اللحن السادس والعشرون

ياسر كان يكلم نوال بحنيه
ورمنسيه وعينه بين فتره وفتره
تجي على نوف اللي تناظرهم ومبتسمه..
قهرته ابتسامتها..
فزاد من تدليع نوال..
نوف احس فكي تشنج من كثر ما ابتسمت”قهرني الله يضغطه قال كلامها يزعل قال شف شف بنت اللذين كيف تفتري علي قبل كان اذ مسكني ما يمسكني الا مع شعري اما عجوز قريح يخذها بـ الاحضان..
“”
نوال مده بوزها/يا انا يا هي في هذا البيت
ياسر يأشر على خشمه/انتي الداخله وهي الطالعه ولك مني ما تشوفين وجهه
نوال تبوس خده /عمري انت يسلم لي راسك
–
نوف كشرة
بملامحها وهي تشوف
ياسر يترك نوال ويتجهه لها
انحنى ومسك يدها
شدة يدها لصدرها لكن قوتها اكبر
شدها بقوه حتى
وقفها وسحبها معه
لغرفه في اخر الدور الثاني..
دخلها فيها بقوه ودخل وقفل الباب
مسكت يدها بقوه
تفركها بالم بسبب
شده لها..
ياسر بملامح صارمه/ايوه تقولين لي اسبوع وترجعين تختفين!!؟
نوف/….
ياسر مسك عضدها بقوه وهزها/وخالقي ان شفتك طلعتي من هذي الغرفه او اتصلتي بحد ان يكون اخر يوم تشوفين فيه نواف اقصد عااصم
نوف دفته من صدره ورجعت شعرها ورا اذنها/وخالقي ما تقدر تحرمني من ولدي اللي انت كنت كارهه وجوده
ياسر شدها بقوه له
ومسك فكها ورفعه وجهه له وبفحيح حاد وتجريح/ما كرهة وجوده كنت كرهه كونگ انتي امه ولدي كنت ابي له ام مثل نوال حنونه وتعرف ربها ودينها ومتربيه واخلاق وخوال ولدي يرفعون الراس جده وزير وعضو في مجلس الشرؤى مو مهرب مخدرات ومجرم وربى بنته على تهريب و السرقه لا تعرف لادينها ولا تركعها و اميه لا تقرا ولا تكتب مخها فاضي مافيه الا الجنون والفساد بذمتك هذي ام ينرفع فيها الراس؟ بكره اذ كبر بيعيرونه فيك وفي ابوك..
ينهار صمودها..وتهدر كرامتها..وتنهال السهام المسمومه..يخطؤن فيها حقها ثم يمنون في عليها بـ الغفران عن ذنب لم ترتكبه…
فـ كيف لها ان تتصرف اتبكي لتجعل من نفسها نحل لشفقه ام تضحك لـ يشار اليها بـ جنون؟!
اي ردة فعل ينتظرها مني بعد ما جرح كبرئي ما اقسى ان يحكم عليها بأنها لا تستحق بـ ان اتكون ام..–
عيونه بعيونها ملامحها جامده قتله صمتها لم اصرخ وتدفع عن نفسها لم ترد عليه بتلك الالفاظ الدونيه لم ترد بنكران او الاعتراض..
لم تبكي او تضحك بسخريه لتغيضه…
نزلت يده بهدو عن فكها
عطته ظهر
جلست على السرير
وتكت بيدها وراء
ياسر قهرهه صمتها/ماتردين!!؟ولا مالك وجهه تردين؟!
نـوف تظغط على نفسها وبهدو/قلت لك هو اسبوع وحد تقدر تتحملني فيه!!و ولدك معك بعد اسبوع انا بتركك
ياسر طير عيونه بقهر وغيض”ناويه تتركيني من جديد!!؟ ناويه تجددين الغياب..معصي يا نوف اخليك الله يخليني ان خليتك..””
توجه للباب وتكى عليه/نشوفك على خير بعد هه “بسخريه”بعد اسبوع..
طلع وقفل الباب وراه
رمت نفسها على سرير وهي تسمع
صوت القفل يلف اكثر من مره..
