: اقول اجل بغني الحين

الكل:لااااااااااااااااااااا

عناد: لا هذه مو لكم هذه لزوجة اخوي واخت زوجتي الغاليه ليش تزعلونها وانا براضيها

الكل:خلاص رضت

ابعدت راسي: لا مارضيت خليه يغني

..انا ماسمعت صوته قلت اسمع واحكم حرام حطموه..

عناد: اوكي واحد اثنين ثلاث

شبيه الريييييح اش باقي اش باااااقي على التجريح

سديت اذني وتكلمت: خلاص رضييت

عناد: لا مايصير خلين اكمل

جودي: والله رضيت

عناد: اعرف انه صوتي حلو ومايقاوم شكرا لك زوجة اخوي على لطفك وياي شوفي انا بسجل لك شريط واذا زعتلي شغليه وبترضين سيده

مزون: قول بتنتحر

عناد:خخخخخخخ المشكله انك امي

الكل:ههههههههههههههههههه

عناد: غطو ياحريم بروح احس اني تحطمت هنا بروح اغني لرجاجيل مايقدر صوت الرجال الا الرياجيل

موضي: ايه ولي يعافك بس ابعد عن منصور اخاف يرتفع عليه السكر

الكل:هههههههههههههههه

عناد: غيداء حطي في بالك هذه اخر رحلنا لنا وياهم بعد كذا انا وانت بروحنا نخرج واغنيلك وتسمعيني برواقه

غيداء: لا واللي يعافيك تبي تغني روح بالحالك وانا اصلا ما اترك اهلي في كل الحالات

جهاد: عناد حنا في البحر خذلك زاويه بعيده وغني بروحك يمكن تسمعك حوريت البحر وتخرجلك

عناد: ايه وانت صادق اجل انا بظهر الحين
وخرج وهو معطينا ظهره

جهاد وهو يبوس رغد: حبيبت بابا انت روح بابا

غزيل وهي تبدل الشريط: اقول جهاد غني لـ رغد سويلها فديو كليب محترم

جهاد: انزين بس بشيل هـ الشي الي عليها لاجل تبين ملابسها

جودي: لا واللي يعافيك بيصقعها البرد

جهاد: اجل ندخل كلنا داخل

موضي: اش ورانا ندخل وراكم

جهاد: تعرفين يمه اني احبك

موضي: بدري

الكل:ههههههههههههه

مزون: يالله بندخل حتى انا بردت تعب قلبي من البرد

جهاد: سلامت قلبك يايمه

مزون:هههههه رايق جهاد اليوم

جهاد: هههههههه ان شاءالله دوم

الكل:آآآآمين هههههههههه

دخلنا وسكرنا الباب

ومتعب من عند الباب هو وعناد والشباب كلهم: اقول انا الوحيد الي نسيت الموضوع صار لي ساعتين وانا ارعي هـ الصغار

العنود: عيالك هذيل

متعب: عنوتي تعالي خذي العيال واريدك شوي

راحت العنود عند الباب واخذت حمودي من متعب ومسكت اسير من يدها: انتظر شوي بسمع جهاد يغني

متعب: لاجهاد خليني اغني الحين والجو كذا شاعري ورهيب

مزون: والي يعافيك بالقوه سكتنا عناد

الكل:هههههههههههههههههههه

متعب:ههههههههههههه اقول عنوتي تعالي انت بتسمعيني

العنود:ههههه لا عيوني اخاف انهار مثل زوجة عناد

الكل:هههههههههههه

متعب بزعل: يطاوعك قلبك

مزون:هههههههههههه ايه يطاوعها غصب طيب لانه انا بغت تنفقع مرارتي من عناد اخاف انت تخلص علي

الكل:هههههههههههه

متعب: خخخخخ المشكله انك امنا

مزون وهي معصبه: والله شكلي موعجبتكم كأم كل شوي وحد قالي المشكله انك امنا يعني لو ما كنت امك شو بتسون

متعب: بنحب رجولك ونتمنى رضاك بس انت لاتصيرين حساسه نسولف وياك

مزون: ايه كل بعقلي حلوه

متعب: افاااا الوالده تشكين بغلاك

مزون: والله ما عرفنالكم

متعب: اقول ما مخربك علينا الا جهاد

جهاد: ياليــــــطف حسد شي مو معقول

موضي: خلاص بنسمع جهاد وهو يغني وبنحط العشى عقبها

غزيل: اوكي وانا بشغل الكاميره
تقرب جهاد مني وعطاني رغد وفتحنا لها لفتها

غزل: حركتات العائله كلها مطقمه

الكل:هههههههه

جهاد: اذكري الله

غزل:ههههههه ماشاءالله يالطيف على شو بنحسدكم

شلت رغد وحطينها في النص وانا اضحك من افكار جهاد

العنود: ماصارت شو بتغني

تقرب جهاد اكثر مني ووقفنا رغد بين احضاننا

والله ما كان علي بالي يا هوى
والله ما كان علي بالي يا هوى
قمرين قمرين دول ولا عينيك
قلبي بيسالني عليك
اتاريني بافكر فيك
معقول اكون حبيت
والله ما كان علي بالي يا هوى
قمرين قمرين دول ولا عينيك
يا قلبي يا نا
من حبه يا نا
يا شوق امانة
قول لليالي حرام
اهونياعمرى ياكل عمرى
سلمته امري