غمضت عيونها وهي تسمع صوت نواف وياسر من خلف الباب..
حريصه كل الحرص ان ياسر
واهلها ما يعرفون عن مرضها..
واستحلفت عبدالرحمن و زياد..مع ان زياد قهرها لمى قال لها انه قال لـ إياد..
ماتبي احد من اللي حولها يدري ويعاملها بشفقه..او حتى يقولون ما رجعها الا المرض..
—
—
انتشر خبر عودة نوف عند الكل..
وياسر رافض ان احد يزورها او يلتقي معها وخفف من زيارته لقصر العائله..
بعذر انه يبي يخذ راحته مع زوجته وولده..
ويعوض ثلاث سنين غياب…
—
طارق بقهر/لها ثلاث ايام رجعه بس ابي اسلم عليها
ياسر/وانا قلت لك لا بعد يومين رحلتنا وقبل نسافر بخليك تسلم عليها ف المطار..
طارق ظرب ركبته بقهر/ما اقدر اتحمل ولا اقدر انتظرك
ياسر يصد عنه ويتوجهه لسيارتها/تحملت ثلاث سنين فـ خلك رجال وتحمل كم يوم
طارق لحقه بغيض
لا كان يد إياد كانت اسرع/يارجال وشفيك صاير كبريتتوقعاتكم

insta : g_rwa12

طارق/ما شوف ولد عمك اللي من رجعت اختي مخفيها
زياد/رجال وزوجته ويبون ياخذون راحتهم
طارق/لا تسوقها علي يازياد البنت لها ثلاث سنين مختفيه وسبب ما يندرا عنه ومزورة جوازها وبين ان ختفائها مجهول يعني ما كان نعرف هي حيه او ميته مسافر او هاربه وانا متاكد ما سوت هذا الشي الا ان عندها سبب قوي ..
زياد وأياد/……
طارق ركل الارض برجله المصابه..بقهر/ياخوفي يكون ياسر مسوي شي لنوف
ما انتظر ردهم وصد عنهم وركب سيارتها وحرك..
زياد جلس على الثيل..
اياد/تتوقع ياسر عرف عن مرض نوف
زياد يجلس جنبه/لا ما ظنتي..الان هي حريصه ان ياسر بذات ما يعرف
اياد/عمليتها مابقى عليها الا 4ايام وشيخ ياسر يقول بنسافر بعد يومين
زياد زفر بقوه/الله يستر لا يكون ظن طارق بمكانه ويكون ياسر مسوي لها شي..
اياد وقف/الله يستر..بللا انا طلع بنام دايخ
زياد بمزح/الله يعينك ما اظن ان الوزاره الداخليه بتتركك تنام..
اياد يمشي ويلوح بيده/اجل اترك باب غرفتك مفتوح..ان دجوني بجي انام عند اخوي حبيبي..
زياد/هههههههههه يصير خير بكره بتزوج من بيستقبلك
اياد/متى العزم؟!
زياد /قريباً
ابتسم وكمل مشي وطلع لقسم اهله
وعلى الجناح الخاص فيه ومن دخله اختفت
ابتسامته…
جالسه عن التلفزيون ببجامتها الفوشيه وتوصل لنص الساق…
ما لتفت لها وكمل مشيه لغرفته
من رد من الرياض هو ساحب عليها..
ويكلمها ببرود..وكلام زياد يرن باذنه..
حس انه صار ضعيف بسبب حبه لها
تنزل عن كونه اب بسببها..انسدح على السرير
ويده تحت راسه حس فيها
تدخل فـ غمض عيونه…
ديما جلست وعيونها تتامل ملامحه..
قهرهها له ثلاث ايام ما يكلمها
واذ كلمته رد عليها بختصار..عكس قبل من تكلمه يتشقق من الوناسه ويخذ ويعطي معها..
تحب اهتمامه لها المبالغ فيه
وتقابله بتغلي عليه
زفرة بصوت مسموع
بطريقه حولة فيها تجذب انتبهه/اياد..اياااد
اياد/…..
ديما/ايااااد
اياد/هممم
ديما/اجلس ابي اكلمك
اياد بكسل فتح عيونه/اسمعك
ديما/اجلس عشان اعرف اكلمك
اياد رفع راسه على يده/وهذي جلست
ديما بمحوله لكسب اهتمامه وبكذب كشرة بزعل/اياد احس بضيقه وقلبي مقبوض
اياد ناظرها للحظات وجع ينسدح وغمض عيونه/اقول نامي نامي احسن لك
ديما فتحت عيونها بقهر وبصوت باكي/اقول لك متضايقه تقول لي نامي
اياد اعطها ظهره وبسخريه/امكن قلبك حس ان زواج زياد قرب
ديما بهتت لونها
تحس بحراج وخوف اول مره اياد بقول لها شي عن زياد بعاده هي الي تقول لها وبكل وقحه اني احب اخوك ما احبك وافقت على زياد ما وافقت عليك وهو في كل مره يتجاهل ولا بعصب ويحول يكسب رضاها..
لاكان كلامه هذا غير..
بصوت مرتجف/و وانا وش دخل ضيقتي بزياد
اعطها ظهره /اطلعي وقفلي الباب وراك..دايخ وراسي مصدع..فـ بلا كثرك حكي
ديما نزلت دموعها واخذت مخدتها وطلعت
وقفلت الباب وراها
فتح عيونه
وفركها بقوه
—
—
دخل للفله
وسفط سيارته ونزل
دخل المفتاح في جيبه
وفتح الفله ودخل كان المكان شبهه مظلم..
وإيناره خفيفه بطرف الصاله..
تقدم اكثر وتوسعة ابتسامته..
هو يشوف طاولة الطعام..
عليها شموع اربع
وريحة الاكل تدوخ..و اربع صواني صغار عليها
“نوال ما تخلي حركاتها بين فتره وفتره تفاجئني بشي..يكسر روتين حياتنا ويغير من نفسيتي..
بس غريبه اليوم الصباح قالت لي انها بتروح لأهلها ابوها رجع من السفر ومسوي عزيمه..شكلها كانت تبي تصرفني..
سحب الكرسي
وجلس الصواني كانت مغطيه..
ومرتبه بشكل تدريجي
فتح الصينيه الاولى كان فيها محشي كوسه وفيه عصى ممدوده براسه بطاقه مكتوب عليها حرف ” ت ” ابتسم اكثر وفتح الصينيه الثانيه وكان فيها كوشري بطاقه مكتوب عليها حرف “س” وفتح الثلاثه وكان فيها فوتشيني”وبطاقه عليها حرف”م” وفتح الرابعه وكان فيها ورق عنب وبطاقه مكتوب عليها حرف” م ”
عقد حواجبه بقوه بستغراب من انواع الاكل..
وبتهجي للحروف” ت س م م”
فتح عيونه بغضب وشرار يتطير من عيونه/تـسـمـم!!!!
وقف بقوه وطاح الكرسي على الارض
مصدر صدى قوي.. تحرك بيصعد الدرج لا كان
صوت الكعب
اللي تدور على درج استوقفه..
رفع عيونه لها وهي تنزل بغنجه..
بفستان كاجوال بكمام قصيره ويوصل لنص الساق وكعب عاليه…
وعيونها المدعوجه بكحل الاسود
ابرز صفاء عيونها..
نزل عيونه لـ نواف بشورة
رصاصي وقميص ابيض عليه
رسمة تويتي..
نوف وطت رجلها اخر عتبات الدرج..
وعلى شفايفها ابتسامه ناعمه/مساء النور
ياسر مسك يدها وسحبها
حتى وقف قدام الطاوله وبعصبيه/انتي ناويه على نفسك!! بايعه سلامتك؟!
نوف دخلت يدها بشعرها وحكته كله على جنب/ليش معصب
مسك شعرها بقوه وسحبها لطاوله
و وقفها قدام الاطباق
واشر على الحروف..