وعينيه قالتلي كلام
والله ما كان علي بالي يا هوى
قمرين قمرين دول ولا عينيك

طال انشغالي
وياك يا غالي
وانا ايه جرالي

خلانيادوب في هواك
اشمعنا انت
حبيتك انت
ازاى وامتى
شغلت روحي معاك
والله ما كان علي بالي يا هوى
قمرين قمرين دول ولا عينيك

الكل صفق لـ جهاد

متعب: والله طلعت منوعات

الكل:ههههههههههه

موضي: يالله الحين دور البنات هن الي يجهزن العشى

العنود: انا زوجي يريدني

متعب بانتقام: لا والله جهزي العشى ورتبي وعقب اريدك

الكل:ههههههههههههههههههه

..صحيت ببوسه على خدي..

جهاد: صح النوم حياتي

ابعدت شعري عن وجهي: صح بدنك

جهاد: كملي نوم بروح الدوام بس قلت اروي عطشي قبل

جلست بسرعه: فطرت

جهاد: لا بفطر في المستشفى

وقفت ولبست روبي: لا وين دقايق والفطور يكون جاهز

مسكني جهاد: لا ارتاحي

جودي: حبيبي راحتي هي راحتك

جهاد بابتسمه عذبه: انزين وانا اريدك تكملين نوم

جودي: لا خلاص بقوم اخذلي شاور سريع ورايه دوام وبروح اخذ جدولي واشوف المواد

جهاد:خخخخ يعني لازم تكملين دراستك

جودي:هههههه ايه بس لو عندك مانع بوقف

جهاد: لا عيوني بس انتبهي لحالك

ابعدته عني: اوكي لاتروح بنفطر مع بعض وبعدين روح

راح جهاد لسرير رغد وشالها: اوكي

..دخت من حركتها الحين بيصحيها اشلون اتركها

جودي: واللي يسلم عمرك نومها خفيف الحين بتصحى

جهاد: انزين بوديها لامي مزون على بال ما تجهزي الفطور

جودي: لا عيب من الحين خليها لين اروح دوامي

جهاد: عيوني انا اللي بوديك واردك من اليوم ورايح

جودي: تعب عليك وبعدين انت عملك يحتاجك ما تقدر تنشغل عنه وحبيبي انت وراك مسؤليات اطفال يحتاجونك وانا دوامي مو منتظم

جهاد: آآآآآه شلون اداوم انا اليوم تعرفين بروح كل يوم وانت نايمه ما اريد اتعذب

جودي:هههههه لا حرام خليني اكحل عيوني بشوفتك وابدء صباحي بضحكتك

جهاد: احبك جودي احـ بـ ك تعرفين شمعنا احبك

تكلمت بغباء واستهبال: لا

شفته ينزل رغد على السرير وتقرب مني وحط شفايفه على خدي واناذبت له بس
آآآآآآآآآآآآآآآآه

عضني عضه معتبره وصحت رغد تبكي من صريخي

دفيته وابعدته عني وشلت رغد وانا معصبه: ما احبك روح حتى مو مسويتلك فطور

تقرب جهاد مني وحضني: لا عيوني هذا طال عمرك يقولن عنه ومن الحب ما قتل

مسكت خدي وانا معصبه: والله حرام عليك عورتني

باسني: انزين رضيتي

ابتسمت له: ايه بس لعد تعيدها

رفرف رموشه: ما اقدر اوعدك انت زين عليك للحين حيه ما اكلتك

ضحكت على تعلقيه:ههههه لا ولي يسلم عمرك ورايا بنت لاتاكلني

جهاد:خخخخخ اموت على هـ الضحكه

جودي:هههههههههه

وقف جهاد وفتح شنطته وخرج يييييييييي ابتسمت له

جهاد: مو لك لـ رغد

جودي: اصلا انا ما اريدها عمي بيجيب لي افضل منها

جلس على السرير

جهاد:خخخخ الوالد خارب علي بس تدرين هذه لك الا اني ميت قهر

جودي:هههههههههههههههههه

جهاد: تصدقين يوم شفت القلم مع ابوي جنو جنوني المفروض تعطيني

جودي: تستاهل

جهاد: انزين هذه احلى مناسبه اول يوم في الدوام وبدايت ترم جديد

جودي: اشوف الالوان

جهاد: مو لك

جودي: يالله عاد

جهاد: انزين خليني اجرب

جودي: بس ال

جهاد: انت سكتي خليني اشتغل

وخرج البلشر والقلوز وحطلي

جهاد: خلاص من اليوم ورايح لاتروحين لكوافير ومادري اش قلعته انا بحطلك

.
.
.

البارت الجاي بيكون الأخير.