نوف ضيقت عيونها بألم ورفعت يدها على يده
اللي على شعرها/ياسر لو سمحت
ولدك واقف لا تكرهه فيك بتصرفك معي
ياسر نزل عيونه على نواف الواقف
ويده في فمه وعقد حواجبه بزعل
نزل يده منها وعقدها على
صدره يكتم غيضه..
نوف ابتسمت له بود/ليش معصب!؟؟بالله ما اشتقت لي لـ مقلب و الهبل!! يعني قلت اكسر الروتين بدل ما اكتب بـ العافيه او اووو احبك نكتب كلمه معاكسه..
ياسر ضيق عيونه وقرب
من وجهه/بالله؟ هذا تسمينه كسر للروتين الله يكسر راسك؟!
نوف ترجع على ورا خطوه
قربه منها صار يربكها..اخذت الشوكه
واخذت حبه من ورق العنب
وقربته منه/افتح فمك طبخ يديه وحياة عنيه
ياسر ابعد يدها/اقول نظفي مكان ونقلعي من وجهي مو رايق لك
نوف/تخاف اني مسممه لك الاكل..
ياسر انحنى ورفع الكرسي اللي طرحه وتوجهه لصاله وجلس على الكنب
ورفع جواله بدون مايرد عليها..
شافها تتوجه لنواف واطلب منه يفتح فمه وتاكله ورق العنب
نواف بحركة تعلمها من نوف
وتعود عليها بعد اي اكله ياكلها/اهممممممممم “حرك فمه وراسه بتلذذ””
نوف كتمت ضحكتها ورفعت نواف على
الكرسي وجلسته وجلست
جنبه صارت تاكل وتاكله معها
ومع كل لقمه يحرك نواف
راسه بتلذذ ونوف معه…
رص على اسنانه بغضب وصار يحرك رجله
بعصبيه..
خلصو الاكل ورفعت الصحون..
ورتبت المكان..
دخلت المطبخ..ورفعت الاكل
النظيف في الثلاجه وفرزنته اكرام انعمه اللي غيرها يتمناها هذا اللي تعلمته من نجاة..وفي صينية تحضير كبيره
و حضرت عصير برتقال وصحن كشري وحبتين محشي كوسه وصحن فوتشيني..
من العصر واقفه في المطبخ تسوي جهز واخرتها
ما يأكل معصي..
شالتها وطلعت لصاله ماكان موجود..
طلعت لفوق وشافت باب غرفته هو ونوال
مفتوح..عضت شفايفها بتردد..
هزت راسها بتشجيع لنفسها ودخلت سمعت صوت المويه في الحمام
واستنتجت انه بيتروش..
درات بعيونها في الرجاء الغرفه الفخمه..وتسريحه اللي تضم انواع العطورات والكريمات..وجنب التسريحه طاولة مكياج كبيره ومرايه بأطرافها اضاءه..وممتلئه بأنواع المكياج..
فعلاً طول ثلاث الايام اللي راحت
ما شافت نوال الا ب المكياج وكانها طالعه لعزيمه مو في بيتها..ماتتعب بشرتها هذي!!؟
هزت كتوفها بعدم اهتمام ونزلت الاكل على طاوله
رتبته ..وتوجة للباب بتطلع..
انتفضت من صوت الصراخ..
ياسر بصراخ/شيلـــيـــه
نوف التفتت له ونزلت عيونها بربكه
شعره مبلول وخصله لصقه بعبث على جبينه..
ولف المنشفه على خصره منشفه ثانيه حول رقبته..
ياسر بحده/انتي ما في وجهك حياء!! تدخلين غرفه مو لك!؟ بدون اذن!!
نوف رفعت راسها/سوري كل ما في الموضوع اني جبت لك العشاء”اشرت على طوله””
ياسر توجهه للطاوله/هوه برفو محوله ممتازه تمثيل دور الزوجه المثاليه؟! ها
نوف ابتسمت له بدون ما ترد..
ياسر قهرته ابتسامتها وبكل
عصبيه رفع الطاوله وقلبها بقوه حتى انتثر الاكل وتكسرت الصحون/وهذا سمك باح ياالله انقلعي عن وجههي
شهقت بقوه..رفعت يدها على
صدرها وبعض الاكل انتثر على ملابسها..
عضت شفايفها تحاول تحبس دموعها..
نزلت بكل الم للارض تجمع الاكل المنتثر..
وتحول تلملم شتاتها..
تتمسك بقوتها..
ياسر كان بركان ثائر انخمد بداخله هو يشوفها تنحني تلم الاكل بكل جمود..
وصله صوتها الهمس/اللهم لا تؤاخذنا بما فعل السفهاء منا..
انحنى لها بعصبيه ومسكها بقوه وبصراخ مقهور/انتي الي وين ناويه توصلين؟!!!!
نوف بمثل صراخه/ابي اصول لهنا”بسبابتها ضربن على مكان قلبه” ولا مو بس هنا ابي اوصل الى هنا”رفعت سبابتها على راسه”ابي ابني معك
لو في فتره قصيره ذكرى طيبه ذكرى كل ما تذكرتها تبتسم..ابي
اذ طرا اسمي على مسامعك ما تكشر بضيق وذاكرتك وعقلك وقلبك ممتلي حقد وكرره لي..والماضي
اللي طوق رقبتي..
ابي اعيش مثل وعد اللي ما اثر ماضيها على مستقبلها ابي اكون قويه مثلها وأدفن الماضي
بدون محد يعرف عنه شي وأعيش حياة هنيه مع زوووجي وولدي..”صدت بوجهه تحبس دموعها..وحلقها تحشرج بعبرات سنينها..”لفت عليه
واحتضنت وجهه وشعر ذقنه يلمس كفوفها الناعمه”كملت بصوت باكي مبحوح””مطلبي كان اسبوع اسبوع واحد فقط ابني فيه معك ذكرى..ابي اعيد نفس
الاسبوع اللي عشته معك في جدة
ياسر ضاع بتفصيل عيونها واهدابها..
تاهه في عمق عينيها و”وهي تطالب
بـ اسبوع!! وماذا بعد الاسبوع اتريد مني رسم حلم سعيد في طيات جمالها!! وتختفي!! لا اسبوع
لا يكفي اود عيشك اسابيع وشهور وسنين..فتقبلين؟! اما تختفين؟!””
نوف فهمت صمته برفض نزلت يدها و وقفت..
وقف معها ومسكها/وبعد اسبوع!!
نوف تزلت راسها/ما بقى من الاسبوع الا اربع ايام..
ياسر باصرار/وبعد اربع ايام
نوف اللتزمت الصمت /******
ياسر صد عنها
وفتح الكبت
وطلع بجامته لبسها ولتفت لها
ماتزال واقفه في مكانها..
رفع يده يقفل ازرار
بصوت غليض/اسمعي يا بنت الناس انا رجل صبور وصبري بدا ينفذ.. وهذي المره بترك لك الخيار..اما انك تبقين وتعيشين مع ولدك ولك مني الكرامه و الحشيمه او على قولتك بعد اربع ايام ترجعين وتختفين فهذا رجع لك ولك مني ورقك طلاقك..و ولدي عهدن علي ما احرمك منه ولا اكون خسيس وذلك فيه..واجبرك تبقين عشانه..بمعنى اوضح انا فقط اخيرك بيني وبين حريتك ولك الخيار بعد اربع ايام بظبط يعني يوم الاحد بدخل غرفتك في الليل بدخل غرفتك واعرف قرارك اذ اخترتي انك تبقين وتكونين زوجة لي ف ابي اشوفك بكامل زينتك..واذ لا ف ابي اشوفك لابسه هذا””حذف عليها من ملابسه شورة وتشيرة ابيض”
بكذا يوصل لي قرارك
نوف نزلت عيونها لـ لملابسه اللي بين إيديه
وعطته ظهرها وطلعت
تجر رجولها جر ..
دخلت الغرفه ورمت ملابسه فوق شنطتها اللي جابها لها قبل امس ومرمت نفسها على سرير جنب نواف
—-”
—-”
بعد يومين
الساعهظ¤:ظ ظ فجر
طلع للمسجد يصلي..
وقراء اذكاره ورجع للبيت
دخل بهدو وصعد بيبدل ملابسه
ويطلع لدوام..
وقف بفضول هو يشوف باب غرفتها مفتوح ونور يتسلل من خلف الباب..
مشى ببط
ومسك مقبض الباب وطل براسه.
مكان هادي
دخل الكثر
وفتح عيون بذهول.
جالسه قريب من الشباك المفتوح باته سجدتها
وجلال الصلاة حول كتوفها وجالسه وهي ثانيه رجولها وبيدها القران تقراه بصوت شبه
مسموع..
ونواف منسدح على فخذها ويلعب بشعرها
نوف حست بحركه
خلفها ولتفتت وراها بسرعه وبصدمه/ياسر..فيه شي
ياسر ترجع على وراء
خطوه وبتصريف/ايه بما انك صاحيه فزي سوي لي فطور قبل اطلع لدوام..
نوف هزت كتوفها بستغراب
وقفلت القران ونزلته على الكومدينه وسفطة سجادتها وجلالها ودخلتها بدرج
و وقفت/ابشر دقيق ويكون جاهز..
مسكة يد نواف بتنزل فيه معها
ياسر مسك يد نواف/اتركيه ونزلي خلاصي شغلك
تركت يد نواف ونزلت للمطبخ..
ياسر انحنى وشال نواف وطيره فوق/يالله انك تحييه
نواف بكسل وخوف لف يده الصغيره حول رقبة ياسر وتكى براسه على كتفه بنعاس
ياسر باس راسه ونزله
على السرير..
نواف دخل اصبعه بفمها وانقلب على عجنبه..
غطاه ياسر وتلفت بستعجل في الغرفه فتح الكومدينه اللي عليها القران
توسعة عيونه هو يشوف ظ§ كتب مختلفه فوق بعض كااتب منها في السيره النبويه وكاتب لا تحزن و كاتب نهاية العالم وكاتب غازي القصبي في الاداره..والـخ
والف علامة استفهام فوق راسه..
رجع الكتب مكانها
وتوجهه الكبت فتحه وبدا يقلب في ملابسها
كلها فساتين ناعمه وبلايز انيقه..ليقنزات..والجزم مرتبه على جنب كلها كعوب وفلات و وحده سبورت فقط
قفلها وتوجهه لتسريحه اللي عليها عطورات نسائيه ولوشنات وكريمات جسم..
ميك اب واكسسورات!!!!!
جلس على كرسي التسريحه
وغرز يده بشعره/من متى صارت تعرف تقراء؟! من متى صارت تصلي وتقرا قران؟! من متى صارت تهتم بنفسها وبلبسها؟! من متى صارت فااااتنه وهااادية؟! مـن غيرك من علمك من اخذ بيدك؟!! واي اسلوب استخدمه معك؟! العنف ام الطيبه؟!
التفت بريبه هو يسمع صوت تحطام تبعه صوت
صراخها
فز بجنون وركض لتحت
نزل مع الدرج هو يصارخ بأسمها/نوووووف
دخل المطبخ وفتح عيونه بفجعه كان شبه
ساجد
وصحون زجاجيه متكسره حولها والحليب منسكب ..
نوف نزلت راسها اكثر بعد ما حست بوجوده
تخفي ملامحها وهي تعتصر الم
صداع بيفتك براسها و وخزات ابر تضرب بجبينها وعينها تحترق..
ياسر اخذ نفس عميق وانحنى لها مسكها مع كتفها/طاح الشر..قومي..صار لك شي
رصت على اسنانها بقوه حاوّلت
ترسم ملامح طبيعيه على وجها ورفعت راسها
وببتسامه باهته/لا
ياسر شد من قبضته على كتفها
هو يشوف وجهه احمر وعروق
جبينها بارز/وش فيك؟!!وجهك احمر
نوف تضغط على نفسها وتوقف
وبتصريف/فـ فططو ورك كله اانكب
ياسر لاحظتها تمنى يضمها بقوه
من رجعت ما حتضنها..وفعلاً محس الا هو يسحبها
له بقوه ويحتضنها يحتضن فقيدته
يرضي حنينه وشوقه لتلك الطفله العبثه بحياته..
يشعر برعشتها وبحرارة دموعها على كتفيه..
اتبكين!! لما الدموع ايحزنك قربي؟!
–
رفعت يدها على صدره وانسحبت من
بين إيده بهدو
وصعدت الدرج..تاركه اثار عطرها بين طيات يديه
..
دخلت الغرفه وقفلت الباب
لتبدا صراعها مع مرضها…
جثت على ركبها مشت عليها ببطء والم
حتى وصلت للكومدينه فتحتها
واخذت قرص العلاج واكلت لها حبتين ..
ودخلت يدها بفمها وعضت عليها بالم…
تكتم صراخها””لا لا تعرف تحملي لا تصرخين ويعرف بمرضك ويشفق عليك..لا تكونين موضع شفقته او شفقة غيره..يااارب يااارب..اءءه
استمر الالم حتى غفت في مكانها ونواف نايم على السرير…
—
—
جالسه مع عيالها
في حديقة القصر..
وزوجها وحبيبها جنبها تتبادل معه السوالف
و الضحكات
ومعاذ و انس يلعبون ب الكورة بجوار المسبح المغلق بزجاج الا من جهه واحده مفتوحه..
رغد مسنده كتف ابوها/بابا لا ما ابي لندن العام كنا فيها..خاطري بـ برشلونا
الهنوف تسبل بعيونها/لا يا عيني السنه هاذي لي انا وبوك هذي المره حاجزين على جزر المالديف نجدد شهر العسل
رغد بحلطمه/ماماا توك في عطلت الربيع رحتي لها
الهنوف/ولسى بروح لها..وانتي سافري مع اخوانك وبنت عمك لـ برشلونا
هيثم ضحك على مجاكرتهم/ههههه بس انتي وايها حشى جارات..خذو العلم اللي يجمد على الشارب.. اللي بيختار الدوله هذي السنه بتصويت..وبصوت عالي”معاااذ انـس
ركض معاذ وانس لطولت اهلهم
معاذ/هلا بابا
انس بتقليد طفولي/هلا بـاابااااا
هيثم يمسك خد انس ويضغط عليها بخفيف/ابوي انت..يللا بسرعه اختارو المالديف او برشلونا
معاذ بفرح/برشلوناا بابا في مباره بعد ثلاث اسابيع بين مدريد وبرشلونا وبتكون في ملعب برشلونا وابي احضرها
انس يتكي يده في حضن امه يستشيرها /ماما برسلوناااا ولا ماديف
الهنوف/المالديف يا عيني امك انت
انس يرفع يده الثانتين /ماااااادددديف مااااديف
رغد/لا غش
هيثم /ههههه تعادل اذاً واحد منكم يتنازل ولا نكنسلها كلها
رغد والهنوف/لااااااا
الهنوف تمسك يد هيثم /حبيبي بليز المالديف
رغد اسوي نفس الحركه وتمسك يد ابوها /بابا عيوني وروحي انت برشلونا
انس ينط في حضن ابوه بغيره/بابا انا انا
الهنوف تشيل انس وتبوسه/خلاص المره هذي انا اللي بتنازل وبرشلونا برشلونا
هيثم/اجل بناخذ جوله كامله في أسبانيا
معاذ ورغد/ياااسسسس
انس نزل من حضن امه يدور على الكوره بينما هم انشغلو بتخطيط لرحلتهم لـ اسبانيا..
انس ابتسم بفرح هو يشوف الكوره
ف المسبح تطفو فوق الماء..
ركض من الجهه الثانيه ودخل مع الجهه المفتوح..واتجه للمكان اللي تطفو الكور فيه.. اخذ شبكة التنظيف””تنظيف المسبح””
ومدها بصعوبه يحاول يلتقط الكوره لمست الشبكه طرف الكوره وابتعدلت اكثر.. قرب من المسبح وجلس على ركبه ومد مره الثانية الشبكه وقدر يدخل الكوره فيها..ضحك بفرحه طفوليه وصارخ لـ ابوه/بااااباا ماامااا انا بطل”رفع الشبكه فوق
الاجل يشفون الكوره
وفجاااءه انزلقة رجله وضربة بقوه بحافة المسبح وطـشششششششش
الهنووف صارخة بصوت عالي وحاد/ولـــددددددددي
هيثم تصلب لثواني هو يشوف ولده يتخبط في المسبح
مع صراخ رغد ركض بجنون ونط من فوق السور الزجاجي وطب في المسبح وسبح لطرف الثانيه هو يشوف انس بدت حركته تقل وجسمه ينزل لداخل المسبح ..
—
توقف عن السباحه بصدمه هو يشوف ولده وقطعه من قلبه يغرق..
سمع صوت احد ثانيه يطب في المسبح وصراااخ مكان مستوعب صدمة شلته ..
..
تحرك ببطء وعيونه تراقب ياسر اللي انتشل ولده
من المسبح وجهاد اللي اللتقط انس
من يد ياسر واخذه..يحاول
يجري له الاسعافات الاولية
لا كن بدون فائده
جهاد بصراخ/لازم ننقله للمستشفى لسى فيه نبض
ياسر ركض لسيارة والخلفيه جهاد اللي يركض وبين إيديه جسم انس الصغير…
ركبو السيارة وانطلقو فيه لقرب مستشفى…
الهنوف انهارت على ركبها وبصراخ”لااااااا انسس انس لااااا رجيتك لااااا انس ياامك لاااا تموت لا تخليني انس اءءءءءه ياااارب ياررررب..لا تختبر صبري في وليدي انحرمت من وثنين لا تحرمني من الثالث يااارب اءءءءه..يااارب انحرمة اكون ام لبنتين لا تحرمني من اني اكون ام لولدين اءءء
رغد جلست جنبها بنهيار..
هزها منظر اخوها وصدمها كلام الهنوف
اللي مو قادره تستوعبه…
رفعت عيونها للي خارج ببطء من المسبح وحتضن معاذ اللي يبكي بصوت عالي واذ بها تشوف ابوها وعزوتها وسندها اللي تستمد
منه القوه ينهار ويشارك ولده البكاء..
لا لا تبكي لا تبكون لا تموت انس لا تموت..
وش اللي يصير!! وش صار تو كن نخطط على سفرتها على وناستنا..ليش انقلب ضحكنا لبكى..
اجتمع جميع اهل القصر حول عائلة
هيثم انهار معهم من انهيارهم وحاول يقويهم ويساندهم..بشكل اللي خرج فيه انس
ما عطاهم امل انه بيرجع لهم..
فقدو الامل برجوعه
ام ياسر تضم الهنوف لصدرها
اللي كانت تصارخ بجزع وسخط/ولدي مااات يا نوررة
نورة”ام ياسر”/بيرجع لك بيرجع قولي لاإله الا الله
الهنوف تضرب صدرها/وليدي مات قدامي والله معاد يرجع خذوه جثه ما يتحرك انقطعة انفاسه قدام عيوني يويلي يوويلي على وليدي اءءءءءءه “”
تنست ذاك العظيم بقدرة انسها الشيطان..بوسوسة مستغلاً ضعفها..
. نست قوله تعالى”قَالَ مَنْ يُحْيِي الْعِظَامَ وَهِيَ رَمِيمٌ}
وان الابتلا ليس إلا قدر و
‎ينزعجون لنزول البلاء انزعاجًا يزيد عن الحد، كأنهم ما علموا أن الدنيا على ذا وضعت! .. وهل ينتظر الصحيح إلا السقم؟، والكبير إلا الهرم ؟، والموجود سوى العدم ؟!”
‎وينسون رحمة خالقهم
وقول الرسول صلى الله عليه وسلم”إنما الصبر عند الصدمة الأولى”
—
انتهى صراخ الهنوف الجازع